اسيره عشق | تومبوي * ليدي

الجزء الخامس والعشرون - ٢٥

صحي نجم بسبب النور اللي دخل من الشباك
مد يده لجهة ديم وم لقاها
قام وهو يفرك عيونه، نزل للمطبخ
وشاف ديم واقفه قدام الفرن بفستان قصير ومريلتها
نجم " حبيبتي شتسوين!"
ديم " اهلًا! صباح الخير، احاول اسوي لك فطور"
قرب منها واخذ المقلاه من يدها " ي روحي لا تتعبين نفسك كذا اخاف عليك تنحرقين وانتِ م تعرفين تطبخين"
طالعت ديم فيه وهي حزينه " انت دايم تسويلي كل شيء وابي اسوي لك حاجه"
مسح ع شعرها " انتِ تدلعين ع راسي وبس! الطبخ والتنظيف مالك دخل فيه كلها كم يوم وتبدأ الخادمه بدوامها"
ابتسمت ديم " يعني انت بتسوي الفطور؟"
نجم " اي حبيبتي انا بسويه"
قربت منه وباست خده " سوو الفطور وانا بطلع اخذ شور"
نجم " اهخ من هالدلع!"

نزلت ديم بروب الحمام وجلست ع الطاوله
طالع بفخوذها من تحت الروب " انتِ مو لابسه شيء تحته؟"
ردت وهي تشرب قهوتها " اي ! صرت ببيتي مع حبيبي محد فيه غيرنا"
قرب منها وباس فمها " اموت بكلمة حبيبي من بين شفايفك!"
ابتسمت له ديم
نجم " قدرتي تنامين امس زين ولا م تاقلمتي عشان البيت جديد؟"
نزلت ديم راسها " نمت، بس صحيت مفجوعه بسبب احلامي كالعاده"
نجم " تحلمتي مره ثانيه برين؟"
هزت ديم راسها بـ اي
مسك يدها " انا قلت لك وقت م تحلمين هالاحلام صحيني اجلس معاك!"
ديم " م يصير بكل مره اصحيك وانت وراك شغل!"
ابتسم نجم " الا يصير ! وصح م قلتِ لي قرارك عن زيارتك لاهلي اليوم؟"
ديم رفعت عيونها لفوق " ممم!"
نجم ضحك " اعرف هالرياكشن ع وجهك! بترفضين!!"
ضحكت ديم " اف ودي اجي بس قلقانه "
نجم " قلقانه من ايش ؟"
ديم " لو شافوني وم حبوني؟ لو حكمو علي وقالو لك ذي مو كويسه تكون معاها!!"
نجم ابتسم لها " انا متاكد زي م حبيتك من اول مره شفتك هم برضو بيحبونك! بعدين تقبلهم لك او عدمه م راح يغير اللي بقلبي لك"
سكتت ديم وهي تفكر
نجم طالعها وهو ينتظر اجابتها " هاه شقلتي ؟"
ابتسمت ديم " وش اللبس طيب ؟"
نجم " اهخ هذا كل همك! ارجع من الشركة اليوم واوديك احسن محل واشتري اللي تبينه"
قربت منه وباسته بقوه " انتظرك!"

—
بالليل
ديم نازله من الدرج فستان لركبتها احمر وميك اب خفيف
وبيدها كعب " هذا حلو اللبسه؟"
نجم وهو يطالعها ومبتسم " كل شيء يطلع عليك حلو!"
جلست ع الكنب عشان تلبس كعبها
اخذ الكعب من يدها وجلس عند رجلينها ولبسها لها
قرب منها وباس يدها " السواق عند الباب نطلع؟"
ديم " اي "

وقف السواق عند قصر كبير اشجاره طالعه من السور
انفتحت البوابات ودخلت السياره للحوش
ديم " هذا بيت اهلك؟ مره يجنن"
نجم " احلى من بيتنا؟"
ديم ضحكت " لا طبعًا"
قرب الحارس وفتح الباب لديم
نزلت ديم ونزل وراها نجم
فتحت الخادمه الباب ووصلتهم لغرفة الجلوس
مشت ديم ورا نجم
وقف ابو وام نجم
صافحتهم
نجم " هذي ديم"
ابو نجم " سمعت عنك كثير من نجم"
ابتسمت ديم " ان شاء الله م سمعت الا كل خير"
ام نجم " لا ي بنتي لا تخافين نجم طول الوقت تمدحك"
طالعت ديم بنجم وهي تبتسم
ام نجم " تفضلي ارتاحي"
جلست ديم ومدت لها ام نجم كوب القهوه " شكرًا"
ام نجم " كيف لقيتي البيت؟ ارتحتي فيه؟"
ديم " جدًا حلو ومريح حبيته"
ابو نجم " كنت احاول اقنع نجم تسكنون بالبيت اللي قريب من الشاطي بس اصر ع هالبيت"
نجم وهو يضحك " هالبيت ع ذوق ديم عشان كذا اصريت عليه"
ابتسمت ديم بخجل بدون م تتكلم
ابو نجم " اهم شيء انتم مبسوطين، وتذكرت قبل تطلع مر مكتبي وخذ مفتاح سيارتك جهزتها لك"
قامت ام نجم " بجيب لك كيك نجم جدًا تحبه! دايم اسويه لها وهي صغيره"
طالعت الام بنجم " تساعديني؟"
وقف نجم " اكيد!"
لحق امه للمطبخ وبدأت الام تقطع الكيك ونجم يحطه بصحون
ام نجم " تحبينها ؟"
وقف نجم مصنم بمكانه ومو عارف وش يقول
ام نجم " م نسيت سالفة ميولك مهما حاولت اتناسى"
هز نجم راسه بـ اي وهو متوتر
ام نجم ابتسمت " تصدقين؟ حبيتها مره، واحس نفسيتك جدًا متحسنه وهذا الشيء اسعدني"
نجم " مو زعلانه مني !"
ام نجم " كنت زعلانه، بس بعد م قابلتها لا، وانتِ شفتي ردة فعلي كيف كانت لما شفت بشرى لان حسيتها انسانه سيئه"
نجم وهو يحاول يبرر " والله ي امي م كان ببالي اسوي كذا بس غصبًا عني"
ضحكت امه " اعرف! القلب مو بكيفنا، حتى انا حبيت ابوك وخذيته غصب لانه من برا بلدي، بس اهم شيء الواحد يحب الشخص اللي يخليه مبسوط"
قرب نجم من امه وباس راسها " اهم شيء رضاك"
ابتسمت امه " يلا خذي هالصحون وساعديني"