شرشير

-١٠-

سبحان الله
و
الحمدلله
و
لا إله إلا الله
و
الله اكبر

يا مايع ترافه تهيب من احويك

#عريان_السيدخلف

بلورة : صار وكت الرجعه لبست بنطرون كابوي ازرك وتشيرت ردان حذاء سبورت ورفعت شعري مكياج مااحب اخلي ولا يتوالمً ويه سفر بس خليت مرطب رشيت عطر وطلعت من غرفتي بوجهي ل غرفة يسر كعدتها وبدلت الها لبستها ملابس مريحه سحبت جنطتي بيدي بيها الاشياء ل ضروريه ل احتاجها بالطائره طلعت نزلت جنطة السفر للتكسي
رجعت سلمت على خاله رحيق بعد ماا كومه بجت كسرت خاطري ودعتهم وطلعت
وصلت المطار بعد عن وقت الطياره هواي اخذت يسر وطلعنه ناكل ب مكان قريب على المطار اكلنه ورجعنه شويه وصار النداء صعدت ونطلقنا
بعد مشقات الطريق وهوسته

مشتاقه حيلللل ارجع واني روحي ترفرف على العراق صار وقت الهبوط يسر لزمت ب ايدي تخاف هههه
نزلنه اخذته جنطتنا واتصلت عل مراد

—هاا مراد وينك

—جايج وين واكفه انتي

—يم كافتريا...

—ضلي يمج حتى اجييج

—بقيت تقريبا ١٠ دقايق واجه من بعيد يمه صاير يجنن سنين مااشايفنه  عفته مراهق هسه رجال يخبل لوحت ب ايدي اله اجه ب اتجاهنه

فلتت ايدي عن يسر وحضنته بكل قوتي

—يااايمه شلون صاير ولك كبراااان

—ههههه لتخجليني ارجوج

—وتخجل همم

—انتي ل شلون صايره جو الغرب زايدج حلاوه

—بعد روحي مرادي
اباوع بعيونه مامصدكه دموعي صارت تنزل باس راسي

التفتت على يسر تباوع اله

—تعاي خالو

اخذها بوسها وطلعنه نمشي للسياره صعد الجنطه

—يووو مراد صدك تحجي سيارتك تك باب شلون مرتاح بيها

—بالعكس تخبل

رفع الكرسي صعد يسر وره ورجعه صعدت

يسر : مامي كار مراد بيوتفل

مراد : شوفي حتى بتج تكول حلوه بس انتي كبرتي صار مو ستايلج هاذه

—خلف الله عليك

—رجلج وين لعد

—هاا مااجه اريد استقر اني وبعدين هو يجي

—ممم جت اخذتج للشقه بس هل ايام عبدالرحمن وياي اجه

—لا للبيت وصلني عفيه انت اشتريت ل اثاث

—اي بس بي نواقص

—ميخالف ارتب وضعي واطلع اشتريهن

نزل طلب اكل من مطعم ورجع جايبه سفري طلعنه للبيت وكف سيارته كبال بيت حلو بسيط مساحته ١٥٠ بس منطقته راقيه نزل فتح لباب ونزل الجنط نزلت بعد مااخذت مفتاح منه فتحت لباب ركضت يسر فاتت قبلي كيفت لان شافت بي حديقه زغيره  واكو بزونه نايمه ركضت عليها لان تريد تلزمها