دخلت مكتبه كالعادة من غير استئذان و لقت اكتر وحدة بتكرها على وش الارض
جمانة: هاي يا ايلاف
ايلاف: و عليكم الهاي يا اختي
جمانة: مش هتباركيلي
ايلاف: ايه هتموتي ولا ايه
جمانة: لأ انا هشتغل معاكم هنا
ايلاف: معانا فين هنا؟؟؟
جمانة: ايوة هنا هشتغل دكتورة
حاولت تتحكم في غضبها و قالت بابتسامة مزيفة: ااه الف مبروك عن اذنكم
قبل ما تخرج وقفها اديب و قال: استني يا ايلاف انا عايزك انسة جمانة تقدري تتفضلي لشغلك
جمانة: ماشي و ميرسي جدا جدا يا اديب
خرجت و كانت ايلاف بتغلي من الغيظ وقف قدامها و قال: مالك شايطة كده ليه
ايلاف: و اشيط ليه
اديب: يمكن عشان غيرانة عليا
اتوترت اكتر و قالت: انا؟؟؟ محصلش
اديب: لأ حصل و عينيكي فاضحاكي على فكرة
ايلاف: ابعد عني شوية مش كده
قرب منها اكتر و قال: مقدرش ابعد عن قلبي
ايلاف: عيب يا اديب ميصحش
باسها برقة و قال: في حد قالي اعمل كده بس مكنتش عارف و اهو الوقت المناسب جا
و في اللحظة دي دخلت لوجي و شافتهم و قالت: الله يا عبد الله انتوا بتعملوا ايه
بعد اديب عن ايلاف اللي وشها بقى احمر جدا من كتر الكسوف و قال: مفيش كنت بدوق العسل بس انتي كنتي عايزة ايه
لوجي: عسل اه قولتلي مفيش انا كنت عايزة النحلة
اديب ضحك و قال: اهي عندك بس شكل القطة اكلت لسانها
لوجي حبت تكسفها اكتر و قالت: مكانتش بوسة اللي تعمل فيكي كده
ايلاف من كتر الكسوف خرجت جري و هما فضلوا يضحكوا عليها و لوجي قالت: طب اسيبك انا يا استاذ دبور
ضحك اكتر و قال: اذنك معاكي
خرجت من عنده و راحت تدور على تميم عشان من الصبح مشافتوش بصت كده على يمينها لقيتوا بيتكلم مع الممرضة نهى عدت من قدامهم ولا كإنها شافتهم بس هو وقفها و قال: لوجي تعالي
لوجي: ايه ده تميم مخدتش بالي
تميم: و من امتى متاخديش بالك و انتي معدية عليا
لوجي: من لما بقيت بتتكلم مع الستات من ورايا
تميم: ستات ايه ده انا كنت بعرفها حاجات في الخياطة
لوجي: ليه هو انت بتشتغل ترزي و انا معرفش
تميم: اقصد خياطة الجرح
لوجي: طب اسيبك انا تشرح براحتك
قرب منهم الدكتور هادي و قال: ازيك يا دكتورة لوجي
مع انها مكنتش طايقاه بس حبت تغيظ تميم و قالت: بخير الحمد لله يا دكتور هادي
هادي: دورت عليكي كتير امبارح بس ملقيتكيش سألت عليكي قالولي انك مجيتيش
تميم: اصلنا كنا بنختار القاعة عشان فرحنا
لوجي بهمس: يا كداب هتخش النار بكدبك ده
تميم: ملكيش دعوة
هادي: ايه ده هو انتوا بجد هتتجوزوا
تميم: اه بجد و مالك زعلان كده ليه
هادي: لا مش زعلان على العموم مبروك عن اذنكم
مشي و هي قالت: انت قولتلوا كده ليه
تميم بغضب: علي الحرام من ديني لو شوفتك بتتكلمي معاه تاني لاكون فاتح دماغك
لوجي: جرب كده و اعملها و الله لافتحلك دماغك من الودن للودن ابقى اشرحلها بذمة عشان تخيطلك الجرح كويس يا حبيبي
خلصت كلامها و مشيت و سابتوا شايط في مكانوا
كانوا قاعدين في قاعة الاجتماعات مع الوفد الايطالي و بيتناقشوا على الصفقة الجديدة
قال واحد من الوفد: سمعت انك تزوجت يا استاذ رعد
(طبعا الحوار كان بالايطالي و انا بترجملكم)
رعد: لا انا خطبت فقط مازلت لم اتزوج
قالت وحدة منهم: التي ستتزوجك حظها جميل جدا
زياد: الحقي دي بتعاكسه
زاد: بنت قليلة الادب
الايطالي قال: سكرتيرتك جميلة جدا
رعد مسك زاد بقوة و قال بغضب: هذه خطيبتي و انت تعلم انك في مصر و هذه المغازلة ممنوعة هنا
راجل تاني قال: لا يقصد انت تعلم انه زير نساء
زياد: لنكمل هذه الصفقة ولا نطل في الكلام
خلصوا الصفقة و تمت بنجاح و خرج الوفد الايطالي
رعد: زاد انتي من النهاردة مش هتحضري معايا الاجتماعات تاني
زاد: ليه بس انا عملتلك ايه
رعد: انا قولت كلامي و ياريت من غير مناقشة
خرج هو كمان و هي زعلت جدا من طريقة كلامه معاها
زياد: متزعليش يا زاد هو غيران عليكي مش اكتر
زاد: انا متفهمة انه غيران عليا بس ميكلمتيش بالطريقة دي
زياد: معلش انتي عارفة رعد و طبعه لما يهدي هييجي لحد عندك و يعتذرلك
زاد بزعل: ماشي
امير: انا جيبتلك اكل اهو
سحر بتعب: لا يا امير انا مش قادرة اكل
امير: لا هتاكلي عشان تخفي بسرعة
سحر بقرف: اففف انت اكلت ايه ايه الريحة الوحشة دي
امير: و الله ما اكلت حاجة ده حتى لابس بدلة جديدة و استحميت قبل ما اجي
سحر: ابعد عني انا مش طايقة ريحتك دي
امير: و مين هيأكلك لما اقعد بعيد عنك
سحر: هاكل لوحدي ابعد انت بس
امير: تاكلي بايه ايدك مكسورة و التانية متخيطة اعصري على نفسك لمونة و استحمليني شوية لحد ما اكلك
بدأ يأكلها و هي قربت منه و قالت: الله دي ريحتك حلوة اوي
امير: انتي عايزة تجننيني مش كده مش قبل شوية كنتي مش طايقة ريحتي
سحر: معرفش مرة وحدك ريحتك بقيت حلوة اعملها ايه
امير: انا عارف الحمل ده هيطلع عليا و على اللي خلفوني
سحر: هو انا امتى هطلع من هنا
امير: اخر الاسبوع ده هتطلعي ان شاء الله مع ان اديب كان رافض تماما بس انا اقنعته
ضحكت و قالت: على كده انا معايا واسطة جامدة جدا
امير: اومال ده انا العقرب انا عايزك تشدي حيلك كده و تقومي بالسلامة عشان الامتحانات قربت
سحر بزعل: انا شكلي هسقط السنة دي
امير: انا معنديش بنات تسقط اول ما تخرجي من هنا هجيبلك اساتذة لحد عندك و يدرسوكي انا عارف مضغوطة من كل الاتجاهات تعب و حمل و امتحانات بس صدقيني فترة صعبة و هتعدي
سحر: الحمد لله على كل حال
امير: جيبتلك تيلفونك اهو يا ستي عشان متبقيش زهقانة
سحر: هو انت امبارح الفجر روحت فين
امير: روحت البيت غيرت هدومي و جيبتلك هدوم
سحر: و طبعا قعدت مع ام اربعة و اربعين مراتك
امير: لا يا ستي مقعدتش معاها ولا حاجة دي هدومي كلها في اوضتنا انا و انتي
سحر: اذا كان كده ماشي
امير بمشاكسة: بتغيري عليا يا سحورة
سحر: اه بغير عليك انت متعرفش انا حسيت بإيه لما قعدت معاها في اوضة وحدة و سيبتني
امير: كان لازم اعمل كده
سحر: طب مقولتليش من الاول ليه
امير: لو كنت قولتلك كان هيبقى رد فعلك تمثيل انا كنت عايز يبقى حقيقي و خارج من قلبك
سحر: طب لو انت كنت مكاني و عملت فيك زي ما عملت فيا كان هيبقى رد فعلك ايه
امير بنبرة حادة: هقتلك انتي و هو و ادفنكم مكانكم
كان بيتكلم بجد و هي خافت منه جدا لدرجة انها بعدت عنه و هو حس بخوفها و قال: بس ده مش هيحصل انا واثق فيكي
سحر: طب كفاية اكل انا شبعت
امير: انا هرجع البيت عندي شوية شغل اخلصه و ارجع ليكي على طول
سحر: انا عايزة منك حاجة ممكن تجيبلي شكولاطة و انت جاي
امير: بس كده احلى شكولاطة لاحلى سحر في الدنيا
بعد ساعات خلص شغله و رجع البيت فتح الباب بس كانت الدنيا ظلمة اما هي ملهاش اي صوت
قال في نفسه: راحت فين دي
شاف تيلفزيون الصالون شغل فدخل بس برضوا ملقهاش خرجت من ورا الكنبة و قالت: بخخخخ
بصلها بدون اي تأثر و قال: ايه الهبل ده
سوار: هو انت متخضيتش
الياس: ولا شوية حتى
كشرت و هو قال: طب ارجعي استخبي ورا الكنبة و انا هعمل نفسي بتخض حلو كده
فرحت و قالت: اه حلو
و بالفعل رجعت استخبت و هو رجع دخل للصالون مرة تانية و عمل نفسه اتخض
الياس: مبسوطة كده يا ستي
سوار: جدا بس انا زعلانة منك
الياس: كل ده عشان جيبت مهندسين جدد
سوار: مهندساااات بجمع المؤنث السالم
الياس: ايه ده هو انتي مدرسة عربي
سوار: الياااس متحاولش تهرب
الياس: اهرب من ايه بس انا شوفتك تعبانة و الشغل عليكي كتير فقولت اساعدك
سوار: متساعدنيش بعد كده انا يا سيدي بحب اتعب
الياس: بس انا مبحبش اشوفك تعبانة
سوار: انا مابتسبتش على فكرة
ضحك و قال: ماهو واضح
سوار: ده انا عملالك حتة دين عشا يتاهل حنكك
الياس بصدمة: حنكك؟؟؟
سوار: قصدي بقوك متركزش عشان متهييسش و تعالا دوق
الياس: ماشي امري لله
راح معاها للمطبخ و قال: شوفتي نسيتيني كنت هقولك ايه
سوار: انت اتجوزت عليا ولا ايه يااالهوي
الياس: هو انا لسه اتجوزتك عشان اتجوز عليكي
سوار: اومال ايه
الياس: جهزي هدومك هنرجع القاهرة انا اخدت اجازة اسبوع
سوار بفرحة: احلف كده
ضحك و قال: و الله
سوار: انا هروح اجهز حاجاتي بسرعة
الياس: طب و الاكل
سوار: اهو عندك بالهنا و الشفا
دخلت اوضتها بسرعة و هو قال: اقسم بالله هبلة
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
