أحببته وبشده♥️

البارت السادس عشر

كل ما أريده هو أن تبقى بجانبي دائما♥️✨

_____

التقى عمر مع شقيقه أمام مركز الشرطة ...

تحدث عدي ببعض القلق: عمر بلاش تعمل كدهه عشان متخسرش رهف

غضب عمر من حديثه وأردف قائلا: هخسرها ليه يا عدي قولي

عدي : يعني انت كنت قاعد معاها وعرفت مكان ابوها ودلوقتي هتدخل تقول للضابط على مكانه دي كده اسمها ايه بالنسبالك

_ عاوز تقول ان انا واطي وابن كلب وسخ يعني ولا ايه

أوضح عدي حديثه وهو يقول: عمر انا مقولتش عليك كده انا قصدي بلاش احنا نتدخل خلي الشرطة هما يدورو ويلاقوه مش كفاية مرضتش نقولهم على الجريمة ودفنا جدي من غير حتى ما يحققو في الموضوع

تنهد عمر بهدوء وهو يقول باصرار: انا هدخل اقولهم يا عدي عاوز تيجي معايا تعالى مش عاوز اتفضل ارجع

عدي بقلة حيلة : جاي يا عمر بس خلي بالك الانتقام ده اخرته مش حلوة

_____

عند رهف..

تجلس الآن برفقة والدها وصديقتها فريدة التي أتت قبل قليل..دخل إليهم مروان وهو يقول: حاولت اوصل لعمر بس مش بيرد

هتفت رهف بتوتر: يا ترى بيعمل ايه دلوقتي

أردف والدها وهو يبلع لعابه بقلق : ممكن يكون راح يبلغ

قالت فريدة : وده اللي انا حساه يا عمو والله

نهض من مكانه ليهتف بسرعة: يبقى لازم نهرب

رهف بانفعال: نهرب ايه يابابا وبعدين عمر ميعملش كده هو وعدني وقالي مش هيتدخل في الموضوع اصلا

فريدة بسخرية: وانتي بقى مصدقاه ده راح يبلغ على ابو اخواته مش هيبلغ على ابوكي انتي

تجمعت الدموع بعين رهف وهي تقول: يعني ممكن يكون ضحك عليا

انفعل مروان وهو يردف بعصبية : هو ايه عدم الثقة دي هو انتي أي حد هيقولك حاجة هتصدقي يا رهف ياريت تعقلي شوية وتخلي بالك من جوزك بس ...ثم اكمل حديثه لفريدة: وانتي ايه شغالة تسخني فيها وخلاص ياريت تهدي شوية يا فريدة عشان اللي بتعمليه ده عيب

نهضت فريدة من مكانها وهي تقول بحنق: انا هدخل البلكونة أشم هوا شوية

تحدث محمد وهو يوجه حديثه لرهف : هنعمل ايه يا بنتي

أجابته بحيرة : معرفش يا بابا

قال مروان بغضب طفيف : مفيش حاجة تعملها اللي مفروض تعمله تروح تقول للشرطة على مكانك أحسن ما انت بتتهرب زي النسوان كده

أردف كلماته وهو يرحل من أمامهم ..نظرت رهف لوالدها بخذلان وهي تقول: شايف وصلتنا لايه يا بابا ولا مش شايف