شرشير

-٢٣-

سبحان الله
و
الحمدلله
و
لا إله إلا الله
و
الله اكبر

ضِل يمَي
يمَك احُس بـ الأمِان
ايدي بـ ايَدك لا يضيعَنا
الزمِان🤍.

————————————————————————————

مرت ايام عاديه مصار شي غير سراي اشترى بيت مقابيل بيتنا وجهه ب وجهه اول ماعرضو هو اخذه ورود ولي حددو عرسهم ماباقي اله غير سبوع روتين يومي بين الدوام والبيت

سراي ماتقربت منه ابد لان الحاله ل عندي صعب وصفهاا نفسيتي كلهاا تتغير للاسوء شعور الضيق والخنگه يلاحكني مجرد مايكون قريب عليه وهو اعتقد لاحظ انزعاجي بيوم

كاعده بالمستشفى ودخل مراجع جبير بالعمر تقريبا ٦٠ هل حدود او اكثر لبس عكال كمت احتراما ل عمره لمن دخل
—السلام عليكم
—وعليكم السلام اهلا وسهلا تفضل عمو
—رحملة والديج عمي
بعد فحص طويل ومستمر لزم يخضع ل عمليه ومو خطره عل حياته
داقره ب الأوراق مالته ودخلو وياه ولد ثنين
—عمو ضروري نجري العمليه
—والله يابنتي اني اجيت متعني من .....
—عل راسي والله
تقرب من الميز ابتسمت عليه لمن اشرلي أتقرب تقربت همس
—بويه اني ماعندي مشكله اسوي العمليه بس هاذه ابني مامقتنع شويه عنصري يريد نروح ل دكتور
رفعت راسي باوعت للولد واحد يخوزر ولثاني طبيعي عرفته نفسه ليخوزر مبين من نضراته
حجيت بصوت مسموع وكتله
—عموو اذ تريد تتاكد براحتك واذ تريد دكتور هم براحتك اهم شي قناعتك انت
—لا بويه يمج
—عاشت ايدك اهم شي عندي قناعة وموافقة المريض الباقين مو مهم
تحدد موعد العمليه خلال هل يومين بعد فحوصات حددت موعد اله باجر
كعدت الصبح وصلت يسروطلعت بوجهي للمستشفى جانت اول عملية عمليته جهزت نفسي وطلعت اله
—ها عمو مستعد
—مستعد بويه
—يلا يالله
بدة دكتور التخدير بديت بي خلصت والحمدلله تمت عل خير وسلامه طلعت الهم صارو بوجهي ولد ثنين ومره جبيره وكاعدين زلم

—بشري يمه
—الحمدلله كلشي تمام بإذن الله شويه وتكدرون تشوفو
—رحملة والديج حبيبة الله يوفقج
—واجبي هاذه الحمدلله على السلامة مره ثانيه
عفتهم مشيت غيرت ملابسي واخذت استراحه سويت كوب كهوه ونزلت بالحديقه اريد أتنفس هوه المستشفى رغم ما صارلي هواي بيها بس جوهاا يخنكني ضليت كاعده بالحديقه تقريبا ١٠ دقايق ودخلت بوجهي للغرفه
مقرره اكمل دراسه ماريد اضل بمكاني اريد أطور من نفسي السنه قدمت ومنتظره يتحدد موعد الاختبار

ل١ونص رحت للرجال
—شلونك عمو
—الحمدلله
—شتحس اكو الم
—لاا
فحصته ماكو شي انطيتهم تعليمات يلتزمون بيها وطلعت صار بوجهي نفسه الولد ليخوزر تعديته ومشيت

مر روتين عادي طلعت للبيت يسر يم رحمان لان مراد بده يداوم واحيانا سراي من ماعنده شي عل كده رجعتي بس ساعتين ورجع اخذها