روايات أهل البيت ع

الذنوب الجارية 💙🌿

” السلام عليكم ورحمة اللّٰـه وبركاته “
قبل فترة حچيت بموضوع الأغاني وخطينه خطوة التوبة ويارب الثبات للجميع،
موضوع السماع عن قصد هوَّ الحرام أما يصادف گدامك فَ تحاول تتجنب الصوت تستغفر بداخلك من تكون نيتك صادقة للّٰـه أنتَ متريد تعصي فَ هاي كافية برحمته متتحمل ذنب،
شي ثاني وَهوَّ الستوريات أو المنشورات بمواقع التواصل الإجتماعي تجنوهن كذلك
من تنطي لايك هنا شاركت الحرام وي صاحب المنشور لتعلق گبل عدي أو أنطي إبلاغ صدگوني شگد ما تشوفوا عادي بس يبقى ذنب وباب للشيطان يستغله ويزيد أكثر وتوگعون بحرام أكبر وتصير استهانة بالذنوب
حتى لو تكون وسط الحرام خليك أنتَ نور تضوي بعصمتك عن الخطأ
وجودنا هنا شنو غير لرضا رب العالمين؟ تخيل رب العالمين يحبك ويرضا عليك!
متخيل شلون راح تكون بجنة أرضية!

وموضوع الصور سواء كانت بنية أو ولد كَ بنية صورتج أو صورة لبنية بالنت وإن كانت هيَّ غير مسلمة تتحملين ذنب تبرجها! لكل نظرة ولكل شخص شافها! من غير إذا صارت نظرة محرمة إلها💔، والشباب إلي يستخدمون صور غيرهم بدون إذن حرام، ومن تخلي صور غير أخلاقية هنا كارثة أكبر!

تعرفون كل حرف وكل صورة تبقى ذنوب جارية لأن منعرف شوكت رب العالمين ياخذ أمانته
تكدر تروح وأنت مبقي وراك ذنوب جارية حرام؟
رب العزَّة شنو يگول « وَمَنْ يَعْمَلْ مِثْقَالَ ذَرَّةٍ شَرًّا يَرَهُ • وَمَنْ يَعْمَلْ مِثْقَالَ ذَرَّةٍ شَرًّا يَرَهُ »
تذكروا كُلشي مكتوب مينقص حرف رب العالمين حاشاه ميظلم عبده بس العبد يظلم نفسه
حاسب نفسك قبل لا منكر ونكير يحاسبوك .

دمتم في رعاية اللّٰـه .