اسيره عشق | تومبوي * ليدي

الجزء الواحد والعشرون - ٢١

اول م شافها وقف وهو يقفل زرار بدلته الرسميه
مشت بجهته وهو مبتسم ويحس ان الدنيا مو شايلته
مسك كف يدها وقبلها
سحب الكرسي وع وجهه ابتسامه " تفضلي"
جلس مقابلها وهو يطالع بأبتسامتها وعيونها اللي تطالعه بطريقة غريبه
أشر للفرقة الموسيقيه تبدأ تعزف، بدأت تعزف مع صوت المطر اللي كان يضرب ع قزاز المطعم
طالعت ديم للفرقه وأبتسمت " ليه محد موجود غيرنا هنا ؟"
مد نجم يده ومسك يدها " حجزت كل المطعم ليوم كامل، عشان م فيه شيء يشغل عيونك عني"
ابتسمت بخجل ونزلت راسها
نجم " ممكن اليوم م تنزلين راسك ولا تطالعين بعيد؟ محتاج اشبع من هالوجه"
طلع نجم من جيبه علبه خاتم وفتحه ومدها لديم " بتزيدين الألماس جمال لو تقبلينه مني"
هزت ديم رأسها بـ أي
مسك يدها ولبسها الخاتم بالخنصر، قبل يدها قبله حنونه
كان خاتم أللماسته على شكل قلب ، محفور داخل الخاتم تاريخ اليوم
طالعته ديم وهي مبسوطه " شكرًا، هذا أجمل خاتم شفته"
ابتسم نجم " لأنه حلو او لأنه مني ؟"
ضحكت ديم " الاثنين !"
سكت نجم وهو يطالعها بنظرات تردد
وخر شعره من ع وجهه وهو يعض ع شفايفه
طالعته ديم بأهتمام وكأنها تنتظر الكلام من بين شفايفه
شد ع يدها اكثر ووضح ع وجهه توتره " ادري أن م عمري قلتها ولا وضحت لك كل شيء بشكل صريح "
طالعته ديم بأهتمام تنتظره يكمل كلامه
سكت شوي وهو يشد ع يدها " أحبكِ !"
تنهدت ديم بقوه وع وجها ابتسامه تحاول تخفيها
نزلت راسها وهي تبتسم وغطا شعرها وجها وهي حاسه ان صوت دقات قلبها العاليه مسموعه
نجم وهو يطالع بوجها " لا تخبين علي هالكم من الجمال اللي اخذ قلبي !"
رفعت راسها ديم وطالعته وكأن ع لسانها شيء تبي تقوله
نبض قلب نجم بقوه
بترفضني !! بتقول لي انت مجرد صديق؟
بتقوم وتخليني بدون رد!
ضل يراقب شفايفها وقلبه يدق اسرع
ديم " نجم!"
نجم طالعتها بأهتمام وخوف من اللي بتقوله
ديم ابتسمت ابتسامة خجل " أحبك "
فتح نجم عيونه بصدمه " هاه!"
ديم " أحبك"
نجم ضحك بصدمه " عيديها !!"
ضحكت ديم بخجل ونزلت راسها
قرب منها وحط يدينه ع خدينها " عيديها! يمكن انا سمعت غلط!!"
هزت ديم راسها بـ لا " م سمعت غلط! أحبك نجم"
ضحك نجم وكأنه مو مصدقه وهو يغطي يده بوجهه
اخاف كل هذا يطلع حلم واصحى منه
أو شيء نسجه خيالي بشكل دقيق ومتقن
اخاف افتح عيوني ويطلع كل هذا حلم!
وقف واتجه لها وضمها بقوه لصدره وعيونه بدأت تدمع
دفنت ديم وجها بصدره وهي حاسه صدرها بيطير من السعادة
طالعت بعيونه اللي كانت الدموع متجمعه فيها
جلس ع كرسيه
وقفت ديم بخطوات متردده
قربت منه وجلست ع فخذه
مسحت دموعه بيدها " ليش قاعد تدمع ؟"
نجم وهو يمرر يده ع ظهرها ويطالع بوجهها القريب منه " كنت اشوفك حلم بعيد!
نجمه مستقره بالسماء م تقدر يدي توصل لها"
مسحت ديم يدها ع خده وهي تبتسم
نجم وهو يبعد شعرها من وجها وعيونه تطالعها وتلمع " تقبلين تصيرين حبيبتي؟"
حاوطت يدينها حول رقبته وهزت رأسها بـ اي
حط يده الاول ع ظهرها والثانيه تحت فخذها وشالها
ديم وهي تضحك وتخبي وجها برقبته " نجم مو قدام كل هالموظفين؟"
نجم " انتظرت هاللحظه كثير م بفكر بنظره الناس لي الان!"
شالها وهو رايح للسيارة الواقفه قدام باب المطعم.