شرشير

-٢-

سبحان الله
و
الحمدلله
و
لا اله إلا الله
و
الله آكبر

مرات اڪو بگلبڪ حچي بس تنجبر ما تحچي

ومرات عينڪ ما تصب بس تلگه گلبڪ يبچي.

هـو الـتـاه كـلـبـة عيـونـة بـيـش أتـفيـد

فزز صفنتي صوت يسر وهي تكول

يسر : مامي نعست اني

بلورة : يلا حبيبتي كومي انام

كمت سديت التلفزيون واخذتها لغرفتها صعدتها عل سرير فتحت شعرها

يسر : تقريلي ستوري

بلورة : شلج بالستوري ماما مو نعسانه

يسر : بليز مامي شوي نوني وسويلي هاي الفلفل الشعر

بلورة : هههه مو فلفل فليلي ماما اسمها

يسر : ايي هي هاي احبها انيي

خليت ايدي عل شعرها افلي بي  مثل متحب وبديت احجي الها

-اكو حمامه بيضه حلوه عيونها مثل عيونج واكو حمامه سوده خبيثه متحب الحمامه البيضه جانت تعاديها بكلشي حتى لمن تلم اكلها وتسوي عش ل اطفالها
تجي هي وتهجمه وتضل تبجي الحمامه تاخذ اولادها وتبدي تلم عش جديد

حتى خلت أبوهم يعوفهم ويروح بعيد عنها وعن أطفاله بيوم قررت تسوي عش بعيد كلش حتى تخلص منهم
وهم راقبت الحمامه البيضه لمن تشيل الخوص حتى تسوي عشها الجديد ونقلت صغارها وطلعت تجيب الهم اكل شافتها واجت تهدمه لمن صعدت للشجره اجه الها الثعلب وجذب عليها خلاها تنزل ولمن نزلت اكلهااا

التفتت عل يسر نايمه وغاطه هههه طبعت بوسه طويله ع كصتها واني اتئمل ملامحها البريئه عيني سافرت بشامة حنجها نفسها عنده ابتمست
غطيتها وطلعت سديت لباب عل كيفي سويت جاي

كعدت عل التخم اباوع ل رف الكتب ملازم كومه صارت واخيرا خلصت شكد عانيت وشكد تلوعت وتمرمرت هسه اجه وكت الحصاد طلعت كتاب طبي ضليت اقره بي منا ل ٢ يلا نمت

بعد مرور سنتين

دك المنبهه وكعدت عل صوته

من وكت الصبح كمت فتحت لباب رشيت الزرعات دخلت للبيت طكيت بيض عيون وجاي عصير  ل يسر تمشيت لغرفتها

-يسر ماماتي يلا كومي حتى تروحين للدوام يلا امي

تحركت متملله

-امم بس شويه مامي

- يلا حبيبتي يلا نشاط بسرعه المس تكول صايره تتاخر

عفتها لمن شفتها  كامت تلم بشعرها وتوجهت للحمام

توجهت ل غرفتي دخلت سبحت طلعت بنطرون وقميص ابيض بي ورد من جهه الصدر  حذاء كعب لابكوت كويت ال ملابس شسورت شعري  وحضرت سكراب العمليات