اسيره عشق | تومبوي * ليدي

الجزء السابع عشر - ١٧

جالسه ديم عند المرايه بغرفة نجم وتمشط شعرها وهي مسرحه وتفكر
قرب نجم منها واخذ المشط من يدها ومشط لها شعرها " لك ساعه تمشطينه وتفكرين وش شاغل بالك"
تنهدت ديم " وش نهاية كل هذا؟"
نجم " نهايه ايش ؟"
ديم " نهاية كل هالعذاب اللي قاعده اعيشه، نهاية عنادي باني اشوف رين كل يوم"
نجم " وش اللي مخليك تكملين تعيشين هنا؟"
ديم وهي تفكر " مدري ! بس اللي اعرفه ان ابي قلبي يرتاح، ابي اشفي غليلي منه"
نجم وهو يمسح ع شعرها " يمكن هذا هو الشيء اللي مخليك تجلسين، انك م راح تطلعين من هنا لين تنتقمين لنفسك"
ديم " يمكن"
نجم وهو يمسح ع شعر ديم ويطالع بانعكاسها بالمرايه " القصير زايدك حلاوه"
ابتسمت ديم بخجل.

وصلت رساله لجوال ديم
رين " تعالي للغرفه، انتظرك"

طلعت ديم من غرفة نجم وراحت للغرفه فتحت الباب
لقت الغرفه مليانه اكياس بكل مكان
وقفت طالعت باستغراب وبعدها طالعت برين
رين قرب ومسك يدها " عطيني فرصه هالمره نتكلم"
سحبت يدها من يده وكتفت يدينها " تكلم اسمعك!"
رين " انا اسف، وكل اللي تبينه انا بسويه، اي شيء يضايقك م عاد بعيده"
طالعت فيه وبعدها طالعت بالاكياس " وش كل الاكياس ذي؟"
رين " هديه اعتذار اراضي قلبك فيها"
كتمت غضبها وتنهدت " شفت ايش مشكلتك؟ انك تحسب ان الهدايا والفلوس تحل كل شيء"
رين وهو يقرب منها ويمسك يدها " لا مو هذا قصدي والله، بس انا معرف اعبر عن اللي بقلبي واحاول اعبر عنه باني اجيب لك كل اللي بخاطرك"
ديم " انا بعمري م كان بخاطري ان الشخص اللي احبه يكون يغرقني فلوس، كنت ابيه حنون يخاف علي من الهواء ي رين"
رين " وعد بتغير، اعتبريها اخر فرصه تكفين، والله الهم اكلني !"
رجعت ديم كم خطوه لوراء وطلعت جوالها ودقت ع الخادمه " ممكن تطلعين لي الغرفه الان"
طالعت برين اللي كان واقف وملامحه مكسوره " م عندي فرص لك، ابدًا"
وصلت الخادمه واشرت لها ديم " كل هالاكياس شيليها وتصرفي فيها م ابي اشوفها قدامي "
طلعت ديم من الغرفه ولحقها رين ووقفها " ديم سوال واحد وجاوبي عليه"
طالعته ديم بدون م ترد
رين " تحبينه ؟"
عقدت حواجبها ديم " شتقصد ؟"
رين " انتِ تركتيني لانك حبيتي نجم؟"
ديم " شفت كيف انك انسان م تفهمني ! انا تركتك لانك انت، وم احب احد استوعب"
حط يدينه ع خدها وغمض عيونه " ديم تكفين لا تتركيني مو انتِ قلتِ انك بتكونين كل ناسي؟"
ديم وهي تطالع بوجهه وماسكه بكائها " قلت، بس اكتشفت ان م عاد يصلح اكون معاك"
قرب منها بدون م يعطيها فرصه وباسها ع شفايفها بوسه مطوله..

نجم يطالع بالساعه وبدأ يقلق ع ديم
فتح باب غرفته بشويش وطلع يدور لديم
اللتفت وشافها عند غرفة رين ورين محطي يدينه ع خدها وشفايفهم ع بعض
رجع للغرفه بسرعه وقفل الباب وانفاسه تزيد وتعلى
انا غبي لما توقعت انها ممكن تترك رين
لما توقعت ان بيوم بيكون لنا فرصه سوا!
يمكن كل اللي سوته ذي الفتره عشان تعاقبه يمكن عشان يرجع لها
مو عشانها بطلت تبيه!!
اخذ شنطته وطلع من البيت يركض وشغل دبابه ومشى