أحببته وبشده♥️

البارت الخامس عشر

اذا احضرت سيف لتقتلني فحاسب ان تجرح نفسك فتؤلمنى❤️‍🩹

______

مروان : ادخل يا عمر واهدى كده وبلاش عصبية

دلف عمر للداخل ليرى رهف تجلس أمامه بجانب والدها ..انطلقت شرارات الغضب من عيناه عندما رآها ترتدي فستان قصير يصل لركبتيها ويوجد به فتحة صدر واسعة وذو حمالة رفيعة ..جذبها بقسوة من يدها وتقدم بها إلى احدى الغرف وأغلق الباب خلفه بعنف ..

القاها على الفراش بقسوة وأردف قائلا: ايه الهباب اللي انتي لابساه ده يهانم

عدلت رهف جسدها ونهضت لتتحدث امامه بعصبية : ملكش دعوة بيا ،، وبعدين هو انا حمارة عشان تجرجرني كده وراك

زفر بعصبية وأخذ يحاول ان يهدأ من نفسه حتى لا يؤذيها ...هتف عمر بهدوء عكس البركان الذي بداخله:

_ اولا انا هعدي كلمة ملكش دعوة بيا بمزاجي ثانيا بقى يا رهف اتكلمي معايا باحترام وصوتك يوطى عشان مش عاوز أمد ايدي عليكي تمام ..هو انا مش قولتلك متتدخليش في اي حاجة هتحصل ولا كلامي مش بيتسمع

أردفت رهف بعناد: لا هتكلم براحتي وبعدين انت عاوز تسجن ماما و بابا وعاوزني معملش حاجة واقولك شاطر كمل

هتف عمر بصوت جاد : رهف انا مقدر ان دول أهلك بس أي حد بيعمل حاجة لازم يتعاقب عليها وكمان ابوكي كان موجود جوا وقت الحادثة وهو اللي خد جدي بالعربية فاحنا عاوزينه بس نحقق معاه نشوف مين اللي قتل ...

لا هي لن تعطيه والدلها فاذا علم انه هو من قتله فالبتأكيد سوف يأخذه الي الشرطة ...اقتربت منه ببكاء وهي تترجاه:

_ عمر بالله عليك بلاش تاخد بابا انا مليش غيره يا عمر عشان خاطري

حاوطها عمر بيده وهو يقول بحنان: مش عاوزك تعيطي يا رهف ومتقوليش كده عشان مزعلش منك يعني ايه ملكيش غيره هو انا مش كفاية ولا انتي بقى مش بتحبيني

نفت حديثه وهي تقول : لا انا مش قصدي كده يا عمر انا بس بقو...

قطع حديثها وهو يضمها اليه ويقول : هششش خلاص اهدي انتي بس

دفنت وجهها في صدره وهي تنهمر في البكاء وشهقاتها تزداد ...ربت عمر على ظهرها بحنان وهو يقول: اهدي يا رهف متعيطيش خلاص

سألته بصوت متقطع: يعني...انت ..خلاص مش هتبلغ عن بابا

تنهد عمر باستسلام وهو يقول: ماشي هبقى اشوف ..تعالي بس ارتاحي شوية ونامي

_ هطلع اشوف بابا الاول طيب

اوقفها عمر بعصبية: رهف بلاش تعصبيني انتي مش هتطلعي برة بلبسك ده قدام مروان فاهمة واتفضلي نامي

توجهت ناحية الفراش وتمددت لتنام ..قبلها عمر من جبينها بحب وخرج من الغرفة

......