مليت من كثر الصبر طال انتظاري...طال والشوق في وسط الصدر سنين على هالحال

البارت السادس

طلعت ونزلت اخر فستانها الي كان اسود سواد الليل وفيه خرز صغير يلمع بدون اكمام وماسك على جسمها واخر خصرها تبدأ نفشته وكعبها الاسود الي نفس ما قالت عنه جدتها مسمار من نحفه وطقم مشابهه لطقم ريما كانت مثل السماء الي مزينه بالنجوم والقمر وقفت وهي تنتظر احد ينطق بشي وتناظر البنات الي كانوا ساكتين ويناظرونها بس محد كان يتحرك حتى تكلمت وهي خايفه من شكلها خصوصا انها ما شافت شكلها وهذي من قواعد اللعبة
الهنوف : وش لايكون مو حلو ترا تعبت وانا اصممه سكتت وهي تمنع دموعها تنزل
تقدمت ريما بعد ما طال صمتها وقفت قدام الهنوف ومسكتها تقربها لها وصارت تقرأ
عليها بشكل حنون ابتعدت ريما
وجات اجوان بعدها : الهنوف لو كنت ولد بتزوجك مرا تهبلين وش ذا غطيتي علينا وقفت عبير وهي تاخذ فستانها وقالت وهي صاده : التصميم حلو
الي دخلت تبدل وطلعت بفستان احمر منفوش من بدايته زاد بياضها جمال وكعب اسود نحيل متوسط الطول وطقمها الذهبي وقفت قدامهم
اول من تكلم الهنوف الي قالت : مره تهبلين
وتكلمت بعدها اجوان :اللون ولا غلطه
ريما :شكلك مره يهبل
دخلت اجوان تركض وجلست عبير تنتظر
طلعت اجوان بفستان وردي ناعم وكانه مفصل عليها اكمامه طويله و توسط الفستان سلسالها الطويل الذهبي الي كان يلمع وكانت مزينه الفستان بطولها وكعبها الابيض الي كان اقصرهم بحكم طولها
تكلمت : ها كيف اكيد حلو
ضحكت اختها وردت : اي والله انه يهبل
الهنوف : مره تهبلين طالعه وكانك اميره ديزني
وقفت عبير قدامها وهي تعطيها بوسه : يجنن اقل ما يقال لك تهلبين مره
وقف الكل وتوجهوا للمرايا يشوفون نفسهم وكل وحده انبهرت من جمالها بدلوا وانتهت الليله بتفكيرهم بتسريحات شعرهم ونوعيه مكياجهم
بعد اسبوع نزلت الهنوف الي قضت اغلب اسبوعها بالغرفة و توجهت للبنات
الهنوف : ترا لقيت حجز من يبي معي
ردت ريما : انا اظافري مره لا يبي لهم اعادة صيانه
رفعت عبير يدها بمعنى وانا بعد
قالت اجوان : انا لا اظافري كويسه بس احتاج مناكير
هزت الهنوف راسها وقامت تمشي بترجع الغرفة
منعها صوت ما توقعته ابدا : الهنوف خليك شوي وجاي العشاء
لفت تتاكد وهي تدعي انه صاحب الصوت وشافته واقف وتحقق مبتغاها انه يكون هو تكلمت بعد ما صارعت نفسها ترفض او تقبل : لا فيه العافيه ماني مشتهية
مشت بالعكس بحيث ظهرها للدرج و وجهها لهم
وتتكلم بنفس الوقت : بالعافيه عليكم ريما انا بالغرفة اذا بغيتي شي بس ارسلي لي
مشت وهي نيتها الصد وانها تنسى كل شي وانها مشاعر وخرابيط اطفال مرت الايام
بين صد الهنوف وابراهيم
{ليلة الزواج}
طلبت داليا من الهنوف وريما يتاكدون من مسكتها قرروا انهم يتصلون على اخوانهم
والي يرد اول هو الي يوديهم اتصلوا
ورد ابراهيم : هلا
ريما : قريب ؟
رد ابراهيم وهو ماعنده صبر : اخلصي علي وش فيه
ردت ريما وهي متقصده : لا بس كان ودي تودينا انا والهنوف اول شي
محل الورد بعدها الصالون بس واضح انك مو قريب خلاص الهنوف اتصلي على تركي يجي
رد إبراهيم بسرعه : خلاص لا تكلمون تركي انا اقرب شوي وجاي
سكرت ريما وهي مبتسمه وراحت الغرفة تكلم الهنوف الي ما كانت معها بالصاله اصلا
{غرفة البنات}
ريما: يلا الهنوف اجهزي ابراهيم قريب وقولي للبنات بعد
هزت الهنوف راسها و توجهت تلبس عبايتها وتعطي البنات خبر جهز الكل وجلسوا
ينتظرون ابراهيم الي تاخر شوي اتصل على ريما وطلعوا بدون ما ترد يتوجهون للسيارة

ادري البارتات قصيره هالفترة لكن امر بظروف صحيه
وابشروا بالخير❤️