سبحان الله
و
الحمدلله
و
لا إله إلا الله
و
الله اكبر
بوگني من الدنيا كُلها
وضمني بين چفوف اديك💙
————————————————————————————
فتحت باب الكنتور عيني صارت تتجول بكل أنحاءه ماريد اخترق خصوصيه بس فضول اريد اعرف شكو شي يخصه من جنت زغيره واني أتمنى افتح كنتوره
راحت عيني عل بندقيه تجننن شكلها قديم بس حلوه سحبتها بيدي ثكيله حيل رجعتها لمكانها نزلت كاعده اكو ملفات مرتبات واحد فوك الثاني جذبني ظرف ابيض شلته بيدي وفتحته بي طلقه وبقعة دم ومكتوب عل ظرف بس مشخبطين عليه ماكدرت اقره غير كلمة أقدار
صفنت عجزت أفسره معقوله هو حاطها يمكن مادري رجعته لمكانه صندوك صغير فتحته بي محابس ثنين تذكرتهن واحد وداد جابته من العمره والثاني شذره سوده تلمع بصوره ملفتهه شعجب نازعه جان ابد ميفارك ايده
رجعت الصندوك بصف الملفات محطوط عطور اكثر من نوع غريب محتفظ بعطور
كمت رفعت نفسي اكو خانه ثانيه بس ماانوش اشوف جبت كرسي وصعدت عليه
قطعه بيضه ملمسها ترف مثل الستن شلتها وكعت من ايدي نزلت اشيلها ونفتح الفستان ووكعت منه علاكه صغيره شهكت حاطه ايدي عل حلكي تذكرته والله.
فستان العقد مالتنه هاذه
محتفظ بي رغم شكهه واتهامهن اليه وهو حاط فستاني يمه القهر ترس روحي دموعي صارت تتناثر فتحت العلاكه لجانت ملفوفه بنص الفستان
الذهب مال المهر و حلقتي ل اختاريته أتذكر رحنه سوه منتظرته يوم يوم حتى ينزل من الدوام ونشتري وخبلته يوميه دازه اله موديل شكل وهو ينطيني رئيه
اخير شي من رحنه اول يوم ماشتريت وطنكرت بنص السوك ماعاجبني شي وهو مطول خلك وياي ومجاريني اخذني ثاني يوم وهم فره ياله اختاريت هاذه عجبني اول ماشفته يم الصايغ ضحكت لان اجه عل ذوقي ماحب الهوسه ولا احب الذهب كولش دائما أميل للفضه بس هاي عاداتهم اله ذهب
ماشه صغيره بيها شذر ابيض ماذكرها
هاي مادري مالتي لا بس اكيد مالتي دام حاطهن سوه يعني مالتي
وورقه صغيره فتحتها
مكتوب بيها
—لتضوج مني فدوه لشواربك تحملني ماعندي غيرگ
عزه بعينه ضامهاا لسه هههه شلون ذكره سخيفه عابت هاي بوكتها جنت خايفه من الرياضيات وهو عنده إنذار عاف الدوام وكعد يقريني وخبصو باللاسلكي خبص ورادو يعاقبو كوه رههمها ف خفت منه ليصير عصبي عليه قبل ليرجع خليت حمره من ورود كتبتله بهاي الورقه ولزكتها عل مرايه وطبعت بوسه عل مرايه
مادري بس كلبي رف والله يعني رغم لصار كله وهو حاط اشياء تخصني لو اصفن الها يعني اذ اني ب موقفه وصاير هل شي والله احركه واحرك شكو شي يخصه صفنت شنو هاي شو كلبي يفزعله
أنت تقرأ
شرشير
قصص عامةنظراتها كوتَر الجيتار الناعم الحنون وصوتها كاللحن الهادئ الذي ينساب في خفوت اما هو يسود ولا يُساد
