خيوط القدر (لقاء شخصياتي)

الفصل الحادي عشر

في شركة الياس دخل المكتب و هي وراه و مش طايقة نفسها
الياس: اقعدي
سوار: لأ انا مستريحة كده
الياس: مش هعيد كلامي
قعدت بخنقة و هي بتهز رجليها شمال و يمين بسرعة
الياس: انتي كده هتكسري البلاط و ممكن ننزل للطابق اللي تحت
سوار: مش قولتلي اقعدي اهو انا مبحبش اقعد غير كده
مزاج يا اخي
الياس: انا مش اخوكي
سوار: متعصبنيش انا شايطة لوحدي
الياس: طب و انتي متعصبة ليه في حد دايقك ولا حاجة
سوار: اه يا اخويا كتلة التلج اللي قاعدة قدامي
الياس: اللي هو انا مش كده
سوار: و الله كلك نظر
سكتت شوية و قالت: هشتغل ايه
الياس: بتاعت شاي و قهوة
سوار بعصبية: نعم يا حيلتها بتاعت ايه؟؟
ضحك و قال: بهزر معاكي على الاقل تفكي التكشيرة دي
ابتسمت رغم غضبها الشديد منه و هو كمل و قال: انتي هتجهزي معايا شوية ورق عشان بكرا نسافر عشان نبتدي المشروع
اتحمست و قالت: فكرة المشروع ده ايه
سند ظهره على الكرسي و قال: ده اهم مشروع ليا هيكون عبارة عن قرية سياحية بتتكون من بيوت منفصلة على بعضها تطل على البحر و قدامها حديقة العاب مائية
سوار بانبهار: واو جميل جدا انا هكون اول وحدة تدخل القرية دي
الياس: اوعدك لو المشروع ده نجح هتكوني اول وحدة
سوار: و هنسافر امتى
الياس: شكل الشغل عجبك معانا
سوار: بصراحة اه انا كان نفسي من زمان اشوف قرية سياحية بالشكل ده فما بالك اكون وحدة من اللي شغالين فيها
الياس: بكرا هنسافر نخلص شغلنا الصبح بدري و المسا نتحرك
سوار: ماشي فين الاوراق
الياس: اهي عندك خلصيها و انا هراجعها معاكي
مسكت الورق و قالت: اوكي
بعد يوم شغل متعب على الجميع الكل روح للبيت دخلت و هي بتغني: اه يا انا من كلاموا و ابتسامتوا يا اني عليه عيون لكن مدوخاني بدوب و بنسى اسمي لو نداني بنسى نفسي من سلام ايديه
روفان: انتي بتحبي يا لوجي و لا ايه
قعدت و قالت بهيام: اه يا روفان اه لو تشوفي ايه اللي حصل فيا
ايسل: و الله شكل الموضوع بجد ايه اللي حصل فيكي يا لوجي
لوجي: لو تشوفوه بس طول بعرض ولا جماله يا اختتي يا اختتي تحسيه معمول في بريطانيا ولا تركيا
زين بعصبية: لوجي انتي بتتكلمي في ايه
اماليا قعدت قدامها و قالت: اسكت انت دلوقتي يا زين
بصت للوجي و كملت: شوفتيه فين ده
لوجي: في المول كل البنات بتبص عليه
اماليا: طب ما غمزلكش ولا بسبسلك حتى
لوجي: ده انا جبته معايا
زاد بصدمة: جايبة معاكي رجالة للبيت يا لوجي
لوجي قالت باستغراب: رجالة ايه انا بتكلم على التيشرت اخر قطعة و الله و مش هسلفه لحد انا بقول اهو
اماليا: تيشرت ايه يا هبلة يا اخت الهبلة و انا اللي قولت اخيرا لقيتيلك عريس
لوجي: عريس ايه يا اماليا الله يكرمك هو ده وقته ده انا خارجة من علاقة فاشلة مكسورة القلب
روفان: لا يا اختي ماهو واضح كسرة القلب
لوجي: مش القلب بس و المعدة كمان ده انا حتى مبقيتش آكل زي الاول
اماليا: طب بصي بقى يا روح امك ام اسماعيل جيبالك عريس
لوجي: لااااااا لااااااا لااااااا كله الا مجايب ام اسماعيل اللي زي وشها ده اخر مرة كانت جايبة للبت زاد بتاع ايسكريم طلع مهندس في الاخر
رعد: ما دي حاجة حلوة
لوجي: حلوة بالنسبالك انت مش انا انا عايزة الايسكريم و الله يا اماليا ما هتجوزو
ايسل: احنا مقولناش جواز قابليه انتي بس
لوجي: الكلام ده سمعتو المرة اللي فاتت لما اتخطبت لتامر ابن الجزمة
روفان: قابليه بس و لو قولتي مش عاوزاه نفركش كل حاجة
لوجي: انا لا اقابل حد ولا حد يقابلني انا مستريحة كده
اماليا: عليا الطلاق لتقابليه يا لوجي
لوجي: مابقاش اسمي اريام لو قابلته و الله لاسيبلكم البيت و ارجع لايطاليا
اماليا: ابقي قابليني لو رجعتي
لوجي: امسك امك يا امير عشان هتخليني افقد اعصابي امير: سيبيها يا امي دي حريتها
اسد: اهدو يا جماعة المواضيع دي متتحلش كده
لوجي: ايوة فعلا انا هقولكم تتحل ازاي
نادت على الخدامة اللي جات بسرعة و هي قالتلها بكل هدوء: جهزيلي شنطي حالا و حطيهم في العربية
يزن: لوجي انتي بتعملي ايه
لوجي طلعت و قالت: بعمل اللي لازم يتعمل
دخلت اوضتها و ارسلان قال: عاجبكم كده احنا ماصدقنا انها ترجع
اماليا: اعملها ايه ماهو كل اللي في سنها اتجوزو و خلفوا كمان انا بدور على مصلحتها
يزن: طب اتفضلي و حلي الموضوع
اسر: مدام لوجي حطت حاجة في دماغها انسى الحلول دي خاالص
اركان: طب هنعمل ايه
تميم: انا هتصرف
امير: هتعمل ايه
تميم: انا عندي صحابي كتير في المطار ممكن يأخروها على معاد الطيارة
اسر: و ده ازاي
تميم: هيقولولها عايزين اوراق تانية او جواز السفر انتهت صلاحيته اي حاجة
نرمين: طب اعمل كده بسرعة قبل ما تروح
عدى الوقت و نزلت و هي بتتكلم في التيلفون: احجزلي طيارة لايطاليا مش وقته هبقى احكيلك بعدين ماشي يالا سلام
قفلت المكالمة و بصتلهم و قالت: مع السلامة
و خرجت و وراها الخدم شايلين شنطها
زين: انت متاكد من اللي بتعملوا ده
تميم بمكر: جدا جدا هتشوف
عدى ساعة اتنين تلاتة و لسه لوجي مرجعتش
فراس: عليا النعمة صحابك دول ادولك الصابونة ولا منعوها ولا حاجة
تميم: في حاجة غلط دول متصلين بيا و مؤكدين انها مسافرتش
اماليا: انا اللي غلطانة مكنش لازم اغصبها على العريس
ادهم: ده مش وقته دلوقتي المهم نعرف لوجي راحت فين
الياس: في صوت عربية برا
ايتن: اكيد لوجي رجعت
طلع الكل برا و قابله السواق و هو نازل من العربية
اركان: فين لوجي يا عم حميد
عم حميد: وصلتها للمطار زي ما قالتلي يا بيه
رعد: كل الوقت دي الساعة 2 بالليل مطار ايه ده
عم حميد: مطار الاسكندرية
امير بغضب: اه يا لوجي يا بنت ....... 
اديب: طيارتها الساعة كام يا عم حميد
عم حميد: تقريبا خمسة الصبح
يزن: و هي قاعدة فين دلوقتي
عم حميد: سيبتها قاعدة في المطار
تميم: يالا اركبوا هنلحقها قبل ما تسافر
زين: يالا بسرعة
بعد ساعات طويلة كانت واقفة في طابور التفتيش و هي بتتكلم مع نفسها و بتقول: قال ايه فاكريني سهلة و يضحك عليا ده انا ذكية و نبيهة اسم الله عليا خمسة و خميسة ده انا المفروض يكرموني و يعملولي تمثال
قال تميم من وراها: مش محتاجة نديك جائزة نوبل بالمرة
قالت في نفسها: اكيد دي تهيؤات عشان انا منمتش من امبارح
تميم: لفي يا اللي عاملة فيها Super woman
لفت و لقت الشباب كلهم محاوطينها
لوجي ببسمة غبية: الله يحفظكم منعتوا عني الاكسجين يا مشاء الله كل واحد فيكم قد الباب
امير مسكها و قال: بقى بتهربي يا جزمة
لوجي: اهرب ايه بس يا باشا ده انا خارجة من بابكم و قدام عينيكم
الياس: و جاية المطار ده بالذات ليه و سايبة مطار القاهرة
لوجي: لا يا شيخ انتوا فاكرين اني معرفش اللعبة بتاعتكم ده انا لوجي و القدر على الله
رعد: طب يالا يا لوجي و القدر على الله قدامنا
لوجي: قدامكم فين معلش
ادهم: على العربية عشان نروح
لوجي: شكلك متعرفش تركب جملة صح اسمها عشان تروحوا مش نروح
ادهم: لا انا عارف انا بقول ايه
لوجي: بقولكم ايه انا هسافر يعني هسافر و متقدروش تمنعوني
بعد خمس دقايق كانت راكبة معاهم العربية
لوجي: مش عيب انسة زي تركب مع شباب لوحدها
يزن: لا يا شيخة احنا اخواتك ولا ناس شبهم
اديب و هو بيسوق: منك لله يا لوجي هروح للشغل من غير ما انام
لوجي: ما انتوا يا اخويا اللي جيتوا كلكم على اساس انكم هتمسكوا قاتل متسلسل
فراس: و الله ده انتي اخطر منه
لوجي: بتقول حاجة يا فراس
فراس: بقول سلامتك يا غالية احنا منعرفش من غيرك كنا هنعيش ازاي
لوجي: عارفة و الله هي هتبقى صعبة شوية في البداية بس هتتأقلموا
وصلوا البيت و اول ما لوجي نزلت بالعربية اماليا حدفتها بالشبشب
لوجي: الاستقبال عندكم عال العااال
اماليا: انا لا هتعصب ولا هتدايق ولا هزعق
لوجي قاطعتها و قالت: انت تحدفي بالشباشب بس
وتين: بقي كده يا لوجي عايزة تروحي و تسيبينا
لوجي: خلاص انا قررت اني هبقى هادية و مؤدبة و مش هعمل مشاكل مع حد تاني
تميم: شطورة و اغسيلي سنانك و اشربي اللبن قبل النوم
لوجي: بتتريقي عليا حضرتك
تميم: انا؟؟؟ حاشا
لوجي: على فكرة انا بتكلم بجد و انا موافقة اني اتجوز
ايسل بفرحة: بجد
لوجي: اه بجد بس العريس انا اللي هختاروا و انا اللي هحيبوا انا عايزة اعيش قصة حب مش جواز كده و السلام
اماليا: ماشي يا ست لوجي اما نشوف حكاية قصة الحب دي