شرشير

-٣٧-

سبحان الله
و
الحمدلله
و
لا إله إلا الله
و
الله اكبر

شلَّك بروحَك ؟ تعال بروحيّ عيش .

يا وردتي الما يلوگلها مُطر غيري ..

———————————————————————————

—حبج نزرع بيه فطره من اني طفل وانتي سكنتي روحي صرتي مثل الدم يمشي بجسمي شكد حاولت اعوفج ماكدرت مههوس بيج لو تدرين شكد عانيت ب مراهقتي وانتي كبال عيني وبعدج زغيره صرت أجاهد بالدوام في سبيل ماانضرلج نضره مو حلوه تصرفاتج نعواصج كله سلب عقلي

عيونج لگيت الوطن والأهل من شفت لون عيونج واني كرهت كل الالوان حبيت هل عيون

شرشير رغم الصار والمر كله لحضه وحده مافاركتي بالي بيج سحر غريب كل ما احاول انساج الكه روحي غايصه بتفاصيلج

احس شعور يخبل ترس كلبي وهاي ثاني مره أعيشه من بعد ما جنت وياه اول ايام حبنا يحجي واني مبتسمه على كل كلمه يكولها رفع ايده على خدي وكال

سراي ...رفعت الحواجب الرموش الشفايف الوجنات روحج شرشير عاشك روحج عشگ بس الله ليعلم بي شكد مااحجي مااوصل ولو ذره كدامً حبي الج  ماانكر حاولت استقر

لمن تزوجت بس جنتي مثل النفس بكل ثانيه تغوصين ب روحي بكلشي عايفتلي ذكره عاشكج من انتي طفله روحي تفرح ب فرحتج وتنكسر ب دمعتج ،بكلمه او تصرف عفوي جنتي تحين إنسان ميت بلا شعور بلا روح  روحي ماتت يوم لسمعت متزوجه مجرد تخيل انتي بحضن غيري احترگ
نار سكنت ضلوعي لو تدرين شكد مريت ب ايام صعبه مااهتم ملتهي بالشغل بس اخ اذ اجه الليل تتربعين ابالي خلص هنا ماكدر اشرد اضل اخط بهل ذكريات الناس تنام اني روحي تختنك بجية الليل

دمعت عيوني عل كلامه
مسح دمعتي ب طارف إصبعه وكال

—لتبجين دمعتج تيزاب تنزل بروحي لو تدرين ذيج الليله شكد عانيت بكل مره أتقرب منج روحي تنطفي الحقد مل

خليت ايدي عل شفايفه وكتله
—شش كافي الصار مو ذنبك  ولا مره كدرت ادعي عليك تدري ليش لان  كلي الك روحي كلبي عقلي خلينه ننسى الماضي ونبدي من جديد

ضحكت عليه لمن ثنى رجله وكعد بالكاع

—تزوجيني دكتوره
—هههههه اسمع مهري وقرر

— لو رايده نجوم السمه هم اجيبهن الج

—المقدم گلبگ ونبضه حضرة العقيد

—هاي منتهين منها دومه ينبض الج كلبي

—المؤخر

—شبي المؤخر

—من اني وزغيره مغرمه ب رتبه واتمنى  اشوفهاا عل جتفگ احسها بس الك تلوگ

—شنو