أحببته وبشده♥️

البارت الثاني عشر

لا أود أن أحب أي أحد بعدك، فأنا لن أعرف الحب إلا من خلالك أنت 🤎🫂

________

في صباح اليوم التالي استيقظ الجد وفي باله قرار يجب أن ينفذه ..ارتدى ملابسه وخرج من الفيلا قبل أن يستيقظ اي احد ..توجه ناحية الفيلا التي تسكن بها عائلة رهف وطرق باب الدخول في انتظار شخص ما ليحدثه ...

فتحت له سميرة وهي تظن ان القادم هو زوجها لانه ذهب لشراء بعض الاحتياجات ولكن رأت الجد واستغربت من وجوده ولكن لم تكثر وقالت بابتسامة : اتفضل يا عمي

أفسحت له المكان ليدلف إلى الداخل ودخل هو دون أن يرد عليها حتى ...توجه الي قاعة الجلوس ليجلس ودخلت سميرة ورائه ...

أردفت سميرة بابتسامة :تشرب ايه يا عمي

اوقفها الجد بيده وهتف بجدية: انا مش جاي اتضايف يا سميرة انا جاي اتلكم معاكي في موضع

نظرت له بترقب في انتظار ما سيقوله لتتوسع عيناها برعب وهي تسمعه يردف :

_ انا عارف كل حاجة بينك انتي وناصر وياريت متنكريش عشان انا متأكد من كل حرف بقوله

تململت في جلستها وقالت بارتباك: انا وناصر ازاي بس يا عمي ..وبعدين انا كل اللي بيني و بينو شغل بس

_ بلاش تشغلي دماغك عليا انا سمعت كلامكم يوم ما كنتو في الشركة

رجعت بذاكرتها للوراء قليلا لتتذكر عندما كانت تجلس مع ناصر في مكتبه وتذكرت حديثهم ارتعشت برعب وهي تقول بنبرة مهتزة : اي الكلام ده بس يا عمي ميصحش تقول كده انا واحدة متجوزة

اعترض الجد حديثها وأردف بعصبية: متجوزة ايه بس ..انتي وهو أوساخ وانا لا يمكن اسيب بنتي على زمة راجل زيه أما انتي فياريت تبعدي عننا

حاولت سميرة تهدأته فاردفت بقلق: اهدى بس يا عمي

نهض الجد بغضب وقال بتحدير : انا بقولك اهو هتبعدي عن بنتي وحفيدي اللي انا متأكد ان انتي ليكي علاقة أنه يتخطف زمان وقسما بالله لافضحك انتي و والوسخ التاني

هرولت سميرة اليه وركعت على ركبتيها وامسكت يديه برجاء لتهتف بدموع: ابوس ايدك يا عمي بلاش تفضحني ابوس ايدك وانا بوعدك أني هبعد عنكو والله ابوس ايدك

ابعد يدها بعنف وهتف قائلا : لا يا سميرة هفضحك وهقول لبنتي صاحبة عمري خانتك وياريت جوزك يطلقك عشان انا مشفق عليه وابعدي كده من ادامي واه صحيح انا واثق ان انتي ليكي علاقة بحفيدي وهبلغ عنك

تقدم خطوتين ليرن أنظار الخطر بعقلها وتتقدم ناحية الطاولة لتفتح الدرج وتمسك المسدس وترفع السلاح عليه لتقول بجنون : استنى عندك

التفت الجد ليراها تمسك بهذا السلاح ليردف بثبات: بتهدديني كدهه

_ لو خايف على نفسك يبقى متقولش لحد حاجة فاهم