شرشير

-٤٠-

سبحان الله
و
الحمدلله
و
لا اله آلا الله
و
الله اكبر

ومن كالولي عنك طبعه مثل الهيل
ألتهيت بريحتك ماكلت گلبه أسود

————————————————————————————

بس تقدمت بالأشهر صارت النساوه فد مره بس هل مره غير نساوتي كلها ب سراي مدري ليش احضن بي وهيج اول ميجي اركض بس اريد اشتم عطره من يبات بالدوام حاطه قميصه عل خشمي يلا انام

بلورة : كاعدين عل مسلسل ورسل يمي مادري بس كفخت ب خشمي ريحة كص

—رسل جاي تشتمين شي

—ششتم

—اكو ريحه

—اي مو عالكه المبخره

—لااا ريحه كص

صارت تشمشم بقوه
—وين كلشي ماكو

—مادري داشتم بخشمي الريحه

—خاف مشتهيته يمعوده

—اكوم اخابر سراي طكت الريحه بخشمي

—مو عنده خفاره

—اي بلكت يجي

كمت للموبايل
—ها شرشير

—ها حبيبي شلونك

—سمعت صوتج راح التعب

—ياروحي اكول تجي

—لا بابا عندي شغل

—بس اني مشتهيه كص

—كص بهل ليل

—اي والله ريحته بخشمي

—مريتي مشتهيه كص ويضل بنفسهاا

—يصير

—لا وألله حضري نفسج جاي

سديته منه واني اضحك هاي عادته بنص انشغاله هو يخصص وقت النه رسل ضلت يم يسر لبست فستان وظفرت شعري وطلعت واني ايدي عل بطني اتعمد اخليها هههههه واتنعوص بمشيتي هاي بس كدام سراي طبعا وهو يخرب ضحك عليه يكول جنج بطريق دكلي هورن طلعت اله وامشي عل كيف وهو منتظرني اصعد

—شلونه البطريق

—ههههه زينه

—مشتاقلج ولج

—تقرب حباب خلي اشتم عطرك من صبح لسه ألوب

—ههههه منا الناس بت الاوادم

—تعال سراي عليك الله

تقرب واني حطيت راسي ب ركبته من كل عقلي والله واسحب نفس بقوه ليشوفني ميكول الصبح هو يمي

—اووف يمه احس نفسي هدئت

—هههههه مو يمج العطر وكل شويه اشتمي منه

—عبالك ماحاولت بس مو نفسه

—شلون مو نفسه واني أحط منه

—حبيبي العطر لمن تحطه يتفاعل ويه الجسم وعل كل شخص ينطي ريحه تختلف