أحببته وبشده♥️

البارت الخامس

سأحبك حتى تنطفئ النجوم، ولا يعود المد والجزر♥️

______

بعد تناول الطعام جلس الجميع في غرفة الصالون في جو يسوده الود والدفئ ..شعرت سميرة بالارتياح كثيرا عندما تعرفت على عمر ولم تجد منه أي ردة فعل تدل على أنه يتذكر شكلها أو شئ من ذلك فهو قد عاملها بطريقة عادية جدا ولكن شعرت انه يضيق منها قليلا ولكن ذلك لا يهم الآن ..

الجد: ان شاء الله يا عمر هتنزل الشركة من اول بكرة مع اهلك

اعترض عدي وقال : هينزل ازاي يا جدو وهو معندهوش أي خبرة وكمان هينزل بصفته ايه اصلا

حمحم عمر وقال بصوت جاد: انا الحمدلله متعلم يا عدي ومتعلم كمان كويس اوي ولو على الخبرة متقلقش

ناصر : يابني هو ميقصدش معلش ،اكمل حديثه لعدي: واما بقى هينزل بصفته ايه يا استاذ فهو اخوك ولا انا غلطان

عدي باستهزاء: اخويا طبعا ..طب بالاذن بقى انا طالع اوضتي

فريدة : اذنك معاك يا اخويا

استعدت سميرة هي الأخرى للذهاب وقالت وهي توجه حديثها لرهف: يلا بينا يا رهف

رحاب: خليكي شوية طيب

فريدة برجاء: طب سيبي رهف تبات معايا النهارده

أيدتها رحاب أيضا وقالت: سيبيها يا سميرة عادي

وافقت سميرة تحت إصرار فريدة وقامت بالرحيل..بعد قليل ذهب الجميع لغرفتهم ما عدا فريدة ورهف جلسو كعادتهم في الحديقة ..

تمددت رهف على الأرض وهي تنظر للنجوم وبجانبها فريدة ...

رهف بشرود: فيري هو عادي الواحد يحب من يوم وليلة

تنهدت فريدة وقالت : الحب ده حاجة كبيرة اويي يا رهف ويسلام لو اختارتي الشخص الصح

شردت رهف في عمر وقالت بهيام: من ناحية الشخص الصح فهو شخص صح اوي كمان

انتبهت فريدة لحديثها وقالت : بت انتي من امتى بتتكلمي عن الحب والكلام ده

ابتسمت رهف بسمة جميلة وقالت : شكلي وقعت ومحدش سمى عليا يا فيري

تحمست فريدة ان تعرف هوية ذالك الشخص فتسائلت بلهفة : مين هو قولي بسرعة

لمعت فكرة خبيثة ببالها فردت عليها وهي تقول: مش هقولك مين غير لما تقوليلي كنت بتتهامسي مع عمر الصبح في أيه

تذمرت فريدة فأردفت: انتي باردة كده ليه يا رهف

_ مليش دعوة لو مقولتيش انا كمان مش هقولك هو مين

أخبرتها فريدة بسرعة: هقولك اهو ده انا بس لاحظت ان هو عمال يبص عليكي فقولتلو انك سنجل وملكيش في الارتباط وماشية بمبدأ الارتباط إحباط