اسيره عشق | تومبوي * ليدي

الجزء الثامن عشر - ١٨

دخلت ديم للغرفه وطالعت برين اللي كان جالس ع السرير
وقف بسرعه وهو متجه لديم
اشرت له م يقرب منها بملامح مليانه جديه
دخلت الخادمه وراها
ديم " راح اخذ كل اغراضي وانقلها للغرفه الثانيه، استحمل الفوضى شوي لين الخادمه تخلص شغلها"
لفت ديم متجهه للباب ومسك رين يدها " ليه !"
سحبت ديم يدها من يده " لانك م تفهم لما اقول لك م ابيك، وفكرة اني استنشق نفس الاكسجين معاك صارت تكتمني" وطلعت بسرعه وتركته وراها..

مر نجم من جنب الغرفه الفاضيه ولقاها مفتوحه والخادمه تحط فيها كراتين
نجم " فيه احد بينقل عندنا؟"
الخادمه " استاذه ديم بتنقل بهالغرفه"
طار قلب نجم من الفرحه ، اخيرًا بتبطل تنام مع رين!
نزل لتحت ولقى ديم جالسه ع الكنب وتحط روج
نجم " مساء الخير"
ديم وهي تعدل ميكبها " مساء النور"
نجم " ماشاء الله طالعين؟"
هيا " اي بنطلع نختار لديمتنا غرفه جديده اخيرًا"
ديم طالعت بنجم " ي بش مهندس تجي معانا تساعدنا بالاختيار؟ نستفيد من خبرتك شوي"
ابتسم نجم واشر ع عيونه " من عيوني"
طلع نجم لغرفته يبدل
هيا " ديم عادي اسال سوال؟"
ديم طالعتها باستغراب " وش هالادب؟ اي اكيد وشو!"
هيا " من فين لك فلوس الغرفه؟ لساتك تستخدمين بطاقة رين؟"
ديم " طبعًا لا! بس رين كان دايم يعطيني مصروف كبير كل شهر وم استخدمه لان كنت اشتري كل شيء من بطاقته فكنت اجمعه بحسابي"
هيا " يلا ع الاقل استنفدنا من عشرته القشراء بشيء"
ضحكت ديم " ضريبة نفسيتي التعبانه"
نزل نجم " صرت جاهز"
رمت ديم عليه المفتاح " شرايك تسوق ؟"
نجم " اوك "
وصلو للمحل ونزلت هيا وهي متحمسه
ديم " اشبك متحمسه اكثر مني"
هيا " اخيرا بيصير عندك غرفه لوحدك بصير ادرعم عليك باي وقت بدون م اشيل هم رين ذا"
ديم " اها نظامك كذا اجل! الله يعينني "
ضلت ديم تلف وهي محتاره
احس هالغرفه دخلت مزاجي شوي
هيا " بس سريرها صغير! لشخص واحد بس"
ديم " وش المشكله مو انا لوحدي بالغرفه اصلًا"
هيا وهي تغمز " يمكن يجي يوم ويجي شخص يشاركك السرير طيب "
ديم " هيا وربي كانك الام اللي تقعد تزن ع بنتها تتزوج اشبك؟"
هيا " ابي اشوفك تحبين ومبسسسوطه"
ديم وهي تسحبها " طيب خلاص امشي ندور غرفه ثانيه"
نجم كان واقف عند غرفه ونادها " احس هالغرفه ديم فعلًا"
وقفت ديم وهي تطالعها " واو! احس حلوه جد"
هيا وهي تنسدح ع السرير" عجبتني انا بعد "
—

بعد شهر ..
جالسين بالصاله كلهم وآن يسولف متحمس
آن " بكره لازم كلكم تكونون موجودين بميلادي بليز لحد منكم ينشغل"
ديم " ولا يهمك"
آن " اي صح وكل واحد منكم ينادي اللي يبي خذو راحتكم"
رين " انادي حبيبتي يعني ؟"
غصت هيا بالقهوه وبدأت تكح
ديم وهي تضربها ع ظهرها " بسم الله عليك اشبك"
هيا وهي تأشر وواضح وجها مصدوم " ولا شيء ولا شيء بس غصيت "
طالع نجم بملامح ديم بقلق وخايف ان قلبها ينكسر بعد كلام رين
بس ديم كأنها م سمعت شيء وكملت سوالفها مع آن
رين يطالع بالساعه وهو يقوم " عندي شغل بالشركه بروح بعدين اجيك ونكمل كلام"
آن وهو يقوم وطالع لغرفته " اوك"
اول م طلع رين وآن دخل غرفته
هيا بصوت عالي " سمعتو وش قااااال!"
ديم " اشبك تصارخين عورتي اذني؟؟ مين تقصدين!"
هيا " رين!"
ديم وهي تشرب قهوتها " طيب ترانا افترقنا خلاص اكيد بيحب يعني"
هيا "ذا الكذاب كان يبكي عليك لين قبل يومين ويلاحقك بكل مكان كيف تخطاك وتعرف ع وحده وحبها فجاه!"
نجم " اشبك شاغله نفسك فيه "
ديم " من جد! احسن انه حب احد خليه يفكني من شره قسم بالله شوي ويطلع لي بحلمي يشوف انا مع مين جالسه"
ضحكت هيا " متحمسه اشوف حبيبته بكره عاد وكيف هم سوا"
ديم " انشغلي بالهديه اللي بتشترينها لحبيبك بكره ابرك"
هيا وهي ترميها بالوساده " وع م تخلون الواحد يحش ويتحمس يعني!"