اسيره عشق | تومبوي * ليدي

الجزء العشرون - ٢٠

طلع نجم من غرفته ولقى ديم سانده نفسها ع بابها وتطالعه
نجم " ديم فيك شيء ؟"
ديم بملامح بارده وهي تطالعه " تحبها؟ "
عقد نجم حواجبه " بشرى؟ لا طبعًا"
لفت ديم ودخلت لغرفتها بدون م تقول شيء
لحقها نجم ووقف قدامها " ديم اشبك؟"
ديم وهي تغطي وجها " معرف نجم، ولا حاجه"
تذكر كلام هيا بأخر مكالمه " ليش بشرى تهمك لهدرجة؟"
ديم " لا ليش اهتم لها"
نجم " ليش تسألين عنها طيب ؟"
ديم " فضول بس"
نجم كتف يدينه وع فمه ابتسامه يحاول يخبيها " قالت لي انك قلتِ لها اني مو بالبيت"
ديم " اي م كنت ابيها تضايقك"
نجم " بس ؟"
طالعته ديم وهزت راسها بـ اي
قرب منها وهو يسحب خدها ويبتسم " طيب ي ديمتنا"
ابتسمت ديم له
قرب من الباب بيخرج ولفته صوت ديم
ديم " مشغول اليوم ؟"
نجم " لا، ولو مشغول افضى لك، امري ؟"
ديم " شرايك بطلعه ليلية ع الدباب نسمع فيها اغاني وناكل ايسكريم؟"
نجم ابتسم " فكره حلوه! الان اجهز لك"
جهز ووقف عند باب غرفتها ينتظرها
طلعت له ديم وحط يده بيدها وشد عليها ونزل من الدرج قدامها
ينزل ومع كل خطوه ديم تطالع بيدينهم المشبوكه ببعض، وكيف يده شاده ع يدها
ابتسمت وهي تطالع بيدهم وبلحظه استوعبت ابتسامتها ووخرتها من وجها!
وصلو للدباب ووقف نجم يلبسها الخوذه
ديم وهي تطالعه وهو يلبسها " ليش دايم تلبسها لي ترى اعرف "
نجم وهو يطالع عيونها ويبتسم " احب اسوي لك كل شيء !"
جلست وراه وحاوط خصره
قربت راسها من ظهره وسندت راسها عليه وغمضت عيونها وهي تحس فيه قريب منها لهدرجة
وقف عند فود ترك واخذ لهم ايسكريم
جلسها ع الدباب وهو قدامها
اخذ شوي بملعقته ومدها له
طالعته باستغراب
نجم " افتحي فمك! ذوقي معاي اول "
ذاقت ديم وابتسمت وهي تضحك " شكلي بسرق حقك عجبني"
مد لها ايسكريمه واخذ حقها " م اقول لك لا والله"
طلع سماعته من جيبه وحطها بأذنها والسماعه الثانيه لبسها
ديم وهي تاكل ايسكريمها " شغل لي اغاني ع ذوقك"
ضلو يسولفون وصوت ضحكهم مالي المكان

دق جوال ديم وكانت هيا داقه عليها كام
فتحت ديم المكالمه وهي مبسوطه ومبتسمه
تغيرت ملامح وجها لما شافت وجه هيا
ديم " هيا اشبك؟"
هيا وهي واضح دوبها مخلصه بكاء " ديم قلبي بينفجر من الهم"
ديم " ايش صار! اهلك فيهم شيء ؟"
هزت هيا راسها بـ لا وبدأت تبكي
ديم " هيا اهدي وفهميني شوي!"
هيا وهي تمسح دموعها " بيزوجوني ي ديم "
ديم " ايش!! لمين وكيف!"
هيا " لقريبي اللي حاجزني من كنت بالمتوسط، محد راضي يسمع لي م ابيه "
ديم " كيف كذا كل شيء فجاه !"
هيا " جو تقدمو رسمي واتفقو ان الزواج يكون بعد تخرجي ع طول، انا زهقت وم عاد اقدر برجع باقرب طياره م عاد استحملهم"
ديم " آن عرف بالموضوع ؟"
هيا بكت اكثر " اي، انهار بس م بيدي ولا بيده شيء والله م ابي غيره"
ديم تنهدت وحاولت تمسك نفسها " متى موعد رحلتك؟"
هيا " بكره الصباح، بقفل لازم اجهز شنطتي لبكره"
قفلت وميلت ديم وجها ع يدينها وهي متضايقه
قرب منها نجم وهو يسمح ع شعرها
حطت يدينها حول خصره وسندت راسها ع صدره ودموعها تنزل " هيا اكثر من اختي، م اقدر اشوفها كذا وم بيدي شيء"
مسح ع شعرها ومسح دموعها " لا تبكين بكره بتجي وبيتطمن قلبك عليها، ولين تتخرج من الجامعه ان شاء الله كل هالموضوع ينتهي"
ديم " اتمنى"
—