شرشير

-١٢-

سبحان الله
و
الحمدلله
و
لا اله آلا الله
و
الله اكبر

يدخان الجگاره الماعفت ريتي 🚬
يلمخليني اتيه اوجوه اهل بيتي
يشيب الراس يابواگ عافيتي
كون الدمع ينباع واجمع وعدة
ينعصر ست مرات وجه المخدة

نزلت ستراحه اخذت كهوه وكعدت عل مصطبه بالحديقه خليت رجل عل رجل واني اشوف الناس هاذه المريض هاذه ل عنده حالة وفاء كلمن همه شكل بالدنيا
دوامي اليوم ب المستشفى الأهليه

تذكرت واني اجيت للمستشفى اول مره واني مجروحه وانزف  لمن طلعت هاجه بلية ضلمه ب ضلام روحي وجروحها

كمت من مكاني توجهت ل غرفة الكادر مسوين عزيمه كعدنه ناكل وسوالف وضحك كلش ودودين ومحترمين ميصيحون ب اسمي كله ام يسر خصوصا ل كبار بالعمر
واني شلون مااحب هل اسم بحيث نتشر الدكتوره ام يسر يصبني فخر واني اسمع اسمها يقترن ويه اسمي

استوقفني صوت ناديه وهي تكول

—دكتوره عندج ضيف بالغرفه
—منوو
—ماعرف بس كال اريد إشوف الدكتوره بلورة

ماانكر خفت لان هنا محد يجي گ ضيف والمراجعين يجون عل حجز خفگ كلبي سميت وفتحت باب الغرفه ظهره عليه لان كاعد عل كرسي وب ايده تحفيه مكتوب عليها اسمي جايتني هديه من مراجعه جمد الدم ب بوجهي لمن سمعته يكول

—ناسيتنه الدكتوره

دار وجهه واجه ب اتجاهي
تحول خوفي ل ابتسامه نرسمت عل ثغري لمن تقدم يسلم

—ياهلاا ومرحباا ب استاذ ولي شلونك

—الحمدلله انتي شلونجج

—برحمةة الله شخبارك شذكرك بيه بعد هل وكت الطويل

—صراحه عندي مراجعه مريت منا وسمعت اسمج وتاكدت تداومين هنا

—ايي صارلي مده اشتغل هناا خير خوب مابيك شي

— لا ماكو شي تحليل روتيني شلونج بنتج شلونها

—الحمدلله استريح شنو تحب اضيفك

—لا عندي موعد بس حبيت اسلم على حضرتج

—للامانه استاذ ولي ماعرف شلون اتشكر من حضرتك وكفاتك متنسسي

—مابينا هل حجي دكتوره بس عادي اقبل ب عزيمه

—هههههه جنك عل عزيمه تأمر امر

—ميأمر عليج ظالم يلا اخذي راحتج عطلتج

—اهلا وسهلا بيك العفو بس رقمك لسه نفسه

—ايي نفسه

—تمام

—مع السلامه

—اهلا وسهلا

——ياأخي هل رجال شكد ثكيل ورزن ولسه هو نفسه مامتغير بي شي غير خصلات شيب ب راسه نفس الكشخه والاهتمام والترتيب وازيد  بعد