مليت من كثر الصبر طال انتظاري...طال والشوق في وسط الصدر سنين على هالحال

البارت الثالث

انصدمت بالنايم وشعره الي طاح على جبينه وحواجبه المعقوده وشماغه المفروش على كرسي فاهد ويدينه المتكتفه توضح قد ايش نومته مو مريحه
تكلمت عبير تقطع وصلة تامل الهنوف : لمتى وانتي واقفه يلا اركبي طلع كل البراد
سكرت الباب الامامي وركبت ورا كرسي فاهد وانتبهت ان النايم قبل شوي صحى الان وتمنت ان مو هي الي صحته
تكلمت ريما : ابراهيم بالله طول عالمكيف الجو نار
تكلم بصوته المبحوح : وش تبين اكثر من كذا هذا حده والهنوف ترا الباب ما سكرتيه كويس
فتحت الباب ورجعت سكرته وهي منحرجه ركب فاهد السياره وتحرك من البيت وصاروا ريما وعبير يتناقشون واجوان على جوالها والهنوف بعالمها الخاص مشغول بالها وماهي عارفه وش السبب
توقف فاهد قدام احد المقاهي : وش تشربون
ريما : انا وايت موكا
اجوان : وانا ايس تشيكن موكا
عبير : انا قهوة سوداء
الهنوف : انا اذا في عصير تمام استغرب فاهد من رد الهنوف : وقهوة؟
الهنوف : لا ما ابغى عصير او مويه نزل فاهد وهو لازال مستغرب
قربت ريما من الهنوف وهمست لها : هنوف ابراهيم يقول اذا تبغين شي معين قولي لي واكتب لها لانه بينزل
هزت الهنوف راسها بنفي : مايقصر بس منجد مابغى شي تفهمت ريما وكتبت كلامها لابراهيم الي لف للهنوف قبل ينزل وهو يتفحصها رجعوا السيارة وتحرك فاهد بعد ما الكل اخذ طلبه
{الاستراحة}
وصلوا بعد ساعه واستقبلهم تركي وتركي واول ما نزلوا البنات تقدم
تركي غالية للهنوف : فيك شي
الهنوف : لا مافيني شي انت فيك شي
تركي : لا بس شكلك تعبان كان في حاجه ضحكت الهنوف وهي تتلفت تتاكد ان البنات دخلوا
الهنوف : لا ياخي بس مدري اليوم لما كنت ابي ابخر اشمغتكم عبير مارضت وكانها كانت معصبه مني بعدين احس اليوم بيصير شي تقدموا فاهد وتركي فوز بعد ما حسوا ان الهنوف فيها شي
وتكلم فاهد : انا من اول حاس بس الحين مراح اتركك الا لما تعلميني
لف تركي غاليه وهو يحكي لهم الي قالته الهنوف وهم ناسين الي واقف بعيد عنهم شوي ويناظر وكانه حاس بشي ويناظر تركي وتركي وفاهد والي توسطتهم ومنظرهم الي يوحي لجدية الموضوع
انصدم من شاف فاهد يتقدم ويحضن الهنوف ويبوس راسها وتركي اخوها يبعده عنها ويحضنها وهم يضحكون و رجعت توسطتهم لما قرروا انهم يوصلونها المدخل بنفسهم
{قسم الحريم}
دخلت وهي تشيل عبايتها وقابلت خالتها عهود الي كثير اوقات يبعدها الشغل عنهم تقدمت تحضنها وتسلم عليها
الهنوف : اخيرا يا خالتي نورتي مكانك
عهود: يابعد عمري انتي والله لو لا الشغل ولا كنت معكم
الهنوف : انسي الشغل الحين اهم شي جلستك بوسطنا انا بدخل اسلم كفايه اننا متاخرين
عهود : البزران متجهزين لك وكل شويه يسالون متى بتوصلين
ضحكت الهنوف ودخلت وبدت تسلم عالكل من كبير لصغير
وصلت لحرمة كبيرة بالسن : ماشاءالله من انتي بنته
الهنوف : بنت غاليه يا خاله
الحرمة : اي ماشاءالله كم عمرك انتي
لاحظتها ريما مبتلشه وركضت لها : وينك انتي امك تسال عنك وسحبت يد الهنوف من الحرمة : العذر والسموحة يا خاله امها تبغاها ضروري
وردت الحرمة : زين بس قبل لا تمشون ماردت علي كم عمرها
وكانت الهنوف بترد عليها لو ان ريما ما سكتتها وهي تقرص يدها من ورا : توها صغيره يا خاله ما كملت مدرستها ومشت وهي تسحب الهنوف الي ماسكه مكان القرصه و دخلتها المطبخ
ريما : اي وحدة تسالك كذا اهربي يا غبيه استغربت الهنوف ماهي فاهمه شي
الهنوف : عيب اهرب وهي تكلمني
ضحكت ريما : يا غبية بتزوجك ولدها الطعس
انصدمت الهنوف وهي تشهق : يعععع بسم الله علي تف تف فالك ما قبلناه كل هالزين واخذ طعس الله لايقوله
ضحكت ريما وطلعت من المطبخ وهي تقول : انا حذرتك وانتي بكيفك خلي الادب ينفعك وتركتها تفكر لو ريما ما انقذتها وش كان بيصير وطلعت متوجهه لغرفة الاطفال
{غرفة الاطفال}
دخلت ومعها كيس حلاو : هاااي
انتبهوا الاطفال لها وصاروا يركضون لها الي هي يحضنها والي يبوسها والي يسحبها تلعب معه والي يبعد عنها الكل يبغى يكون اولهم
وهي تضحك : طيب شوي شوي ولا مافي حلاو وقف الكل بأدب رجعت تتكلم وهي مستلطفتهم الحين لما اعد ابغى طابور سرييع
و اول مابدت تعد اصطفوا طابور سحبت كرسي احد الاطفال وجلست عليه وبدت توزع الحلاو للكل
الهنوف : خلصو الحلاو الحين بدون ما تخربون ملابسكم وبعدها بنلعب بالحوش وبدأو الاطفال يسوون الي قالته عليهم ولما خلصوا توجهت فيهم للمغاسل
وقالت: يلا نغسل يدنا قبل لانها توسخت من الحلاو خلصوا
{الحديقة }
بدوا يلعبون والامهات كانوا يناظرونهم من النافذة الكبيرة الي توسطت المجلس
وتكلمت وحدة منهم : ماشاءالله يا حلو الهنوف تهبل ولدي من اول ما عرف اننا بنجي جهز العابه كلهم بيعطيهم هنوف
وردت عليها ام ثانيه : اي والله بسم الله عليها ما اخاف اذا بنتي قالت بتلعب مع الهنوف
وردت عليهم خالتها فوز : هذا لانها اخذت حنان امها
وكل هذا كان يصير قدام عبير وجلست تفكر كيف تخلي الاطفال يجون عندها وصارت تناظر الهنوف الي كانت تركض مع الاطفال و بلحظه وقفت وطاحت على العشب

                   معليش البارت قصير اليوم لكن بعوضكم بكرة✨