اسيره عشق | تومبوي * ليدي

الجزء الثاني والعشرون - ٢٢

رين اللي واقف وهو مصدوم وانفاسه تعلى بقوه
والكأس مكسور عند رجلينه ...
توسعت عين ديم بصدمه وخوف وهي تشوف رين يطالع بوسط عينها
مشى رين بخطوات بطيئه وثقيله كأنه يجر رجله جر
وقفت ديم ورا نجم بسرعه وكأنها تبي تتخبى وراه
رين ويدينه ترجف ويصارخ " مو قلتِ م تحبينه!!! مو قلتِ ان م بقلبك احد! ليش تكذبين ليش ؟؟"
ديم " الا احبه"
مد يده نجم بين رين وديم " رين لا تتعدى حدودك! "
رين وكأنه م يسمع نجم وهو يطالع بديم وعيونه م ترمش ووجهه احمر من العصبيه " كنتِ تحبيني انا!! سويت كل شيء عشان ترجعين ليش اخترتيه ؟؟ ليش تكسريني كذا"
ديم ببرود وهدوء " اخترته لان فعلًا يحبني اللي جاني منك ي رين ماهو حب"
نزل رين بنظره لرقبتها وصدرها واستوعب ان اللي شافه م كان اول بوسه بينهم
مد يده بسرعه وسحبها له " نمتي معاه!! انطقيييي!"
دفه نجم بقوه عنها " اقول لك لا تلمسها فاهم ولا لا!"
ديم " اي ي رين نمت معاه، وطول الليل وانا بحضنه، ولمسني زي م لمستني انت!"
ضحك رين بصدمه وهو يطالع بوجه ديم " تمزحين صح؟ تقولين هالكلام عشان اغار بس صحح!"
ديم مسكت يد نجم " رين! انا ونجم نحب بعض واعترفنا لبعض خلاص "
طالع بيدهم ورجع طالع بديم " استغليتيني !! خذيتي كل اللي تبينه بعدين رحتي!"
ديم تنرفزت وصارخت عليه " بايش استغليتك!"
رين " البيت ! السياره ! كل الهدايا اللي رميتها عليك والفلوس اللي غرقتك فيها، مو خذيتي كل شيء تبينه!"
رفعت ديم راسها بكبرياء " كل هديه انحطت بحضني وكل ريال صرفته انعطى لي كان كهديه تنسيني فيها الكدمات اللي كنت اعالجها طول الليل، وكل م كبر غلطك كل م كبرت الهديه، صح ي رين ولا لا؟"
رين " قسم انك انانيه وجاحده م ابي اشوف وجهك بالبيت سامعه!"
ديم وهي تضربه ع صدره وتدفه " بتشوفني كل يوم وبتشوف علاقتي بنجم بعيونك"
نجم سحب ديم ورا ظهره " سمعت كلامها، ولا عاد تغثها بانهياراتك اللي مالها داعي"
مشى نجم ويده بيد ديم ودخلو داخل.

دخل نجم للبيت ويده بيد ديم ويسولفون وصوت ضحكهم مرتفع
طلعو من الدرج وشافو الاغراض اللي مرميه ع الارض بشكل عشوائي
دخلت ديم غرفتها ولقت رين فيها
فاتح ابواب خزائنها ويشيل اغراضها ويرميها برا الغرفه
وقفت ديم ووراها نجم ساكتين ومستغربين من رين
رين وهو يلهث وانفاسه عاليه من عصبيته " خذي اغراضك واطلعي م ابي اشوفك وجهك م ابي !"
ديم ببرود واستفزاز " رين كم عمرك لما تسوي هالتصرفات؟ طلعه ماني طالعه! "
مسك رين وجها وضغط باصابعه ع وجهها بقوه " اطلعي اطلعييي خذي حبيبك وابعدو عني خليني اقدر انساك ليش تطلعين بكل زاويه بحياتي شتبين!"
دفه نجم بقوه ع الجدار وطاح رين ع يده
مسكت ديم نجم " نجم لا تسوي شيء"
نجم وهو يطالع برين " والله لو مو زعلها لاكسر عظامك! اصابعك لا عاد تلمسها ي نجس"
نزلت دموع رين وهو يطالعها بصدمه
قرب منها وهو يحط اصبعه ع راسها " انتِ شيء لي ! ملكي ! والله م تروحين من تحت عيني وبيتركك بالنهايه وانا اللي بملكك"
تنهدت ديم بملل " انا مو كنبه، مو سياره تشتريها وتمتلكها، انا انسانه لازم تتعب اذا تبيها تحبك، وهذا الشيء اللي م قدرت تسويه"
اتجهت للباب وهي تقول " بنادي الخادمه ترتب هالحوسه اتمنى لما ارجع م اللقاك بغرفتي" مسكت يد نجم ومشت لبرا.
طلعت ديم للحوش وجلست ع الكراسي وجلس نجم جنبها
رفعت راسها تطالع بالسماء
طالع نجم فيها وهي تتأملها
حتى وهي حزينه تطالع بالسماء !
بدأ يسمع صوت شهقاتها
اللتفت لها وشاف وجها متغطي بدموعها
ضمها لصدره " حبيبتي ليش هالبكاء ؟"
ديم وهي تشهق " تعبتك معاي من اول يوم لي وانت مجبور تتعامل مع اغلاطي! غلطي اللي اسمه رين "
مسح دموعها وباسها ع جبهتها " انا حبيبك عشان اكون جنبك، وم اخليك تحتاجين احد وانا موجود، ورين هذا م عاد يقدر يأذيك وبيتقبل فكره انك لي الان ولا بعدين"
باست شفايفه وحطت راسها ع صدره وغمضت عيونها وتنهدت
مسح ع شعرها " ليش تتنهدين ؟"
ديم وهي مغمضه عيونها " اول مره اذوق الأمان بحضن احد"
حاوطها بيدينه الثنتين " بيبقى حضني بيتك وأمانك اللي عمره م بيقسى عليك"