شرشير

-٤٣-

سبحان الله
و
الحمدلله
و
لا اله الا الله
و
الله اكبر

بس انت الخسارة الباقي يتعوضون
الگبلَك والوراك عيوني بايعته

———————————————————————————-

حيلي كله رجف نزلت دموعي بجيت وكتله
—شووف اجه

—واذ اجه شمسوي

—انت شنوو من بشر لتخبلني اله سراي مااتحمل اشوف نظرة الخذلان منه
بجيت وحطيت اديه عل وجهي ماتحمل سراي يختلف هو شخصي المميز

والأقرب ل كلبي روحي تتفتت لمن ميجي للبيت بس رغم لصار ماكطع عني

ميفوت يوم اذ مايتصل عليه ويطمئن اكثر من مرات الكاه يجي للجامعه بس

حتى يشوفني هو غير هو ابويه وأخويه وسندي بهل دنيا علاقتي ب رحمان مو

مثله احترمه وأحبه اتجنب الغلط بس حتى لا اوكع من عينه ماانكر مشاعري ل

صاحب الاغنيه بس صحيت عل نفسي وحتى الشريحه غيرتها

دنك ل مستوى راسي حط ايده عل جتفي عطت بي
—ايدكك

بعد ايده عني وكال
—كافي لتبجين هسه احل الموضوع

رفع موبايله واتصل عل سراي واني منتهيه من البجي أشرلي اسكت

مسحت دموعي اريد أشوفه شنو يريد يسوي

بلورة : جنت كاعده بالحديقه ودخل سراي عينه صارت عليه كمت عل حيلي واني كلبي يدك عزه اذ يعرف يسويها دمايه ولو يموت مينطي ود تقرب مني يباوع بنظرات تسائل وباوع للبشر اني مالبسه اله للضروره
—شو هنا بويه

—ماكدرت انام

قرب نفسه يحرك ب إبهام ايده عل حنجي

—واني ماكدرت انام بدون شوفت وجهج

كعدت بالكاع مشكلتي ماعرف أمثل بس كتله
—عفيه مي ريكي نشف

دخل للبيت طلعت موبايلي اتصلت عل ود انطيتها خبر ب جيته سويت نفسي العب بالموبايل
انطاني مي اخذته منه
كعد بصفي

—مو كافي

—لا مو كافي

باوع ب وجهي وملامحه كلهن تعبانه وهالات سود جوه عيونه حجه بصوت مكسور

—تعرفين نقطة ضعفي وصرتي تستغليني

نسيت ود وفتحت الموضوع وياه لان حيل حاز بداخلي
—اني شنو بالنسبه الك