بعد شوية وصلت للبيت و ركنت عربيتها و دخلت و هي بتجر في نفسها و قابلت سوزان في وشها على طول
سحر: افففف اعوذ بالله
سوزان: ليه شوفتي عفريت
سحر: و حياتك اكتر ابعدي عن خلقتي انا بتوحم و مش عايزة البيبي يخرج زيك
سوزان: اهو على الاقل يخرج حلو مش زي امه
سحر مسكت كعب جزمتها و قالت و هي بتقرب منها: سمعيني كده بتقولي ايه
سوزان بخوف: الحقني يا امير دي مجنونة و ممكن تعمل فيا حاجة
سحر: ممكن؟؟ ده مؤكد يا حبيبتي
خرج من مكتبه و قال: في ايه
سوزان: الحقني يا حبيبي دي عايزة تضربني
سحر: بقى انا مش حلوة يا وش البومة ده انا كل شباب الجامعة بتجري ورايا
امير باستهزاء: ماهو واضح
سحر: لا يا حبيبي انا على ايدي اقبلك ياما قاسوا خواتم و دكتور طالع و طيار داخل و لو مش عارف اسأل ده انت حتى في المخابرات ولا اقولك روح للشارع بتاعنا و اسأل الجيران و هما هيقولولك على عدد العرسان اللي بيخبطوا على باب بيتنا
اماليا: متعصبيش نفسك عشانهم يا حبيبتي المهم قوليلي عملتي ايه في الامتحان
سحر: ده الغلطة في الامتحان عليها 4 درجات ولا كإني غلطت في امه ده انا لو نجحت في الامتحان عليا الطلاق هتبقى ضربة قاضية للملحدين عشان ربنا بس هو اللي يقدر ينجحني
امير: كام مرة اقولك متحلفيش بالطلاق تاني
يزن: عايزة تطلقي يا بنت سلطان
سحر: اطلق مطلقش معادتش تفرق الاتنين واحد
كارمن: يالا اطلعي ذاكري و لما العشا يجهز هنادي عليكي
سحر: لأ بليز يا طنط كارمن طلعيلي العشا على اوضتي
كارمن: ماشي يا قلبي زي ما انتي عايزة
بالليل دخل عليها الاوضة و كانت بتبص من البلكونة و اول ما شافته اتخضت و قالت: انت بتعمل ايه هنا و ازاي تدخل عليا كده
يزن: كنتي فين الصبح
ايتن: ايه السؤال ده كنت في شغلي
يزن: انتي هتستعبطي مش انا طردتك من الشغل
ايتن: اخس عليا نسيت اقولك ما انا اشتغلت في شركة تانيى
يزن: و ازاي متقوليليش حاجة زي دي
ايتن: و اقولك ليه هو في حاجة بيني و بينك عشان اقولك؟؟
يزن: عشان انتي خطيبتي و قريب اوي هتبقى مراتي
ايتن: انا مش خطيبتك و مش هكون مراتك منار بس اللي ...........
يزن: ايتن خلاص متكمليش ارجوك
ايتن: من فضلك يا يزن اطلع برا اوضتي مينفعش الوضع ده
يزن همسلها في ودانها و هي قالت بفرحة: بجد ولا بتضحك عليا
يزن: و الله بجد و حياتك عندي بجد
ايتن: طب مقولتليش ليه و ليه عملت كده اصلا
يزن: عشانك عشان حبنا يا ايتن مع الوقت هتفهمي كل حاجة و من بكرا ترجعي لشغلك
ايتن: لأ انا مرتاحة في الشغل و .......
سكتت لما شافت ملامح الغضب على وشه و قالت بسرعة: بس ممكن ارجع عادي مفيش اي مشكلة
مسك ايدها بحب و قال: وحشتيني اوي
ايتن: و انت كمان وحشتني
يزن: بكرا هتكلم مع ابوكي و احدد معاد الفرح انا مش هصبر كتير
ايتن: مستعجل ليه لسه بدري
يزن: بدري بقالنا 4 شهور مخطوبين كفاية كده
ايتن: احسن كده عشان نتعرف على بعض اكتر
يزن غمزلها و قال: لا خلاص انا اتعرفت عليكي بما فيه الكفاية
ايتن: بس انا مش مستعدة للجواز دلوقتي
قربها منه و قال: ليه؟؟ انتي مش واثقة فيا؟؟
ايتن: لأ واثقة فيك بس مش عارفة في حاجة قالقاني
يزن: مفيش قلق ان شاء الله مدام انا معاكي متقلقيش من اي حاجة
ايتن ابتسمت و قالت: ماشي يا حبيبي
يزن: افهم من كده انك موافقة على جوازنا
ايتن بكسوف: ايوة موافقة
يزن: بس بعدما نتجوز مفيش شغل بعد كده
ايتن بتكشيرة: ليه هو انا درست على الفاضي
يزن: انا مراتي متشتغلش انا لما خطبت وافقت على الشغل عشان عارف انك هتقولي الكلام ده لما نتجوز بس خلاص انتي اشتغلتي لازمت الشغل ايه
عقدت حواجبها و سكتت و هو قال: فكي التكشيرة دي بقى انا و الله عايز راحتك
ايتن: بس انا بشتري حاجات كتير و غالية جدا و انا مش عايزة اتقل عليك
يزن: ليه هو انا سوسن عايزة حاجة انا اجيبهالك حتى لو عايزة عينيا تقلي عليا براحتك
ايتن: يزن
يزن: روحه و قلبه و عقله
ايتن: انا ب ........
سكتت بكسوف و هو باس ايدها و قال: ابوس ايدك كمليها انا عايز اسمعها منك و لو مرة
ايتن: انا بحبك اوي يا يزن
شالها و لف بيها و قال: و انا بعشقك يا روح يزن
ايتن: طب خلاص نزلني انا دخت
نزلها و قال: يالا تصبحي على خير يا قلبي
ايتن: و انت من اهل الخير
يزن: مش عايزاني انام جنبك؟؟
حدفتوا بالمخدة و قالت: يزن على اوضتك
ضحك و قال: حاضر هروح اهو
كانت نايمة على السرير و هي بتتقلب يمين و شمال و هي بتقول: يوووه الناس كلها نايمة انا صاحية بهبب ايه يا رب اخمدني انا ورايا امتحان
قامت و خرجت البلكونة تشم شوية هوا
سحر بتنهيدة: يا رب كل ده يطلع كابوس و اصحى و الاقي نفسي في بيتنا مع بابا و ماما
كانت بتفتكر ايامها و هي صغيرة لما كانت مع باباها و مامتها و مرة وحدة داخت و كانت هتقع برا البلكونة لولا ايده اللي مسكتها و وقعت بين ايديه و هو شالها و قعدها على السرير
امير: سحر انتي كويسة؟؟؟ حصلك ايه
سحر: مش عارفة مرة وحدة دماغي لفت و دخت
بص قدامه لقى صنية الاكل زي ماهي محطوطة على الكومودينو
امير بغضب: هو انتي متعشتيش ليه؟؟
سحر: مليش نفس مش قادرة آكل
قال بعصبية: كام مرة انا نبهتك انك تهتمي لأكلك افرضي كنتي وقعتي كان هيحصلك ايه
سحر: و انت متعصب ليه هو انا اللي كنت هموت ولا انت و بعدين انت ليه محسسني انك خايف عليا و مهتم بيا
شدت الغطا عليها و قالت: اقفل معاك النور و انت خارج
امير: قومي اتعشي مش هكرر كلامي مرتين
سحر: و انا قولتلك مش عايزة آكل
حط الصنية قدامها و قومها غصب عنها و هي قالت: هو انت اطرش؟؟ مبتسمعش
امير: لأ وقعتي على وداني و انا صغير يالا افتحي بقوك
سحر: يا بني آدم افهم انا .........
حط المعلقة جوا بقوها و قال: ده انتي رغاية اوي
بلعت الاكل و قالت:على فكرة انت مش مجبر تستحمل رغيي تقدر تمشي
امير: لأ مجبر في حد في الدنيا ميستحملش بنته؟؟
سحر: بس انا مش بنتك
امير: لأ يا سحر انتي بنتي قبل ما تكوني مراتي
ساد الصمت في المكان و فضل يأكلها لحد ما قالت: خلاص شبعت الحمد لله
امير: يالا اشربي اللبن عشان تنامي
سحر: لأ بجد انا مش قادرة خليها بكرا
امير بحدة: سحر من غير مناهدة كتير
شربت كاسها كله و هوب جريت على الحمام و رجعت كل اللي اكلته و هو دخل معاها و ساعدها
امير: مالك؟؟ انتي كويسة
سحر بتعب: مش عارفة
نيمها على السرير و شربها الدوا و قال: و دلوقتي؟؟
سحر: احسن الحمد لله
فضل يلعب في شعرها لحد ما نامت غطاها كويس و همس في ودنها و قال: بحبك
و باس راسها و خرج برا الاوضة
كان نايم و سمع صوت خبط جامد في اوضتها قام بسرعة من مكانه و راحلها جري دخل و قال: في ايه؟؟
لوجي بدموع: انا وقعت ااااه يا رجلي اااه
مسك رجلها و فضل يحرك فيها و هي قالت بألم: براحة هو انت ماسك رجل جاموسة
تميم: الحمد لله مفيش كسر مجرد التواء بسيط
جاب المرهم و فضل يدهنوا على رجلها
لوجي: بشويش يا تميم انت بتوجعني
تميم: معلش يا حبيبتي انا خلصت اهو
شالها بهدوء و حطها فوق السرير و قال: ها انتي كويسة
لوجي: ايوة الحمد لله معلش تعبتك معايا
تميم: تعبك راحة يا قلبي ولا قلبي ايه ده انتي وقعتيه من الخضة عليكي
ضحكت و هو قال بهيام: تعرفي ان ضحكتك حلوة اوي
عقدت حواجبها و قالت: بس مش احلى من الست نهى بتاعتك
تميم: هو انتي ليه مش راضية تفهمي انها زميلة ليا و بس هو انا لو كنت بحبها مثلا خطبتك انتي ليه؟؟
لوجي: بس هي مش معتبراك زميل ليها
تميم: لو الموضوع ده مدايقك مش هتكلم معاها خلاص بشرط اني ملمحكيش في طريق بيمشي عليها هادي
لوجي: حاضر يا تميم
باس ايدها بكل حب و قال: بحبك
انتبهت للبسه و غمضت عينيها و قالت: تميم فين التيشرت بتاعك
ضحك و قال: هو انتي خليتي فيها تيشرت انا سمعتك و جيت على طول
لوجي: بسم الله ما شاء الله هي دي عضلاتك ولا نفخ
تميم: لا يا ستي عضلاتي لو عاجباكي كده انا ممكن اقعد هنا
لوجي بعدم استيعاب: هنا فين
تميم بخبث: معاكي في الاوضة
لوجي: لا يا حبيبي يفتح الله انا بقيت كويسة خلاص تقدر تتفضل
تميم ضحك و قال: ماشي تصبحي على الف خير يا قلبي
لوجي: و انت من اهل الخير يا حبيبي
كانت قاعدة في اوضتها و هي بتعيط جامد من كلامه دخل البيت في نص الليل و عدى من جنب اوضتها و سمع عياطها راح لاوضته و غير هدومه و فضل يلف في الاوضة و مش هاين عليه دموعها
خبط و دخل اوضتها و هي اول ماشافته دورت وشها الناحية التانية اما هو فاتصدم من شكلها و عينيها المنفوخة و من كمية المناديل اللي على الارض
اتقدم ناحيتها بكل هدوء و مسك ايدها و هي سحبتها
الياس: سوار بصيلي
سكتت و مردتش عليه و هو مسك وشها و دوروا ناحيته و اول ما جات عينه في عينها انفجرت في العياط و هو حضنها جامد جدا و فضل يهدي فيها لحد ما سكتت و قالت: الياس انت اتجوزتني ليه مدام مش بتحبني
الياس: و مين قال اني مبحبكيش ده انا روحي فيكي
سوار: و الله كلامك الصبح بيقول غير كده
الياس: و حياتك عندي انا ماكان قصدي اني ازعلك انا بس كنت متعصب و مش عارف انا قولت كده ليه
سوار: و انت متعصب اني قولتلها مش كده
الياس: لأ متعصب من لبسك الضيق اللي كل مرة لازم نتخانق عشانه
سوار: كنت قولتلي قبل ما انزل و انا كنت هغيروا
الياس: قولتلك قبل كده مية مرة خصوصا على البنطلون ده
سكتت عشان كان عنده حق و هو شدها لحضنه و باس دماغها و قال: اسف يا حبيبتي
دفنت راسها في حضنه و قالت: و انا كمان اسفة مش هلبس كده تاني
الياس: يعني مش زعلانة مني
سوار بابتسامة: لأ خلاص
الياس: بكرا ان شاء الله هاخدك و افسحك
سوار: طب و الشغل هنسيبه؟؟
الياس: يوم مش هيعطل و بعدين يغور الشغل قدامك يالا يا قلبي ننام
سوار بتوتر: هو هو انت هتنام هنا
الياس: ايوة و فيها ايه دي
سوار: و تنام قدامي بتاع ايه ان شاء الله
الياس: هو انا مش جوزك
سوار: ايوة
الياس: يبقى يحقلي انام جنبك ولا لأ
سوار: ايوة ها لأ
نام و شدها في حضنه و قال: نامي يا حبيبتي عشان نقوم بدري
سوار: الياس
الياس: اششش خلاص يا سوار و الله انا تعبان و عايز انام
سوار: طيب نام في اوضتك
الياس: ما انا في اوضتي
سوار: انا عارفة ان كلامي مش هيجيب معاك نتيجة
الياس: شطورة نامي بقى
سوار: اففف حاضر
VOUS LISEZ
خيوط القدر (لقاء شخصياتي)
Acciónفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
