خيوط القدر (لقاء شخصياتي)

الفصل السادس عشر

في الجامعة كانت قاعدة في المدرج و هي بتتكلم مع صحبتها ليلى اللي قالت: و الله زين ده رومانسي و بيفهم بس توصل للبوس متوقعتهاش
جوليا: ده طلع حد تاني خالص غير اللي رسمته في بالي
ليلى: ابقي ادلعي عليه شوية عشان يغششك في الامتحان و تغششيني معاكي اهو نستفاد منك بأي حاجة
جوليا: زين مستحيل يعملكده حتى لو كنت هسقط 
ليلى: عشان انتي خايبة يا خايبة
جوليا: اه يا ستي انا خايبة قوليلي عاملة ايه مع حسام
ليلى: اسكتي يا جوليا انا بقيت بخاف منه اقسم بالله
جوليا: ليه بس
ليلى: ده الناس بتتغير 180 درجة الا هو اتغير 360 درجة بقى شخصية جديدة ولا و كمان بعتلي باسورد الانستغرام و الفيسبوك و التيك توك و باسورد تيلفونه بذات نفسه
جوليا: ما دي حاجة حلوة انه اتغير عشانك
ليلى: انا عارفة انها حاجة حلوة بس مستغربة من تغيره المفاجئ ده كان بينط من بنت لتانية هو و يزن صاحبه
جوليا: ماهو يزن هيخطب هو كمان
ليلى: بجد مبرووك
جوليا: شكلهم اخيرا قرروا يتغيروا و يبطلوا اللي كانوا بيعملوه
ليلى: و الله اتمنى
و في عز ما هما بيتكلموا دخل عليه زين و بدأ يوزع عليهم ورق الامتحان و بدأو يحلوا و كان سهل جدا خصوصا على جوليا اللي كانت بتحل و هي فرحانة و هو مبتسم على فرحتها
بعد شوية خرج الاربعة من البيت و رواحوا للمول عشان يختاروا فساتين كتب الكتاب
غزل: ميريام بصي الفستان ده يجننن
ميريام: ده حلو اوي بصي كمان الفستان اللي جنبه تحفة
غزل: تيجي نقيسهم
ميريام: يالا بينا
دخلت البنات تقيس الفساتين و الشباب بيستنوهم
فراس: هنفضل نستنى كتير
ميريام: انا خارجة اهوا
ادهم: و انتي يا غزل
غزل: خلصت
خرجت ميريام و فراس قال: الله ايه قميص النوم ده يا حبيبتي تحفة بس خليه بعد الفرح
ميريام: قميص نوم ايه ده الفستان
فراس: انا هتكلم معاكي بكل هدوء ادخلي غيري القرف اللي انتي لابساه ده بدل ما طربق ام المحل على دماغك و دماغ اللي خلفوكي
ميريام: لا مش هغيروا انا عاجبني
فراس بعصبية: و انا مش عجبني اتزفتي ادخلي لحد ما اشوفلك فستان تاني
ادهم بص لغزل و قال: فين باقي الفستان
غزل: باقي اي ده الفستان كله
ادهم: انا شايف ربعه بس و دراعاتك المكشوفة دي نظامها ايه
غزل: عادي هو كتب الكتاب مين اللي هيحضروا غيرنا ما هو رعد اخويا و الباقي زي اخواتي
ادهم: نعم يا اختي عايزة تقعدي قدامهم باللبس ده انتي اخرك تلبسيه في اوضتك و الشبابيك مقفولة
حطت ايدها في وسطها و قالت: نعم نعم نعمممم و بصفتك ايه تتدخل فيا و في لبسي
ادهم: بصفتي جوزك يا حلوة و اكسري الشر يا غزل و شوفي زفت تاني تلبسيه
غزل: و انا بقى كبرت في دماغي و عايزة الفستان ده
ادهم: و انا قولتلك مفيش مش عجبك ادي الحيطة و ادي الثانية
غزل: بدل يا اخويا ما تزعق فيا كده روح شوفلي فستان تاني على مزاج امك
ادهم بعصبية: سمعيني كده بتقولي ايه
غزل بخوف: انا مقولتش حاجة
بعد شوية اشتروا كل حاجة و راحوا يتغدوا في مطعم
في البيت فاق على صوت الخدم و هوما بيجهزو خد دش و نزل لقاها بتنظف النجفة و هي رابطة دماغها بايشرط اخضر
قرب منها و قال باستغراب: انتي بتعملي ايه
سوار: سلامة الشوف يا اخويا بنظف
الياس: و شكلك عامل كده ليه ولا كإنك خارجة من حرب
سوار: و عايز شكلي يكون ايه البس فستان و كعب ولا البس بدلة كلاسيك ده اسمه تنظيييف يعني اي حاجة عندك في الدولاب تلبسها
الياس: و هما فين الباقي
سوار: معرفش انا اول ما صحيت ملقيتش حد في البيت
الياس: و انتي فوق عندك بتعملي ايه مش دي شغلة الخدم
سوار: اهو بسلي نفسي شوية
الياس: بتسلي نفسك؟؟؟ انتي غريبة جدا
سوار: ما غريب الا الشيطان روح يا بابا راجع باقي الملفات لاتلاقي حاجة كده ولا كده
اتعصب و قال: ايه السيرة الزفت دي اللي على الصبح
سوار: صبح ايه دي الساعة 3 العصر
الياس: هو انا نمت كل ده و محدش صحاني ليه
سوار: هو انت يا ابني عندك فقدان في الذاكرة قولتلك مفيش حد في البيت
الياس: و انتي
سوار: انا ايه
الياس: مصحيتينيش ليه
سوار: يا نهار ابوك اسود عايزني ادخل لاوضة شاب عازب و اصحيه ليه اتجننت ولا اتجننت
الياس: هو انا هاكلك
سوار: هي دي الاصول يا واد عمي و لو عايزة اصحيك من النوم يبڨى في الحلال
الياس: انتي قلبتي على صعيدي كده ليه
سوار: معلش اصلي اندمجت في الدور عشان امبارح اتفرجت على مسلسل صعيدي يجنن
الياس: هتفصلي متشعلقة كده كتير انا رقبتي وجعتني
سوار: هنزل اهو
جات تنزل اتكعبلت في السلم و وقعت و هو مسكها على اخر لحظة و فضلت في حضنه
الياس: شكلك استحليتيها
سوار: استحليت ايه يا عم ابعد كده عشان اجهز نفسي
الياس: تجهزي ولا متجهزيش هتفضلي زي عم عبده البواب
سوار: بقى انا زي عم عبده و الله لاوريك
الياس بغرور: هتعملي ايه يعني
شالت جردل المية و قالت: هعمل كده
و مرة وحدة غرقتوا بالمية و طلعت تجري من قدامه
الياس بغضب: و الله يا حيوانة لاوريكي
طلع يجري وراه بس هي كانت قفلت عليها الباب و كانت بتضحك جامد و هو كان هيولع من الغيظ مسمعش صوت ليها فعرف انها دخلت الحمام و بحركة سريعة منه كسر الباب و قعد على سريرها و هو بيستناها
و في الشركة كانت واقفة قدام شاب و بتزعق فيه بكل عصبيبة
ايتن بصراخ: احترم نفسك يا بني ادم انت
سامر بوقاحة: في ايه يا حلوة هو انا قولت حاجة تزعلك
يزن: في ايه يا ايتن بتصرخي ليه
ايتن: الحيوان ده عمال بيقولي كلام قليل الادب
سامر: ايه ده يا يزن هي الحتة بتاعتك و لا ايه بس تصدق جامده ذوقك المرة دي نااار
في ثانية واحدة كان سامر واقع على الارض و يزن نازل ضرب فيه و الشركة اتلمت عليهم و حاولوا يفضوا الخناقة و نجحوا بصعوبة
يزن داس على سامر و قال: لو رجلك عتبت الباب تاني هكسرهالك فاهم
و بعدين بص على ايتن و كمل: و انتي اسبقيني على مكتبي
في مكتب يزن كانت عينو بطق شرار و ايتن خايفة من شكله عشان اول مرة تشوفوا كده
يزن بغضب: عجبك اللي حصل و ايه اللبس اللي انتي لابساه ده
ايتن: و ماله لبسي على الاقل مش زي لبس فيفي
يزن: ايتن الكلام ده ملوش لازمة دلوقتي
ايتن: زعلان عليها ولا ايه
يزن: على مكتبك يا ايتن عشان لو كملنا كده هنخسر بعض
بصتله بعتاب و مشيت و هو قعد على كرسيه بخنقة
و في المستشفى كانت بتمر على المرضى زي العادة خرجت من احدى الغرف و لقتوا في وشها
دكتور هادي: ازيك يا لوجي عاملة ايه
كانت هتروح و تسيبه بس شافت تميم من بعيد رجعت في قرارها و قالت: اهلا دكتور هادي بقالي كتير مشوفتكش
هادي: انت ناسية ولا ايه امبارح كنت بتكلم معاكي بس كنتي مستعجلة
لوجي: معلش بقى مشاغل و كده انت عارف
قرب منهم تميم و قال: لوجي تعالي انا عايزك
هادي: عامل ايه يا دكتور تميم
تميم بغرور: الحمد لله
هادي: اشوفك بعدين يا لوجي و متنسيش هنتغدى سوا
تميم: خليها وقت تاني عشان المرة دي هتتغدى معايا
هادي باحراج: طيب ماشي
تميم خد لوجي لمكان بعيد عن هادي و هي قالت: ايه يا عم بتجر معزة وراك
تميم: ايه اللي وقفك مع الراجل ده
لوجي: عادي بنتكلم مع بعض كزملاء عمل
تميم: و هي وصلت لانوا يشيل الالقاب
لوجي: انت اوفر اوي الصراحة
تميم: يا ستي انا اوفر انتي مالك و الله يا لوجي لو شوفتك معاه تاني لاكسرلك رجليكي
لوجي: ليه يا اخويا هي سايبة ولا ايه و بتحكم عليا بصفتك ايه ان شاء الله جوزي خطيبي اخويا ابويا
تميم: انا قولت كلمتي و على الله اشوف عكس كلامي
لوجي: انا محدش يقولي اعملي ايه و متعمليش ايه انا حرة
تميم مسك ايدها بقوة و قال: لأ مش حرة لما يبقى راجل معروف بين الناس بإنه بتاع بنات و مشيه كل شمال بيقرب منك يبقى انتي مش حرة يا لوجي
لوجي: سيب ايدي هتكسرها كده
تميم سابها و قال: يا رب اشوفك بس في نفس طريقه و الله يا اريام لاكسرلك عظمك
لوجي: استنى كده انت قولت ايه
تميم: هكسرلك عظمك
لوجي: لأ اللي قبلها انت قولتلي اريام مش كده
تميم: ايوة و فيها ايه مش ده اسمك
لوجي: لا يا اخويا اسمي و ياريت تناديني لوجي عشان ماشلفطش وشك الحلو ده
مسكها من قفاها و قال: بقى انتي يا شبر و نص يا اللي المسطرة اطول منك تضربني انا
لوجي: على فكرة التنمر حرام و انا مش قصيرة اوي زي ما بتقول
تميم: مش قصيرة ايه ده انتي قزم ده انتي لو وقفتي جنبي مش هتوصلي لركبتي حتى
لوجي: و ده ان دل على شيئ فيدل على انك انت الطويل مش انا يا ابو طويلة يا اهبل
بصلها بشر و هي قالت بخوف: انا اللي هبلة و 60 هبلة هو انت ممكن تنزلني عشان مينفعش آنسة محترمة زيي تتعلق كده
تميم: ماشي يا آنسة لوجي يالا على شغلك و متنسيش اللي قولتهولك
لوجي: ماشي اوكي اطير انا بقى
تميم قال بينه و بين نفسه: عليا النعمة هبلة
لوجي من بعيد: مش هرد عليك الله يسامحك
ضحك عليها و هو كمان مشي عشان يكمل شغله