روايات أهل البيت ع

خدمة الحُسَيْن (ع) ♥️🌿

منـوُ بينا مَيتمنىٰ خِدمة الإمام الحُسين ؟
اكيد كلنا نتمنىٰ هذا الشي ونتمنى هم نتوفق لهذا الشي
بَـس شلون اكون گد مقام وأسم خادم الحُسين !
هذا اللقب مو بسهولة يتحصل لازم تعب وشغل على النفس وترك الذنوب وهواييي اشياء تعوفها في سبيل هذا اللقب
لان يستاهل كُل التَعب والجهد الي تبذله
أكثر الطلب أشوفه أدعيلي أخدم الحُسين !
تتوقعون انُ حتى طريقة الطَلب غَلط
أولاً هيَ لازم تكون
(أدعو ليِ أتوفق لخدمة الإمام  الحُسين "ع")
لأن هيه توفيق مِن الله سُبحانه وتعالىٰ والإمام الحُسين قبل كُلشي .

الخدمة :
هي توفيق اللهي ومِن ثم حُسيني
يعني أنتَ من تعلق قلبك بالخدمة
هَذا خيط من النجاة"
كيف هذا خيط نجاة ؟
وشنو تقصدين بالضبط ؟
الي أقصده يا أخوان أنو ربنا زرع بعقلنا هالفكرة
واللوعة على الخدمة أجرها أكثر من الخادم
لماذا نزرعت ؟
هسه أشرح الكُم ليش ؟
لاَن طريق الحُسين صعب مو أي شخص يمشي بي
وأذا مشيت بي راح تفقد ملذات الدُنيا كُلها
وتروح للحُسين مابيدك غير حُبك للحُسين "عَليه السَلام "
فبهذا الطريق راح كل محطه توصلها لازم تترك ذنب.
**
أول محطه / هي حُب الدنيا والتعلق بالخدمة

الثانيه / الإلتزام بصلاتك
( مِن أهم الاسرار للتوفيقات هي الصَلاة )

الثالثة  / ذكر صاحب الزمان والتفكير بهِ

الرابعة /  الزي مالتك
اي الرداء الي تمشون بي
شلون تدخل قلب الحُسين وانت لبسك مو محتشم ؟
ماهو الإمام بنفسه ضحىٰ بنفسه وبعياله وبأهله كُلهم في سبيل يبقىٰ الدين الصحيح
وقالها بيوم الطَف

إن كان دين محمد لا يستقم الاّ  بقتلي فيا سيوف خذيني‏
وهالشي دانشوفه هواي حتى بخدام الحُسين ، يساعد قلبه مولاي. يخدمون بضريحة ومن ترجع تداوم وتطلع بالبنطلون والقميص القصير والردان طالع نص أيدها والحجاب مو كامل
وتصيح اني خادمة الحُسين
كلنا نغلط ومو معصومين بَـس على الاقل نحاول نصحح هذا الشي
وكذلك بحجة هاي حفلة تخرج 🎓
لكن هذا مو عذر
انه كخادمة تطلع من نظري وضجت من شفت صديقات خادمات لكن ولا يم الخادم لبسه
شحال مولاتي الزهراء وهي تشوف الخدام  مالتها هيج ؟
فلازم من تردون توصلون لقلب الزهراء وسجل خدامها
تضحون وتتحملون مسيرتها ونكملها بالحجاب
مو شرط كلش عبايه
لكن استروا مفاتنكم بـ اللبس العَريض والحجاب الصحيح
اتركوا لخاطر الحُسين ورضا الزَّهراء "ع "

الخامسه / العلاقة المحرمة ( صديق ، حبيب ، مثل اخوي ….) !
هذا كُله حرام ومُحرم ولا ربنا يتقبله حتى لو جان كُل الكلام بيناتكُم عن رضا الله تعالى والائمة هم يبقى حرام
ماكو شي بالدين اسمه " مثل اخوي "
تدرون وصلنا مرحلة بهذا الزمان
اذا شخص يكُلك عندك فلان صديق لو لا إذا كلت لا راح يكُلك يمعود وين عايش انته تره وصلنا بـ 2024 وأنت بعدك بتفكير قبل وراح يختم كلامه بكَلمه " مُعقد "
هذا الكلام كله عادي اتقبله واسمعه بَـس الي يقهر وصلنا لزمن يخوف
لدرجة الحرام صار يسوي ومو بَـس يسوي لا انوب يجاهر بالمعصية ويفتخر بذنوبه
يابه وراك حساب وكتاب !
لاعوفني ، ماعليك هاي حرية شخصية

حتىٰ باللبس وصل الزمان لمرحلة عجيبة !
المُتبرجة والي لبسها كله قصير يبررولها بكَلمة
" حرية شخصية " ومحد يتدخل بيها
وإذا حجيت كلمة راح تبقىٰ همجي وتفكيرك مُتخلف  وبنفس الوقت إذا شفت بنية لابسة حجابها بشكل كامل ومُنقبة التعليقات والناس الي تنتقد كارثة !
تعليقات عبارة عن ( الدين مو هيج ، شوهتوا صورة الإسلام بهاي افعالكُم ، شوف هاي شلابسه منـوُ ضاحك عليها ، الي تلبس عباية مِن جوه لجوه .....)
يابة مو انتوا نفسكم تكولون حرية شخصية
لعد وينها حريتكم ؟
عوفوا الناس تسوي الي تشوفه مُناسب
لو لان مُلتزمة هيج محاربة !

السادسة : الأتزان
اتركوا الملفتات بالشارع خلوا حركاتكم بالبيت اعملوا ما تشائون في بيوتكم
لكن الشارع هو مو محط للاستعراض

السابعة : الحقد والنميمة
اترك فقرة فلان تراقبه ، اكل او شرب او طلع
معلينا شما حصل وياه لا نسولف عنه ولا نبحث عن حياته ، ندعيله ربي يصلحه من نشوف شي نتستر علي نحب نفسنا ونعمل ع اصلاحها نترك فقرة الترقب لحياة الأخرين ونتمنى الخير للكُل

الثامنة/ فهي حُب الحُسين بكُل جوارحك
ولاتطلب الخدمة هي مو أُمنيه هي نوايا وراح توصل الهَا بعدما تحارب نفسك والشيطان.

صدكني بمُجرد ما تبدي تصلح نفسك وتبتعد عن كُلشي حرمه الله تعالى راح تشوف نفسك وصلت
عوفوا كُل ذنب لخاطر الي بقه عَ الترابة 3 أيام بحَر الشمس وجسمه بي أَثر الحافر 💔
الإمام مغرگنا بخيره وحنانه مَيستاهل نضحيله شويه ؟

ومن يختارك وتصير خادم
تبدي بعد عندك المهمة الأصعب
( شلون احافظ على مكانتي عند أَبا عَبد الله والسيدة الزَّهراء )
الإمام انطاك فرصة حتى تصلح نفسك أكثر
الحُسين حنين هواي هواي أكثر مما نتصور !
ياخذ المذنبين حتى يصلحهم
ٲنـت بَـس سلمه گلبك وخلي هو يرتبه وشوف التوفيقات
هاي الميزة ربنا خلاها بالحُسين
شكَد ناس رجعت لربها بسبب الحُسين

أَحنة محظوظين بوجود الإمام الحُسين بحياتنا خلينا نحافظ على هالنعمة ♥️

https://t.me/mahd313e