اسيره عشق | تومبوي * ليدي

الجزء التاسع عشر - ١٩

دقت ديم ع هيا
ديم وهي تحبس دموعها " هيا.. اعترف"
هيا وهي مو فاهمه " ايش؟ مو سامعه وش تقولين!"
بكت ديم اكثر " نجم اعترف"
فتحت هيا عيونها بصدمه وطلعت من بين اهلها " متى! كيف ؟"
ديم وصوتها يقطع من بكائها " م ابي ي هيا م ابي تكفين والله قلبي بينفجر"
هيا " ديم حبيبي ليش تبكين تراه مو جابرك!"
ديم " والله ارجف وخايفه ومو عارفه اطلع من غرفتي"
هيا " اهدي شوي ليش كل هالخوف ؟"
ديم وهي تمسح دموعها " م ابي الوضع ينعاد م ابي احد يقرب مني ويعذبني اللي عشته كفاني وزياده والله كفاني لاخر يوم بعمري"
هيا " ديم اذا انتِ م تبين فقولي له رايك بكل هدوء م يحتاج كل هالبكاء والخوف !"
ديم " كنتِ تعرفين؟"
هيا " اي من اول"
ديم باستغراب " من اول!! من متى؟"
هيا " من اول يوم شافك فيه بالبارتي"
ديم تنهدت وحست بمسؤوليه اكبر
هيا " ديم اهدي عادي تكلمي معاه بكل هدوء! ترى نجم انسان كويس لا تخافين من شيء"
ديم " طيب هيا انا لازم اقفل"
قفلت ديم وهي تفكر وحست انها لازم تعطيه ردها وم تترك الموقف بدون رد
طلعت من غرفتها ووقفت قدام باب غرفته
كل م رفعت يدها بتدق الباب فيه شيء يمنعها
طولت هي واقفه وقررت ترجع غرفتها وتأجل فكرة الكلام معاه
فجأه الباب انفتح وهي واقفه قدامه
وقف نجم مصدوم وحاس نفسه وده يختفي ولا يقابلها بعد م اعترف لها
نجم " ديم! ليه واقفه هنا"
ديم " كنت جايه اتكلم معاك وترددت"
وخر نجم من قدام الباب وفتحه اكثر " ادخلي، اسمعك دايم"
دخلت وضلت تشد ع يدينها وهي متوتره
نجم قطع الصمت " انا اسف، ادري ان اللي صار كان ثقيل عليك..."
قاطعته ديم" لا نجم لا تقول كذا، انا جايه اقول لك اني احترم مشاعرك بس انت تعرف ايش علاقتنا"
نجم " انا م ابي اخسرك بعد م اعترفت "
ابتسمت ديم " م بتتأثر علاقتنا بتضل زي م هي، وبعتبر اني م عرفت وانت اعتبر انك م قلت"
ابتسم نجم وهو يجاملها وقلبه ينحرق من رفضها له
ديم " خلاص م بشغلك اكثر لازم تنام تاخر الوقت، تصبح ع خير"
اتجهت للباب ووقفها نجم " راح اكون وقح لو اسالك سوال اخير؟"
ديم باهتمام " لا طبعًا ! اسأل وقت م تبي"
نجم بتردد " بقلبك احد؟"
نبض قلب ديم بقوه وهي تتأمل عيون نجم اللي كانت مليانه كسره ورجى، حاولت تتمالك نفسها وترد " لا، قلبي يحتاج يترمم، يرجع زي زمان، قبل م يصير فيه كل هالجروح"
نجم هز راسه وهو يقول لها " فهمت.. نوم العوافي"
دخلت ديم للغرفه بسرعه وهي تتنفس بسرعه وانسدحت ع سريرها وتتأمل السقف
ردي عور قلبه ! طيب لو فجاه زعل من كلامي واختفى زي اول وش بسوي؟ طيب لو خربت علاقتنا!!!
انسدح نجم بثقل ع سريره وهو يمسك دموعه م تنزل، م بقلبها احد بس رفضتي! هل لهدرجة ماني تايبها؟ او انها بعد رين كرهت الحب؟ او رين للان بقلبها وتكذب علي؟؟..
شرقت الشمس والنوم م قرب عيونهم .

بعد م صحيت ديم
جلست بالصاله ببجامتها الشورت وبحضنها ليو
نزلت ساره من غرفة رين وصادفت ديم بالصاله
قربت منها ساره " م تدرين ان رين عنده حساسيه من القطط؟"
ديم وهي تطالع بالتلفزيون بدون م تطالع بساره " الا ادري "
ساره " ودامك تدرين كيف تدخلينها؟"
ديم " بيتي وانا حره"
ساره " مصدقه نفسك مره!"
ديم طالعتها وابتسمت " اي مصدقه نفسي، اذا رين مو مرتاح اطلعي انتِ وهو!"
نزل نجم وهو نعسان " يالله صباح خير، اجازة ترى والناس رايقه"
طالعته ديم وهي تضحك " م عليك الاوضاع تمام ورايقه"
نجم وهو يضحك " ذا المهم"
اخذ كوب قهوته وجلس ع الكنب جنب ديم
ساره وهي تلف وتطلع من الدرج " قسم انكم اثنينكم مستفزين"
طالعو ديم ونجم ببعض وضحكو
دقايق ونزلت ساره بشنطتها وطلعت من البيت بسرعه وضربت الباب بقوه وراها
نجم " الحمدلله افتكينا منها"
ديم " شكل هالصيفيه بتكون مليانه ضحك والسبب ساره"