شرشير

-٤٤-

سبحان الله
و
الحمدلله
و
لا اله آلا الله
و
الله اكبر

في عيونها دوله وفي رمشها جيش وشفه هلاگ للقبائل

——————————————————————————

بلورة : كاعدين كلنه وندگ الباب طلع سراي كال امير
دخلت للغرفه سحبت بشت خليته فوك ملابسي وطلعت اسمع صوت بجي من غرفه ود صفنت قبل شويه مابيها شي وجيت امير اكيد صاير شي بيناتهم طلعت للكراج اباوع ل امير كاعد ويحوص يريد بس يلمحهاا باوعلي عرفته يريد يشوفها بس مستحي من سراي تقرب من سراي وكله

—اريد احجي ويه أختك

—شتريد منها

—هسه هم اخت صاحبي غير باجر عقدنه يا سراي لتمصخهاا

سراي يريد يحجي كمت على حيلي كتله

—تفضل امير تعال بالغرفه ود

باوعلي سراي ماراضي على تصرفي كام امير دليته ب الغرفه لبيها ود دك الباب ودخل الها
اجه سراي شايط

—ليشش تحجين من يمج شنووو عوددد هلتصررف

جنه بالكلدور محد اكو غيرنه باوعت عل شفته حطيت ايدي عله ياخة القميص كتله

—اني هم اريد احجي وياك تعااال

اعصابه رخت سبلت عيونه وتغير شكله دخلته للغرفه دفعته عل سرير وسديت الباب التفتت عليه يباوع ب هيام ويبتسم ممتوقع تصرفي رحت عليه واني ايدي تتجول عل شفته

—شبيك لتصير لئيم هو باجر يعقد عليها يعني واذ شافهاا

—ها هسه اني لئيم

حجاها وهو يوزع بوساته

—احبك سراي

—اتنفسج انتي وبناتج

—صدوك عل طاري بناتي أحسك تميل ل يسر اكثر من مسك

—لا بويه بس بعدها صغيره وهيج عمر ماحبه

—لعد شوكت تبدي تحبها

—احبها بس ماعرف أشيلها ناعمه من تكوم تناغي وتكعد هسه كلشي ماكو

—اممم

ود : ندگت الباب عدلت كعدتي ومسحت وجهي وكلت

—منو

—اني

دك كلبي لمن سمعت صوته بسرعه فتح الباب وسدها وراه صفن لمن شافني لبسه تراك قصير ربع ردن كمت سحبت الصايه خليتها فوك التراك وحطيت شال دايره وجهي عنه حجيت ب نتر

—شتريدد ؟

— احم اريد افتهم الحجي الزفت ل سمعته شنو سببه

—هه عساس متعرف السبب

اجه حط اديه عل جتفي ودارني اله
—من احجي وياج خلي عينج ب عيني ، واحجي لتنطيني ظهرج فأهمه !!