شرشير

-٣٨-

سبحان الله
و
الحمدلله
و
لا إله إلا الله
و
الله اكبر

—حيل احبگ يا ترف
————————————————————————————

رجع ضهره عل سرير وهو يكول

—الدوشك مريح يسوي واهس

—اهووووو سراي عليك الله اسكت كافي تره استحي

—عل طاري المستحه ماستحيتي تتعلمين الركص

—ههههههه ليش استحي هم فن وهم علاج نفسي

—هاا هسه الركص صار علاج نفسي

—والله ابحث عن الموضوع وشوف

—كومي

—وين

—اقيمج

—هههههه لو تموت اني بعرس رحمان بس نسوان وماركصت تريد اركص كدامك

—ميخالف اغمض عيوني وركصي

قربت نفسي عليه كرصته من زنده وكتله
—قشمررر اني اذ تغمض عيونك شلون تقيمني

—اشوفج بكلبي

—هههههه خلي يولن سوالفك

—يعني متكومين

—لع

—جا كايم اروح لبيتي

حجاها وهو يكوم من السرير وسوه نفسه زعلان
—سراي صدوك تحجي

—والله جا شنو مرتي تعرف تركص واني كلشي مامحصل

—ميخالف اركص بس مو هسه

دار وجهه وشبهه ابتسامه مرسومه
—جا شوكت

كزيت عل اسناني وكتله
—جا اله هسه تعبانه صارلي يومين مانايمه

—حقج بويه تعاي بعد روحي

صفنت هاذه ضحك عليه واني صدكته ضربته بنص بطنه
—اخخخ

—تضحك عليه

—لا ابد فقير اني

—اي كولش

دتعاي ولج بربو*

نام عل سرير ومدلي ايده انام عليها نمت عليها ودرت وجهي انطيته ضهري ضل يلعب بشعري ويطبع بوساته عل ظهري ل شويه وغفيت
حسيت عليه طبع بوسه عل خدي وكال

—صباح الخير حبيبي يلا كومي ساعه ١١

—مممم

—منتظرج نتريكً

طلع صفنت احس ب راحه مو طبيعيه نهضت من الفراش غسلت وطلعت الهم محضر الميز وجاي يصب جاي كعدت كدامهم يسر طايره من الفرح كاعده بصفه

كمت غيرت مكاني وكعدت بصف سراي صار هو بيناتنه
ضحكت عل شكله صار يسوي لكمه ل يسر ولثانيه اليه ابتسمت عل شكلنه احس الفرحه دخلت ل روحي و ترست البيت
هو مرتاح وعيونه بيهن لمعه تجننن