و على الجانب التاني من المستشفى كانت قاعدة و بتجبس رجل طفل
الاف بحنية: متتحركش يا حبيبي عشان اعرف اخلص شغلي
الطفل بخوف: طنط هو انتي هتوجعيني
الاف: لا يا عيون طنط مش هوجعك و اقولك على حاجة كمان لو فضلت هادي و شطور هديلك مصاصة
الطفل بفرحة: ماشي مش هعمل اي حاجة
و بعد شوية كانت خلصت و قالت: عشان انت شطور هديك مصاصتين مش وحدة
الطفل: الله ثكرا اوي يا طنط انتي طيبة اوي
ملست على شعره و قالت: العفو يا حبيبي
جا اديب و وقف جنبها و قال: خلصتي ولا لسه
الاف: ايوة خلصت هو في حاجة
اديب: لأ بسألك بس
الطفل: عمو الدكتور مراتك طيبة اوي اوي
الاف اتصدمت من كلامه و قالت: انا مش ......
قاطعها و قال: الف سلامة عليك يا بطل
الطفل: الله يسلمك يا عمو عارف لما اكبر هبقى دكتور زيك و اتجوز وحدة حلوة زي طنط
اديب: ان شاء الله يا حبيبي بس انت لو لفيت مش هتلاقي زي حلاوة مراتي
الاف: ايه الكلام اللي بتقولوا ده يا اديب
اديب: ايه بهزر معاه
الاف: بس ده طفل و بيلقط اي حاجة و بعدين انت مفهموا ليه اني مراتك
اديب: هو اللي فهمها لوحدوا انا مقولتلوش حاجة
الاف: يا راجل بريئ اوي
اديب: مالك متغيرة معايا ليه
الاف: و اتغير معاك ليه اصلا و عشان ايه والله لو كنت مهتم كنت عرفت لوحدك
اديب: شكل الهرمونات ضربت في بعض و هتيجي فوق دماغي انا في الاخر
الاف: تقصد اني مجنونة مش كده
اديب: انا مقولتش كده انتي اللي جبتيها من دماغك
الاف: بكدب عليك مش كده
اديب: يا بنتي سيبيني اتكلم
الاف: لا تكلمني ولا اكلمك انا ماشية
سابتوا و مشيت و هو ضرب كف على كف
قال الطفل و هو بيضحك: روح يا عمو صالحها
اديب: اصالحها ازاي دي
الطفل: بوثها زي ما بابا بيعمل مع ماما
اتصدم و قال: ابوثها؟؟؟ انت يا ابني عندك كام سنة
الطفل: ثت (ست) سنين
اديب: قصدك ستين سنة يالا تعالا اوديك لباباك
شالوا و خرج بيه لامه و ابوه اللي شاله و شكر اديب و قبل ما يمشوا غمز الطفل لاديب و قالوا: متنساش اللي قولتلك عليه
اديب: ايه الجيل المهبب ده اما اروح اخلص شغلي
في بيت اول مرة نروحلوا دخلت بيتها و لقت اكتر حد بتكرهوا
سعد: انتي شرفتي يا هانم كنتي فين من امبارح
سحر: كنت بايتة عند صاحبتي
سعد: صاحبتك ولا صاحبك حددي
سحر بغضب: ايه الكلام اللي بتقولوا ده انا محترمة و انت عارف كده كويس
قام مسكها من شعرها و قال: صوتك ده ميترفعش عليا تاني بصي بقى يا بت انا صبرت معاكي كتير انتي هتكتبي البيت ده باسمي سامعة ولا لأ
سحر: انا مش هكتبلك حاجة ده بيت ابويا انا
سعد: لا هتكتبيه باسمي و رجلك فوق رقبتك و بعد ما تعملي كده هخليك خدامة عندي
سحر: ده في الاحلام يا جوز امي
خلصت كلامها و طلعت لاوضتها و هي بتعيط
في الجامعة خلصت الامتحان و سلمت ورقها و خرجت
زين: الامتحان كان عامل ايه مع القمر بتاعي
جوليا: ده كان سهل جدا يا زين
زين: زين ايه هتفضحينا هنا انا دكتور زين
جوليا باحراج: معليش نسيت
زين: انا عايزك المحضرات بتاعت النهاردة كلها تحضريها
جوليا: بس المح ........
قطع كلامها و قال: انا عارف انتي هتقولي ايه احضري و على ضمانتي
جوليا: حاضر
زين: كشرتي كده ليه فين ضحكتك الحلوة
ضحكت و هو قال: متضحكيش تاني عشان ما عملش زي ماعملت امبارح و احنا قدام الناس و هتبقى فضيحة
جوليا بكسوف: زين ايه اللي بتقولوا ده عيب
زين: بقولك ايه احنا نكتب الكتاب عشان انا مش ضامن نفسي
اتكسفت جدا و هربت من قدامه و هو دخل لمكتبه من تاني
و في المطعم كانوا قاعدين و البنات مكشرين
فراس: مالكم ضاربين بوزكم شبرين ليه
ميريام: عشان مسيبتوناش ناخد الفساتين اللي اختارناهم
فراس: لما نبقى نركب قرون هنسيبكم تلبسوهم
ادهم: تاكلوا ايه
غزل بتكشيرة: مش عايزة حاجة
ادهم: و الله يا غزل لو ما اتعدلتي لاخبطك بالبوكس اتففك سنانك
غزل: ياريت اللي مخصماهم ميتكلموش معايا
ادهم: اولعي انا مالي
فراس: كده باقي بس الشبكة
ميريام: مش عايزة شبكة انا عايزة الفستان
فراس: يخرب بيت ام الفستان اللي هيجبلي الضغط و الله لاروح و احرق المحل باللي فيه
ادهم: هي خروجة باينة من اولها
و في شركة رعد اللي كان قاعد و هو باصص على زاد من مكتبه و بيتأمل في كل حتة من وشها
قام و دخل مكتبها و قال: الجميل عامل ايه النهاردة
زاد: الحمد لله يا حبيبي
رعد: جهزي نفسك عشان تحضري معايا ال meeting
زاد: ماشي هروح اجهز قاعة الاجتماعات
مسكها قبل ما تروح و قال: بشكلك ده؟؟
زاد باستغراب: ليه مالوا شكلي
رعد: حلو اوي بس الروج مش لايقة عليكي خالص
زاد: ليه ده هادي خالص
رعد: بالعكس ده تقيل و مخلي شفايفك حلوة اوي و عشان كده هتمسحيه
زاد: بس انا مبحبش اخرج من غير روج
حاول انه يمسك اعصابه و ميتعصبش عليها و قال: يا زاد متعصبنيش و امسحيه
زاد بعند: لا بقى انا مش همسحوا ده حلو اوي
خرج منديل من جيبه و مسح الروج كلوا و هو مش حاسس بنفسه انه بيمسح بعنف
زاد بوجع: رعد انت بتوجعني
بص على شفايفها و لقاها اتجرحت و بتنزل دم و قال: اسف يا حبيبتي و الله ما انتبهت
زاد: لو سمحت يا رعد سيبني امشي
رعد: زاد و الله اسف طب حتى بصيلي
بصتله و الدموع في عينيه و هو قال بندم: اسف يا حبيبتي و الله اسف
زاد متكلمتش و في لحظة باسها برقة من شفايفها
رعد: و كده سامحتيني ولا لأ
كشرت و قالت: لأ
رعد بخبث: يبقى اعيدها مرة تانية عشان تسامحيني
زاد: لأ لأ خلاص سامحتك
رعد: من قلبك
زاد: ايوة من قلبي مرضي كده
رعد: ايوة يا ستي مرضي
عند سوار اللي خلصت الشاور و خرجت و هي بتغني: يا طالعة من الحمام يا ......
سكتت و هي شايفة الياس و هو بيبصلها بكل شر صووت في وشه و طلعت تجري على الحمام مرة تانية بس هو مسكها و قال: بقى عايزة تعملي عملتك و تخلعي منها عادي
سوار: ايه اعمل عملتي دي هو انا مجوزاك عرفي و سيبتلك عشر عيال
الياس: بقى انا الياس الجندي مفعوصة زيك تحدف الجردل عليا
سوار: مفعوصة في عينك
الياس: اشتمي كمان عشان حسابك يعلى اكتر
سوار: طب انا اسفة مش هعمل كده تاني
الياس: لأ اسفك مرفوض
سوار: الياااس عيب لما حد يدخل و يشوفنا في الوضع ده هيقول ايه
الياس: يقولوا اللي يقولوه
سوار: يا سلام بعدين انت تتجوز و انا يتوقف حالي
الياس قرب منها و قال: ما انا هصلح غلطتي بعد كده
سوار: ابعد الله لا يسيئك لا تعمل غلطة ولا تصلحها
غمز لها و قال: بس البرنس حلو عليكي جدا
سوار: يا قليل الادب يا سافل
الياس: عيب لما تشتمي مديرك في الشغل
سوار: لا يا حبيبي احنا دلوقتي في البيت لما نكون في الشركة ساعتها يبقى لينا كلام تاني و ابعد بقى قطعت عني الاكسجين
الياس: ماشي انا هخرج بس بمزاجي انا و لينا كلام تاني بعدين
خرج و سوار قالت بارتياح: راجل لاصقة
الياس من ورا الباب: سامعة يا ام لسانين و هدخلك تاني
سوار بخوف: بهزر معاك يا رمضان ايه مبتهزرش
دخل عليه صاحبه و قاله: ايه يا ابني مالك عامل زي الولية المطلقة كده ليه
يزن: فاكر لما قولتلك مفيش اللي توقعني
حسام: فاكر و ساعتها قولتلك انك هتقع زي انا ما وقعت
يزن: احب اقولك اني وقعت و على رقبتي كمان
حسام: بلاش ألغاز و قولي في ايه
حكالوا على كل حاجة و هو قال: تصدق انك غبي يا متخلف البنت بتغير عليك افهم
يزن باستغراب: بتغير عليا من ايه؟؟؟
حسام: من زيزي يا اخويا يا ابو المفهومية
يزن: و تغير عليا من زيزي ليه
حسام بنفاذ صبر: يا اختتتتي اشق هدومي و يقولوا اتجنن يا حبيبي افهم هي عارفة انك بتاع بنات و شافتك بتتكلم مع زيزي و هي بتحبك فطبيعي انها تغير عليك زي ما انت غرت عليها من سامر
يزن: هبقى اصالحها بعدين صحيح انت كنت جاي ليه
حسام: اصل شوفت ايتن و هي بتركب تاكسي فاستغربت انت ليه موصلتهاش
يزن بغضب: و جاي تقولي دلوقتي بعد ما مشيت
حسام: و انا ايش عرفني بشم على ظهر ايدي؟؟ بس شكلها زعلت منك جامد جدا
قعد بقلة حيلة و قال: اللي اكلناه وز وز يا صاحبي
حسام كمل و قال: هيطلع علينا بط بط يا زميلي
عدى الوقت و الكل روح البيت و البنات اتلموا في اوضة وحدة عشان يجهزو نفسهم و الشباب كمان
بعد شوية اتلموا في الجنينة اللي كانت متزينة بطريقة شيك جدا و الاغاني كانت شغالة و الكل فرحان
اماليا: غيروا الاغنية دي عشان لوجي لو سمعتها هتجيبلنا العار
الاف: و حياة امك خليها انا بحبها جدا
لوجي: متخافيش يا اماليا انا ماسكة نفسي
سوار: بس انا مش قادرة انا عايزة ارقص
وتين: طب روحوا يا بنات للناحية التانية من الجنينة لحد ما ييجي المأذون
راحوا البنات و ايتن و زاد و جوليا فضلوا قاعدين و بيسقفوا اما الباقي قاموا يرقصوا
لوجي و هي بتغني: لأ لأ لأ لأ لأ لأ لأ
غزل: لأ لأ لأ لأ لأ لأ لأ
ميريام: يا رب اللي مش هيسقف معايا يا رب يا رب
الاف و سوار في نفس الوقت: يا عبسلاااااام 🎵🎵🎵
و فضلوا يرقصوا كتير اوي لحد ما جا المأذون
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
