اسيره عشق | تومبوي * ليدي

الجزء الثالث والعشرون - ٢٣

تعبت ديم وهي تتقلب تحت لحفها
انقلبت ع جهة نجم وحطت خدها ع ظهره " نايم؟"
نجم وهو بين النعاس والصحيان " ايش ي روحي؟"
ديم " خلنا نهاجر "
فتح نجم عينه بقوه ولف لجهة ديم " تتكلمين من جدك؟"
دخلت ديم وجهها برقبته وغمضت عيونها " أحس هالمكان تعبني، وكل م قاومت وحاربت يتعب قلبي أكثر! ابي انسي كل شيء نجم"
بعد وجهها من رقبته وهو يمسح باصبعه ع خدها بشويش " اذا فعلًا مستعده نترك كل شيء هنا ونهاجر فأنا معاك وأتمنى هالشيء"
سكتت ديم شوي وهي تفكر " دراستي شسوي فيها؟"
نجم " تقدرين تطلبين نقل لجامعه برا واذا قبلوك بتكملين سنتك الثالثه والرابعه برا!"
ديم " م راح تتضايق لو هاجرنا ؟"
نجم " بالعكس! بروح اشتغل مع ابوي بالشركة وانتِ تكملين دراستك"
مسك يدينها وباسها " ووعد اجيب لك بيت احلامك !"
ديم باستغراب " اي بيت؟"
نجم " مو قلتِ لي تتمنين بيت بستايل ريفي ومليان نباتات؟"
ابتسمت ديم لانه يتذكر سوالفها وم ينساها " اي!"
ضمها لحضنه ويمسح ع ظهرها " فكري بهالشيء زين وبعد م نخلص موضوع رين اشوف وش قرارك"
ديم " ودي اول م يخلص موضوع رين نكون مخلصين كل شيء "
طالعها نجم بصدمه من اصرارها " لهدرجة ودك تهربين من كل شيء ؟"
هزت ديم راسها بـ اي
نجم " تعالي معاي بكره واستفسري عن النقل"
سحب اللحاف عليها ومسح ع راسها ونامت بحضنه بهدوء

صحي نجم ولقى ديم تمشط شعرها قدام مرايتها
قام وضمها من وراء وهو يبوس خدها " اشوف حبيبتي صاحيه بدري اليوم!"
ابتسمت ديم " حاجي معاك عشان النقل"
نجم " اي صح نسيت ! يلا بتجهز بسرعه عشان م اتاخر عليك"
تجهزو واتجهو للجامعة

طلعت ديم من مكتب شؤون الطلاب وراحت لمكتب نجم
جلست ع الكنب بدون م تتكلم
نجم وهو يشتغل بأوراقه " ليش ع وجهك هالملامح! فيك شيء ؟"
ديم تنهدت " م ادري اذا اللي اسويه صح ولا لا "
نجم ابتسم " بعد الرغبه اللي شفتها بعيونك امس تأكدت أن هذا اكثر شيء تبينه"
طالعت ديم لنجم بنظره غريبه " جلستي مع رين بالمحكمه بكره"
نجم جاء وجلس جنبها " وليش احسك متضايقه؟"
ديم " مو متضايقه، بس حزينه! كنت انا وهو بيوم نحب بعض والان نتقابل بالمحكمه!"
نجم " علاقتكم كانت سامه، طبيعي تكون نهايتها تعيسه ! بس الاهم انك ذحين عارفه قدر نفسك زين"
حطت راسها ع صدر نجم
حاوطها بيدينه وباس شفايفها بهدوء
ديم ضحكت " تخيل لو احد دخل وانا وانت كذا! "
نجم " كلها ايام ونسحب عليهم اول م يطلع قبول نقلك! خليهم يشوفون كل شيء"
باسه ديم بقوه ع شفايفه وبعدها قامت " اش خلاص ! م ابي احد يشوفني وانا بحضنك كذا"
نجم مسك يدها " وين بتروحين؟ خليك ونطلع نتغدى بعد الدوام"
ابتسمت ديم " طيب "
—

نزلت ديم من الدرج وهي ترجع شعرها وراء اذنها
وقفت هيا " متأكده م تبين اجي معاك؟"
ديم " الموضوع مو مستاهل، ونجم معاي م عليك"
تنهد آن " اثنينكم اصحابي، اتمنى الامر ينتهي بشكل كويس"
ابتسمت له ديم " اتمنى"
مسك نجم يد ديم " يلا نمشي ؟"
هز ديم راسها بـ اي
ركبت ديم للسياره وحطت يدها ع خدها وجلست تطالع من الشباك لين وصلو
بغرفة الانتظار نجم طالع بديم بقلق " من طلعنا من البيت وانتِ ساكته وهاديه بديتي تخوفيني"
ديم " ليش تخاف ؟ بس الوضع موترني شوي"
نجم حط يده ع يد ديم " وش موترك؟"
ديم " من لما جت ام رين وانا ورين م تقابلنا، احس اني م بستحمل نظراته"
نجم " اذا م بيريحك الأمر فلا تطالعينه، تجاهليه وكانه مو موجود، ولا تخافين انا جنبك"
هزت راسها بـ طيب
دقائق ونادوا اسمائهم