اسيره عشق | تومبوي * ليدي

الجزء الحادي عشر - ١١

بغرفة ديم
رين جالس جنب ديم ع الكنب " كل الموضوع ان اسراء امس كلمتني وانا تضاربت معاها عشان تبعد عنا بس !"
ديم " م اقدر اصدقك"
فتح جواله وحطه بيدها " شوفي محادثتنا بنفسك !"
قرت ديم المحادثه ومدت الجوال له ببرود " وش مبررك لتصرفاتك طيب !"
رين " معليش، انا قلت لك وفهمتك اني مضغوط وطلبت منك م تضغطين علي زياده"
ديم " وش تتوقع مني !!! اسمعك تكلمها وم اسألك!"
رين " اسلوبك ونبرتك تغيرت وصرتي تصارخين !"
ديم " يمكن لان ذا اسلوبك"
رين تنهد " طيب انا اسف "
ديم طالعته باشمئزاز ووقفت رايحه لغرفه الملابس " م عاد ابي اعتذارك لان احسك تقوله عشان تأدي واجب مو اكثر!"
رين " والله م صرت ادري وش تبغين مني بالضبط !"
ديم بانفعال " رين لا تجنني! ابيك ترجع زي م كنت اول ، طلبي صعب!!!"
رين ببرود وكانه يبي يستفزها اكثر " اي صعب !" طلع من الغرفه وتركها.
تنهدت ديم وهي تهدي نفسها " م بخليه يخرب مودي اليوم، بطلع وانبسط"
لبست فستان ماسك ع جسمها طويل بفتحه لفخذها وبدون اكمام
وجلست قدام المرايه تسوي شعرها
دق باب الغرفه " ادخلي "
دخلت هيا تركض " استشواري خرب عادي استشور معاك؟"
ديم وهي مركزه بشعرها " اي عادي امشي اجلس جنبي وسوي"
طالعتها هيا بصدمه " من ايش هالكدمه؟"
نسيت ديم امر الكدمه لين م سالتها هيا " طحت"
هيا " الخدامه قالت لي انها تنظف مكتب رين لان المزهريه مكسوره، ضربك فيها؟؟؟"
ديم بلعت ريقها " لا ماله دخل، المزهريه طاحت بالغلط"
هيا عورها قلبها وم كانت تبي تضغط ع ديم اكثر.
لبسو وخبت ديم كدمتها بالميك اب ونزلو سوا ولقو آن ورين وملك ينتظرونهم
ديم لهيا بصوت راخي " ي ليل ذي بتجي معاها!"
هيا " شنسوي عاد صحبة آن ورين لازم نستحملها"

وصلو للبارتي ودخلت ديم متجاهله رين اللي كان يمشي وراها ويحاول يلحقها
مسكها من يدها " امشي بشويش عشان اكون جنبك"
ديم فكت يدها " ابي انبسط اليوم، خلك بعيد!"
همس لها رين بنبرة حاده عشان محد يسمعهم " م اتركك بمكان لوحدك لو القبر فاهمه!"
مشت ديم وخلته وراحت جنب هيا " ابي اليوم ارقصص لين ترجعوني البيت وانتو شايليني! ابي استغل اخر بارتي قبل بدايه الدراسه "
هيا وهي تضحك وتسحب ديم من يدها لنص البارتي " ارقصي معاي!"
ضلو يرقصون وملك واقفه جنب آن
ملك " ديم هذي م تعجبني "
آن " بالعكس البنت جدًا لطيفه "
ملك وهي تدخن " م تصلح لرين"
طالعها آن بنظره حاده " تعرفين صاحبك كيف محد يقدر يستحمله! شوفي هي كيف تعامله وتحبه، م فيه احد انسب لرين قدها"
ملك ضلت تدخن وعينها تتبع ديم اللي كانت تضحك وترقص ولا حاسه بشيء حولها.

قرب منهم آن مع صاحبه
ديم وهي تبتسم "م عرفتنا ؟"
آن " هذا نجم، يدرس بجامعتنا ع فكره"
توترت ديم لما قال عنه مدرس بجامعتهم، مدت يدها " اسفه م اتوقع قد صادفتك"
كان طويل جدًا باكتاف عريضه والتاتو اللي مغطي يدينه ، بشرة بيضاء بشعر ويفي لونه بني فاتح وملامح بارده
مد يده وهو يقول بصوته الثقيل وبابتسامه بارده " اعرفك ي ديم"
طالعته باستغراب " تعرفني ؟"
نجم " شفتك اكثر من مره تقدمين اللقاءات "
ديم " تدرس بأي كليه ؟"
نجم " الهندسه "
ديم " اه حسافه م حتدرسني يعني! انا طالبة بكلية الاداره "
نجم " اعطي مواد حره ، لو حابه تتعرفين ع الهندسه سجلي بواحد منها"
ديم بابتسامه " عجبتني الفكره اذا داومت لازم اشيك عليها "
ابتسم نجم لها وهو يمد لها كاسه العصير " الشرف لي "
اخذتهم السوالف وراح الوقت
رين قرب منهم ويدينه بجيبه " يلا ديم تاخرنا"
طالع بنجم ومد يده " اهلًا بالمهندس"
ضحك نجم " اهلين رين"
رين " نتقابل بالجامعه بعد يومين"
هز نجم راسه بابتسامه بسيطه.