أحببته وبشده♥️

البارت الثامن عشر

إذا كُنت رجلاً بمعّنى الكلمة، فلا تسمح لفتاةٍ أن تبكي، وإذا كُنت تحبْ تلكَ الفتاة فلا تدعها تغيب عنكَ، وإذا كُنت تعشقهّا فلا تسمح لها ب "الرحيِل"..🖇🤎
________

" فريدة هو احنا هنفضل واقفين كتير كده"

هتفت رهف تلك الكلمات بحنق وهي تقف بصحبة فريدة أمام المشفى الذي خرجا منها للتو ..

أجابتها وهي تحاول الاتصال على احد : استني بس هرن على عمر يجي ياخدنا

جذبت رهف منها الهاتف بسرعة وقامت باغلاقه وهتفت بضيق: مترنيش على حد وهاتي ده

قالت فريدة باعتراض: اومال هنروح ازاي انا مجبتش عربيتي

رهف : هنركب تاكسي يلا

زفرت بقلة حيلة وأردفت : حاضر يست رهف يلا

بعد قليل وقفت السيارة أمام منزلهم ودفعت رهف الأجرة للسائق ثم نزلو من السيارة ...توجهت رهف ناحية منزلها أولا وقبل أن تدلف قالت :

_فريدة تعالي ادخلي معايا بس أجيب هدومي

هتفت فريدة بتعجب: تجيبي هدومك ليه

ابتسمت بسخرية وهي تقول : انا مستحيل أقعد معاها بعد اللي حصل

قالت فريدة بتساؤل وهي تدلف معها للداخل: هتيجي تقعدي معايا صح

اعترضت رهف وهي تقول : مستحيل أقعد مع عمر في مكان تاني

_ عاوزة أقولك حاجة بس عمر ده جوزك والأولى انك تقعدي في بيت جوزك مش تهربي منه

هتفت رهف بانزعاج: فريدة مش عاوزة اتكلم عليه ممكن

توقفت عن الحديث على مضض و وقفت في انتظارها لتنهى جمع اشيائها ...انتهت رهف من جمع كل شئ يلزمها وخرجت من الغرفة وبيدها الحقيبة ثم خرجت من المنزل بأكلمه واستغربت من عدم وجود والدتها ولكن تجالهتها ولم تكثر لها ...

فريدة: هتروحي فين يا رهف

أجابتها وهي تقوم بعدل حقيبتها: هروح اقعد في اي فندق وبعد كده هشوف بقى هعمل ايه

حاولت فريدة إقناعها وهي تردف قائلة:

_ مينفعش يا رهف تروحي تقعدي في مكان وجوزك موجود وعمر لو عرف هيحصل مشاكل اكتر وبعدين يا ستي ماشي انتي زعلانة من عمر طب تعالي اقعدي معايا زي ما كنتي بتعملي ولا انتي بقى عاوزة تبعدي عني انا كمان

زفرت انفاسها بهدوء وقالت:

_ متزعليش مني يا فريدة وبعدين انا مقدرش ابعد عنك وكل يوم هجيلك انا بس محتاجة اقعد مع نفسي شوية .. اما موضوع عمر فانا مش عاوزة اتكلم فيه ممكن

فريدة بضيق: رهف ممكن اسألك سؤال انتي مش شايفة انك مكبرة الموضوع مع عمر ولا مش شايفة ايوة انتي مريتي بحاجات صعبة ومش سهل ان ابوكي يموت قدام عنيكي وكلنا عارفين كده بس عمر ملوش دعوة في اي حاجة حصلت وحتى لما غلط جه اعتذرلك انتي ليه بتبعديه عنك وانتي محتجاه