أحببته وبشده♥️

البارت العاشر

إذا تحول حبي لك إلى ماء، لاستطاع أن يغرق العالم بأسره 🌊🌹

_______

في الليل ..

تجلس رهف بصحبة فريدة في الحديقة كعادتهم ..في انتظار عمر ليأتي من الشركة ليخبر الجميع أنهم قد تزوجو ..فهم بالصباح بعد عقد القران ذهب عمر و عدي بصحبة مروان إلى الشركة مباشرة وأخبرها أن لا تخبر أحد إلا في وجوده ..

تنهدت رهف بتوتر وقالت: تفتكري يا فيري هيزعقو جامد ولا هيعملو ايه

_ بصي هو كده كده ماما وجدو هيزعلو شوية عشان عمر طبعا عمل كده من وراهم بس بعد كده هيفرحو عادي أما بقى بابا وطنط سميرة معرفش ردة فعلهم هتبقى إيه

رهف : معدتش فارقة أهم حاجة دلوقتي إن أنا مراتو

ابتسمت فريدة بسعادة وهتفت قائلة : والله يا رهف انا فرحانلك أوي

_ عقبالك يا فيري

زفرت فريدة باحباط مضحك : عقبالي ايه بس ده مفيش كلب بيعبرني حتى

_ اصبري انتي بس على رزقك

هتفت فريدة وهي ترى سيارة شقيقها تدخل من البوابة : جوزك جه يا بت ي رهوفة

ركن عمر السيار بالمدخل ونزل منها ليجد معشوقته في انتظاره ارتسمت بسمة جميلة على شفتيه واقترب منها لياخذها في في أحضانه وهو يقول: وحشتيني يا مراتي

خجلت رهف من اقترابه منها هكذا أمامهم وبادلته العناق بحياء....

هتف مروان وهو يقول : واد يا عدي هو عمر مش واخد باله أن هو هيتهزأ جوا ولا ايه

_ مش عارف والله ده انا حاسس ان هو في شهر العسل ومش محترمنا حتى

قالت فريدة بمزاح: خلاص هتحسدوه انتو بس غيرانين عشان هو اتجوز وانتو لا

أكد عمر حديثها بمرح: والله يا فيري انتي جيبتي الخلاصة

زفر عدي بقلة صبر فأردف: هنفضل واقفين كتير اتفضلو ادخلو

ربت مروان على كتفه : أعصابك يا دودو هدي نفسك

ضحكت فريدة وقالت: ألله دودو لايق عليك اوي

_ جربي بس قوليلي الاسم ده وشوفي هعمل فيكي ايه

عمر : يلا يا جماعة ندخل وبطلو شغل عيال

حاوط عمر رهف من خصرها وتقدم للداخل وهم ورائه...ومن حسن حظهم أنهم وجدو الجميع يجلسون مع بعضهم بما فيهم والدة رهف ...دلفو إليهم لتتوجه انظارهم إلى ذلك الثنائي وعلامات الاستفهام على وجههم بسبب التصاقهم ببعض هكذا أمامهم...

أردف ناصر أولا قائلا بشك : انت حاضنها كده ليه هو مفيش احترام

هتف عمر بجدية : احضن مراتي براحتي