اسيره عشق | تومبوي * ليدي

الجزء السابع والعشرون - ٢٧

بعد اجازة طويله قضتها ديم مع نجم
بدأت دوامها بالشركة ..
وأثبتت نفسها بالإدارة بأقل من سنة..
وقف ابو نجم بنهاية الاجتماع " أتمنى الصفقة تتم ع خير وتربحونها! انا واثق بهذا الشيء"
وقف نجم ووقفت معاه ديم
ديم وهي تبتسم بثقه " ارتاح وتطمن، م بنرجع الا بالشيء اللي بيرضيك وزياده!"
مر ابو نجم من جنب ديم وهو يبتسم " واثق بهالشيء !"
طلع ابو نجم
وجلست ديم ع الكنب وهي تتنهد وتفصخ كعبها " تعبت! من الصباح من اجتماع لاجتماع!"
جلس نجم بالجهه الثانيه من الكنب وسحب رجلينها فوق فخذه وهو يمسجها " فخور كيف حبيبتي الصغيره صار يعتمد عليها!"
ابتسمت ديم وهي تطالعه " تتوقع الامر بيكون سهل ؟"
نجم " واثق بهالشيء! وواثق بعد انك م بترتاحين لين تخلينا نربح هالصفقه"
غطت ديم وجها بيدينها " اهخ اتمنى! م ابي اخيب ثقة ابوك فيني"
نجم " لا تخافين بيكون مبسوط فيك! اصلًا دايم يمدحك وهو اللي اقترح علي تمسكين الامر"
ابتسمت ديم وقربت منه وهي تلعب بخصلة شعرها " نجمي!"
طالعها نجم بطرف عينه وهو يكتم ضحكته " امري ! اعرف ان وراء هالنبرة طلب "
ديم " ممم عادي وقت م تفضى نروح نسوي شوبنق لهسفرة!"
نجم " بس ؟ هذا طلبك! تامرين ولو مو فاضي افضى لك"
قربت منه وباست شفايفه " اجل انتظرك اليوم"
فتح نجم عيونه بصدمه " اليوم!"
كتفت ديم يدينها بزعل " خلاص م ابي"
نجم باستسلام " خلاص ابشري والله ماني قد زعلك"

بالليل نجم نزل للصاله ولقى ديم جالسه ع الكنب وغفت وهي تطالع التلفزيون
قرب منها ومسح ع خدها
فتحت عيونها بثقل
نجم " نكنسل طلعة اليوم؟"
فتحت ديم عيونها بسرعه "لا!! بقوم ذحين اجهز"
طلعت ديم بسرعه ونزلت وهي شايله شنطة ميكبها
نجم وهو يضحك " اشبك مستعجله؟ حطي ميكبك وبعدين نمشي"
وقفت ديم قدام المرايه وهي تحط ميكبها
طالعت بانعكاس نجم اللي كان يتأملها
ديم " نجمي!"
نجم " عيوني"
ديم " اشتقت لك"
قرب منها وضمها من وراء "ادري الشغل اشغلنا عن بعض، بس وعد حننبسط بالسفره ذي"

بالمول
نجم وهو يطالع ببدله رسميه " احس بتطلع حلوه عليك!"
ديم وهي تشرب عصيرها " ابي بدله زهريه"
نجم " خلاص امشي ندخل بكل محل ونشوف كل البدل الزهريه"

طلع نجم من المول باكياس كثير " كانت الخطه ناخذ لك كم بدله رسميه بس"
ديم " شسوي مقدر اقاوم"
ضحك نجم " فداك"
—

بعد ايام..
وصلو للمطار
هيا واقفه بالجهه الثانيه تنتظر ديم
شافتها ديم وبدأت تركض لجهتها
هيا فزت وابتسمت بمجرد م شافتها ومشيت باتجاهها وهي تدف عربية طفل
ضمتها ديم بقوه " اشتقتتت اشتقت احس ببكي"
نجم من وراها وهو يدف الشنط " ممنوع البكاء اليوم"
ضمتها هيا بقوه " وحشتوني مره! الايام بدونكم مو حلوه"
فكت ديم هيا ونزلت وجها للعربيه " ي روح خاله! "
شالته ديم وهي تبوسه " هيا! مره نسختك"
ابتسمت هيا " الكل يقول انه مره يشبهني"
باسته ديم وقرب نجم وشاله من يدها " من كثر م ديم تحبه طبعت صورته وحطتها بغرفتنا"
ديم " م عليك من ذا ! يغار منه! اكيد بحب ولد صحبتي"
ضحكت هيا وهي تطالعهم " سواقي برا عند الباب، بوصلكم للفندق"
نجم " معليش هيا تعبناك معاها"
هيا " نجم شدعوه! مره مشتاقه لكم والله بس لما تخلصون شغلكم راح انشب لكم "
ديم وهي تحط يدها ع كتف هيا " م عليك خلينا نخلص من سالفة هالصفقه ونتقابل عندي لك سوالف كثيييير"