روايات أهل البيت ع

لَيلة القدر 2 💙🪐✨

المؤذن يأذن وصاح قُتل علي المرتضى 💔
_ _ _ _
س١١/ ماذا أحيط ليلة القدر؟

- اللّٰهُ اَكْبَرُ ١٠٠ أقل شي.
روي عن الامام الجواد روحي فداه: من كبر الله، صَغّر الله بعينه كل ماسواه.
يعني كل همومك وكلشي يصغر !

ليلة القدر ليلة التكبير..
أول متبدي تكبر يكبر الله في نفسك
وتصغر الأشياء في نفسك، بحيث تشوفها لاشيء! تكبر لحد متوصل تخرج من كلشي متلكي حتى نفسك ومتشوفها… تلكي بس اللّٰه.
* تخيل مثل النبي إبراهيم صلوات الله عليه من صارت الحادثة المعروفة مال نار.. الروايات تذكر أنو جلس بالنار ٤٠ يوم أو ممكن أكثر المهم فَ چانت جلسة العبد المؤمن، كان فقط اللّٰه موجود..
*إذا لكيت نفسك ثكيل تريد بس تخلص وطولت، أعلم أنُّ أنت بعدك ماوصلت لمعنى اللّٰه أكبر.
✨✨✨✨
س١٢/ كيف أحصل الإستحقاق في ليلة القدر؟
التقييم والتقدير

اكعد وي نفسك مع الله وأحجيله عن ذنوبك وقيم نفسك، هنا تعرف نفسك أنت شنو من تواجه صح ورب العالمين يغفرلك.
🕳️روي عن إمامنا الكاظم روحي فداه:
أفلح عبدًا خلا بربه فعدد ذنبه ورجا عفوه.
يعني أنت يكون بيك خير من تكعد وتعدد ذنوبك وتحجي وي الرحمن.
✨✨✨✨
س١٣/ ماذا أفعل إذا تعبت؟
- أرتاح بالذكر !
تمدد وسبح وأنت تاكل سبح.. إلخ
يعني هي ليلة وحدة ماتتعوض
حتى من تتعب لاتململ
وركز بهاي!
من تتعب… أستشعر نظرة اللّٰه الك وكلامه
( كَانَ سَعْيُهُم مَّشْكُورًا ).
✨✨✨✨
س١٤/ ماهي أهم لحظة في ليلة القدر؟

-هي لحظة المكاشفة.
هاي تصير بعد التلاوة والذكر والتعب…
من توصل لهاي المرحلة تشوف نفسك الحقيقية لأول مرة! تشوف شخص مجنت شايفه!
شلون؟
1. تشوف أشياء قبيحة جنت تشوفها عادية! يعني قبل هاي الليلة تسويها وتشوفها عادية.

2. راح تلگي نفسك أهتديت في نفسك أنو أنت تگدر تتعبد وتصلي وتوگف بين يدي الله وتحظر مع المومنين، هنا تسأل نفسك أني وين چنت؟!

3. راح تشعر بأن يدًا تأخذ بيدك إلى قرار جيد في حياتك، يعني يلا قرر وأترك ووو هاي أهم لحظة وهي من تنمسح المراية وتشوف وجهك زين.
أدعي وتوسل أنو ننرزق هاي اللحظة.
أصعب شي على الإنسان هو ميشوف نفسه.
لأن يضيع فعلًا.. وكأنو ميت.
✨✨✨✨
س١٥/ كيف نأتي لِـ ليلة القدر؟

ج/ مومهم شلون المهم تأتي
مومهم تجي محب أو متلهف!
المهم تجي!
🕳️أحد الشباب يگول أني ماريد أحيي الليلة يابه ليش؟ يگول أني صلاتي الواجبة كوة أصليها نوب أروح لله هسه؟
*وهذا خطأ! أنت أخذ نفسك وروح لله گله يارب أجيت رغم نفسي التعبانة وتعب دوامي وووو
تمنيت أجيك مشتاق! متلهف! 💔
بس غصب أجيت وأريد أگول أني عبدك حتى لو مو حبيبك، يارب أنا لستُ من الذين يأتونك مشتاقين ومحبين لكني أتيت 💔
(هاي ليلة المذنبين وليلة الخائفين
ليلة القدر ليلة الذنوب الكبيرة والمعاصي الكثيرة..
ليلة القدر ليست ليلة الأولياء! بل أمثالي من الذين تلطخت عيونهم وقلوبهم بالمعاصي
مومهم شلون تجي المهم تجي..
گله يارب ماعرف شلون أجيت بس أني أجيت وأني واگف بين يديك أجيت وي صاحب الزمان والمؤمنين ).
✨✨✨✨
س١٦/ ما هو مفتاح ليلة القدر؟ مهم جدًا

٥ حروف تردد بيهن.. ( كهيعص )
كل حرف بي عبادة!
كَ: شكر، ذكر، تكبير توكل، ركوع.
هَ: هجرة الذنوب وكل ماسوى الله، رهبة القلب والخشية بين يدي اللّٰه، جهد البدن
والتواضع أمام اللّٰه، تهجد الروح والذكر بين
يدي اللّٰه.
يَ: إستمرارية ومواصلة
عَ: دعاء خشوع اعتصام بالله
صَ: إخلاص، إعتصام، صبر، صلاة، صراط، اصطفاء.
✨✨✨✨
س١٧/ ماذا أتوقع من ليلة القدر؟

لاتتوقع ولا تشترط ولاتقارن نفسك بأحد
عيش عبد لا يتوقع من اللّٰه إلا الخير
سلم أمرك كله لِأرحم الراحيمن سبحانه.
گول اللَّهُمَّ أنِّي أحييت ليلة القدر مفوضًا أمري إليك وأنت الذي تعطي وأنت الذي تغني وأنت الذي تكرم وأنت الذي تنعم
من أنا؟ فسالت أوديةٌ بقدرها أنا يَارَبِّ سأفوض أمري إليك والباقي عَليك
حتى ترتاح فعلًا..
وإذا دخلت بدون توقعات! أكرم الأكرمين راح يفاجئك وبعدين تشوف أنو چنت تتوقع شي وأنطاك شي ثاني مختلف تمامًا! وترى كلنا نحب هدايا اللّٰه المُبهرة 🥹🤍
✨✨✨✨
أكو شغلة جدًا مهمة.. تدرون الشيطان قبل شهر رمضان شيسوي؟؟ عليه أني مثلًا.. يزرع بداخلي محبة الحرام!! يبيض بگلبي قبل الشهر وتبقى لحد ليلة القدر وتفقس! وارتكب إحدى الكبائر.. يعني أكو ناس أوقات شگد شهر يمر بدون ذنب ومن يجي لليلة القدر يذنب!! تخيل خباثته شنو! لذلك أنتبه من هسه خليك قوي وفطن ولاتتبع هذا الصوت وإتمسك. 💔
✨✨✨✨✨
وخاف بعد من العُجب..!
لأنو تتعجب بقوتك وعبادتك طول هذا الوقت
وكأنو هي منك!!
الوقت من اللّٰه
القوة من اللّٰه
التوفيق من اللّٰه
مو منك أنتَ!
https://t.me/mahd313e