فراس: على فين العزم يا ست هانم
قالت من غير ما تبصله: خارجة
فراس: و انا كيس جوافة هنا مش كده
ميريام: ليه هو انا لازم اقولك؟؟؟
فراس: تصدقي ايوة عشان جوزك مثلا
ميريام: غريبة كنت مفكرة انك مش معتبرني مراتك مش ده كلامك ولا ايه
فراس: اتكلمي معايا عدل بدل و الله العظيم اكسر ام الطربيزة على ام دماغك
و قاطعهم صوت رن تيلفون ميريام اللي ردت و قالت بدلع: كده يا راغب ارن عليك و متردش انا زعلانة منك اوي على فكرة
راغب: و انا اقدر على زعلك بردو
فراس: افتحي الاسبيكر خليني اسمع بيقولك ايه
طنشتوا و كملت كلامها و قالت: لأ انا زعلانة منك جدا جدا
فراس: افتحي الاسبيكر بالذوق بدل اقسم بربي لافضح الخطة و خليها تولع فوق دماغنا
خافت من كلامه و فتحت الاسبيكر
راغب: علشان اصالحك انا عازمك على الغدا النهاردة
فراس شاورلها بايده بمعنى انها ترفض طلبه
ميريام: هفكر و هشوف اصل عندي معاد عند البيوتي سنتر
راغب: لا لا لا ازعل منك و الله
ميريام: ماشي هخلص بسرعة و اجيلك
راغب: مستنيكي يا قمر على نااار
قفلت معاه و هو قال: ازاي تسيبيه يعاكسك كده
ميريام: احمد ربنا انه عاكسني انا ده انت لما تظهرله هيعاكسك انت
بصلها بقرف و هي قالت: ايه هو انا كدبت في حاجة ما انت عارف اللي فيها
فراس: رايحة فين الصبح بدري
ميريام: ما انا قولت عندي معاد عند البيوتي سنتر
فراس: استني اوصلك
ميريام: مفيش لزوم و بعدين انا زعلانة منك و متكلمنيش
فراس: المفروض انا اللي ازعل مش انتي
ميريام حطت ايدها في وسطها و قالت: لا و الله
فراس: اه و الله
ميريام: اتفضل وصلني يالا
فراس: كنت السواق الخصوصي بتاعك مش كده
ميريام: طب و الله اروح لوحدي
فراس: ده انتي زنانة اوي يالا قدامي
اديب: الاف استني
كملت طريقها من غير ما تبصله و هو وقفها و قال: مش سمعاني و انا بقولك استني ولا اطرشيتي
الاف: يا نعم عايز ايه
اديب: انتي بتتكلمي معايا كده ليه انتي ناسية اني المدير بتاعك ولا ايه
الاف: لا مش ناسية و افتكر انك انت اللي وقفتني
كانت هتمشي و تسيبه بس هو مسكها من دراعها و قال: لما بكون بكلمك تقفي و متمشيش و تسيبيتي
الاف بعصبية: نزل ايدك من عليا و الله يا اديب لو وقفتني تاني او اتعرضتلي باي شكل من الاشكال و الله لاكون فاضحاك
اديب باستهزاء: و هتفضحيني ازاي يا ست ايلاف
ايلاف: اسمك هيكون منور في اول صفحة في الجرايد بعنوان مدير مستشفى يتحرش بدكتورة عنده في المستشفى و يتعرض لها بالضرب شوف بقى ساعتها سمعة المستشفى هتبقى ازاي ده غير كلام الناس و انت عارف اني هعملها و عارف جناني فمتخلنيش اطلعوا عليك سلام يا دكتور اديب
قالت كلامها و مشيت و هو فضل مصدوم من اللي قالتوا لحد ما فاق على صوت تميم
تميم: انت يا ابني تايه في ايه
اديب: ها ولا حاجة كنت عايزني في حاجة
تميم: فين لوجي ماشوفتهاش النهاردة
اديب: خدت النهاردة اجازة بتقول انها تعبانة شوية
تميم بقلق: تعبانة؟؟؟
اديب: ايه يا عم الحبيب خايف عليها ولا ايه
تميم: تصدق انك عيل رخم و بارد
اديب: و انا اجي جنب برودك ايه بس تصدق لوجي بنت حلال و تستاهل اي نعم هربانة منها بس عسل
تميم بغضب: انت بتعاكسها قدامي
ضحك على غيرته و قال: و الله ده وصف ليها بس
تميم: طب اخفي من وشي بدل ما تحجز سرير في المستشفى بتاعتك
اديب: و على ايه انا رايح
و في شركة رعد كان قاعد مع زياد و بيتناقشوا في صفقة هما داخلين فيها لحد ما دخل عليهم موظف
اللي كان اسمه عماد و قال: مستر رعد كنت عايز حضرتك في موضوع
رعد: اتفضل يا عماد عايز ايه
عماد بتوتر: كنت عايز اطلب ايد اخت حضرتك
رعد باستغراب: اختي انا؟؟ و انت تعرفها منين
عماد: اختك الانسة زاد
قام و قال بغضب: نعم يا روح امممك
زياد مسكه و قال: اهدى بس يا رعد اكيد سوء تفاهم مش اكتر
عماد: ها يا استاذ رعد انت موافق
رعد: طبعا موافق
عماد بفرحة: يبقى نقرأ الفاتحة على طول
رعد: الفاتحة دي هتقرأها على روحك لو مامشيتش من قدام خلقتي
عماد: ليه يا فندم بس
زياد: انت لسه هتبسبس اخرج بسرعة انا ماسكه عندك بالعافية
عماد: انا عايز اعرف ليه مش موافق
زياد: ده انت تنح بقى
رعد: انا اقولك ليه مش موافق الهانم تبقى خطيبتي يا حيلتها
عماد بخوف و كلام متقطع: خ ط ي ب ت ك
رعد: انت تروح على مدير الحسابات المالية و تاخد مستحقاتك و مشوفش وشك هنا تاني
عماد: يا فندم انا .........
رعد بصوت عالي: بقولك برااااا
خرج عماد من قدامه بسرعة و زاد دخلت و هي مخضوضة و قالت: في اييه
رعد بعصبية: ارجعي على مكتبك حالا و متخرجيش منه الا باذني فاهمة
زاد بخوف: فاهمة فاهمة
خرجت بسرعة و راحت على مكتبها و زياد قال: انت يا ابني متخلف بتزعقلها ليه اهو نيلت المشكلة اكتر
رعد: طب اعمل ايه لما واحد ييجي يخطب مني خطيبتي هيبقى موقفي ايه
زياد: انا و الله فاهم شعورك بس هي ملهاش اي علاقة قوم صالحها يالا
رعد: انا لا ليا خلق لا اصالح ولا اتنيل بعدين هبقى اتكلم معاها
زياد في سره: ربنا يحلها و يسترها معاكي يا زاد
دخلت الشركة و هي ماسكة في ايده و كان شكلهم حلو اوي على بعض استقبلتهم السكرتيرة بحفاوة و دخلتهم للمدير اللي كان نظراتوا كلها اعجاب بيها
هشام: اهلا اهلا نورتونا و الله
ادهم: الشركة منورة بصحابها
هشام: اهلا بيكي يا مدام اتفضلي اقعدي
غزل: شكرا
هشام: تحبوا تشربوا حاجة اطلبلكم ايه
ادهم: لا شكرا احنا مش جايين نشرب احنا جايين نشتغل
هشام: طبعا طبعا اتفضل حضرتك عايز ايه
ادهم: انا عشت حياتي كلها في فرنسا و كان عندي هناك شركات كتير لما جيت لمصر من حوالي شهرين حبيت استقر هنا و بعت كل شركاتي اللي في فرنسا
هشام: و انت حابب تشغل الفلوس اللي معاك مش كده
ادهم: كده انت فهمتني انا بفلوسي هشتري شركات صغيرة لسه في بدايتها و انت و شطارتك تكبرهم
هشام: احب اقولك انك جيت للشخص الصح
ادهم: لا متتسرعش مش جايز لما اقولك نسبتي تغير رايك
هشام: احنا نشتغل بالنص عشان نتراضى
حط رجل على رجل و قال بغرور: 68٪
هشام: ده كتير اوي حضرتك
غزل: ما هو المبلغ اللي هندفعوا مش قليل برضوا
ادهم: احنا مش عايزين ردك دلوقتي بعد يومين هنرجعلك تكون فكرت
هشام: شرفتني حضرتك و انا في انتظاركم
خرجو الاتنين و ركبوا العربية
ادهم: بقولك ايه انتي مش هتيجي معايا تاني
غزل: و ده ليه ان شاء الله مش قد المقام انا ولا ايه
ادهم: انتي مشوفتيش الاعجاب اللي كان في عينيه ليكي
غزل: اعجاب ايه ده قد جدي
ادهم: مليش دعوة انتي مش هتيجي معايا تاني
غزل: لا يا اخويا متنساش اني ظابط زيي زيك و بعدين مش ممكن اوقعوا في الكلام و يفتحلي قلبوا
ادهم: و هتوقعيه ازاي يا فلحوصة هانم
غزل: يعني ادلع عليه اغمزله ابعتله بوسة في الهوا
طلع مسدسه و قال: كلمة كمان و ابعثك للي خلقك
غزل بخوف: ده انا كنت بهزر معاك يا راجل
ادهم: متهزريش معايا بالشكل ده تاني
غزل: حاضر يا اخويا ولا تزعل نفسك
في المطعم كانت قاعدة معاه و هي متوترة اوي
زين: تعرفي الشاب ده من فين
جوليا: و الله ما اعرفوا ده انا اول مرة اشوفوا
زين: و حياة امي لاندمه على اليوم اللي قرر فيه انو يتكلم معاكي
جوليا: زين اهدى بس هو ميعرفش اني مخطوبة و .....
قطع كلامها و قال: يا سلام و بدافعي عليه كمان
جوليا: مش بدافع ولا حاجة و بعدين وطي صوتك الناس بتبص علينا
زين: انا مالي و مال الناس ماهو لو كنتي لابسة دبلتك ماكانش ده حصل
جوليا: ما الدبلة كبيرة عليا اعملها ايه اصغرها
زين: كولي خلينا نروح
جوليا اتقمصت و قالت: مش هاكل
زين: اتزفتي كملي اكلك بالذوق
جوليا: ملكش دعوة بيا انا مش عايزة اتسمم
زين: الناس عينيها علينا كولي بدل و حياتك عندي لاكلك بالعافية و انتي عارفاني
بدأت تاكل لانها عارفة انه ممكن يعملها و هو بصلها و ابتسم على عصبيتها اللي اول مرة يشوفها
في مكان جميل جدا قدام البيوتي سنتر كان ساند على العربية و بيستناها بملل خرجت بنت جميلة جدا و هو قال: لو سمحتي يا قمر ممكن تناديلي ميريام
بصتله باستغراب و هو قال: انتي خرسة ولا ايه
قالت البنت: هو انت مش عارفني يا فراس
فراس: كمان عارفة اسمي على كده احنا كنا معريفة قديمة
البنت بدلع: طبعا يا رورو بس سمعت انك اتجوزت
فراس: مين قال كده ده انا لسه سنجل الا المز اسمها ايه
قالت: ميريام
فراس: ده تشابه اسماء اكيد
ميريام: لا يا روح النونة مش تشابه اسماء انا ميريام مراتك يا عينيا
فراس: مراتي ازاي و فين هو انتي عملتي عملية تجميل ولا ايه
ميريام: و حياتك ولا مقص واحد انا كلي طبيعي كل الحكاية اني الفترة الاخيرة مكنتش مهتمية بنفسي
فراس صفر و قال: عليا النعمة انتي صاااروووخ
ميريام: بجد يعني راغب هيعجب بيا
فراس: نعم يا اختي و انتي عايزاه يعجب بيكي ليه
ميريام: لا متفهمنيش صح قصدي غلط انا عايزة يعجب بيا عشان المهمة بس
فراس: لا مهمة ولا زفت و والله يا ميريام الكلب لو سمعتك بتتكلمي عليه تاني لاقطعلك لسانك اللي بينقط سكر ده
ميريام: تشكر يا ذوق و الله
فراس: اركبي خلينا نشوف سي زفت بتاعك ده عايز ايه
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
