أحببته وبشده♥️

البارت الحادي عشر

أريد أن أكون شيئًا جميلاً في حياتك، يرسم على شفتيك الابتسامة كلما خطرت على بالك.،،💗✨

____

بعد منتصف الليل عادت رهف إلى منزلها ولكنها صدمت عندما رأت والدها يجلس مع والدتها في البيت ..متى عاد والدها من السفر فهي لم تراه منذ اكثر من خمس سنوات لماذا عاد الآن ألم يتخلى عنهم من أجل عمله وسافر الي الخارج ...

دلفت إلى حيث يجلسون وقالت بصدمة : بابا انت جيت امتى ؟

تقدم منها والدها والذي يدعى( محمد الدسوقي) وقال بحنان: عاملة ايه يا رهف وحشتيني

رهف بدموع وسخرية :

_ وحشتك اه ده انت طول الخمس سنين مفكرتش حتى تتطمن عليا

_ والله يا حبيبتي كان غصب عني وضغط شغل

تحدثت سميرة وهي تقول: على فكرة يا رهف انا قولت لابوكي ان انتي اتجوزتي من ورانا وهو زعلان منك

أردف محمد وهو يقول : انتي ازاي اصلا تعملي كده يا رهف بتصغري مامتك كده وتروحي تتجوزي من وراها

رهف : انا مش هرد عليكو والله وبعدين دلوقتي انتو عاوزين ايه

قالت سميرة : عاوزنيك تتطلقي منه يا رهف

هتف والدها مؤكدا حديثها: كلام امك صح يا رهف ولو هو مرضاش انا هقف قدامه متقلقيش

ضحكت رهف بسخرية وأردفت قائلة: انتو فاكرين ان انا هسمع كلامكو ..انا بقول من دلوقتي انا مش هطلق من عمر وهفضل معاه لاخر نفس فيا ومهما حاولتو تقنعوني مش هسمع كلام حد فيكو

هتفت والدتها بحدة : بصي طريقة كلامك معانا بقت ازاي

ردت عليها وهي تقول : ماما هو في ايه انتي عاوزة تتخانقي معايا وخلاص يعني

نهرها والدلها بقوة وهو يقول : رهف اتكلمي كويس مع مامتك

تنهدت بعصبية وأردفت قائلة: انا مش هقعد معاكو وانتو كده على فكرة

توجهت ناحية الباب لتذهب منه ولكن اوقفها صوت والدتها وهي تسألها الي اين ستذهب فاجابتها هي باستفزاز: هروح اقعد مع جوزي يا ماما

قال والدها بصوت عال قليلا : جوزك ده لما تبقي في بيته اما دلوقتي انتي في بيت ابوكي يا هانم

تجاهلت حديثهم وقالت وهي ترحل : عن اذنكو انا همشي

بمجرد ما رحلت وجه محمد حديثه لزوجته وهو يقول: تربيتك ليها بوظتها اويي

_ سيبتك انت لما تيجي تربيها معلش

انزعج محمد وهو يهتف : هو انتي هتفضلي لحد امتى مش مهتمية بجوزك ولا ب بنتك

قالت بابتسامة صفراء وهي تهم بالنهوض : معلش ..

_ هفضل مستحملك عشان بحبك يا سميرة وهعمل اي حاجة عشانك