دخلوا الفندق اللي كان تحفة بمعنى الكلمة و كل واحد خد اوضة
بعد مرور اكتر من ثلاث اسابيع رجعوا البيت و مارسوا حياتهم بشكل طبيعي
جه يوم نتيجة سحر و جوليا اللي كانت متوترة و خايفة جدا عكس سحر اللي كان ولا على بالها خاالص
زين: اهدي يا جوليا وترتيني معاكي
جوليا: خايفة يا زين مش قادرة
زين: مش انتي حليتي كويس
جوليا: ايوة
زين: يبقى ايه لزمتوا الخوف ده
ايتن: الا صحيح هي فين سحر
ضحكت اماليا و قالت: سحر؟؟ دي نايمة و بتاكل رز مع الملايكة
امير: هي لسه نايمة لحد دلوقتي؟؟ ده حتى امبارح نامت بدري
لوجي: عادي يا امير هي حامل في شهورها الاولى و اكيد هتنام كتير
امير: دادة من فضلك اطلعي صحيها
الدادة: حاضر يا ابني
و بعد شوية دخلت عليهم و هي لسه لابسة بيجامة و مغمضة عينيها بنوم و قالت: مين الرزل اللي صحاني
فراس: ايه المنظر ده هو انتي كنتي نايمة ولا بتحاربي
ميريام: ماتخديش على كلامه انتي قمر
سوزان: انتي بتكدبي عليها ليه يا ميريام دي عاملة شبه امنا الغولة اللي بيخوفوا بيها العيال الصغيرين
سحر: و انتي اللي حلوة يا ست الحسن و الجمال يا النجمة القطبية
سوزان: على الاقل مش زيك
قعدت على الكنبة و هي بتقول: الكلب لو بص على ذيله مكنش اتريق على غيره
غزل: اوووبا هاشتاج قصف جبهات
سوزان: بس هفضل احلى و اجمل منك
سحر: ده وشك عامل زي وش التنين بكيلو مكياج اللي انتي حطاه على وشك ده انا بعدما اشوفك افضل ساعتين اتعوذ من الشيطان
سوزان: انتي بتقولي كده عشان غيرانة مني انا عارفة غيرة البنات
سحر: بنات؟؟؟ هو انتي مصنفة نفسك معانا في خانة البنات ده انتي مع الفراعنة
سوزان سكتت و سحر شوحت بايدها و قالت: ها كنتوا عايزين من امي ايه انا عايزة انننام
امير: هو انتي ناسية اليوم ايه؟؟؟
سحر: يوم الثلاثاء
امير: عارف انه يوم الثلاثاء قصدي النهاردة هيحصل ايه
سحر: و انا ايش عرفني ولا هيهمني في ايه؟؟
امير: هيهمك في ايه؟؟ النهاردة نتيجتك يا سحر هانم
سحر: و فيها ايه
سكتت و قالت باستعاب: انت قولت ايه
امير قال و هو بيشدد على الكلمة: نتيجتك
كارمن: متخافيش يا حبيبتي ان شاء الله هتجيبي مجموع كويس
سحر: كويس؟؟؟ ادعيلي اني انجح من الاساس
ايلاف: نعم يا اختي هو انتي مش كنتي مذاكرة
سحر: ما الاسئلة كانت صعبة اعملها ايه يعني
امير: و حياتك عندي يا سحر لو جيبتي اقل من تسعين لاعلقك
سحر: تسعين!!!! قول قول ماهو الكلام ببلاش
رعد: اهو النتائج ظهرت
جوليا بدموع: ها انا جيبت كام
رعد: 96 في المية
زين حضن جوليا و لف بيها و قال: مبروك يا قلبي
جوليا حضنته اكتر و قالت: الله يبارك فيك يا حبيبي
مالك: طب و سحر
سحر: مفيش داعي يقولك راسبة بإذن واحد احد
امير: ابقي قولي على نفسك يا رحمان يا رحيم
استخبت سحر ورا ارسلان و قالت: مش هتقدر تعمل معايا حاجة عمو معايا مش كده
ارسلان حضنها و قال: هو يستجري يلمسك ده انا اقتله فيها
بصتله بنصر و طلعتلوا لسانها
رعد: سحر جايبة 92 في المية
سحر: عيييب عيييب لما تبقى مدير و عندك شركة ليها اسمها في السوق و مش عارف تقرأ الارقام اكيد 29
رعد: انا بتكلم بجد 92 %
سحر: ازاي دي معجزة هي عجايز الزمن هتبقى ثمانية ولا ايه
الياس: اسمها عجايب الزمن يا هبلة
سحر: بص يا رعد احنا نتكلم جد قولي نتيجتي كام من غير هزار
مسك امير من رعد التيلفون و قال: رعد بيتكلم بجد
العيلة كلها باركت لسحر اللي كانت مش مصدقة ان ده مجموعها
سوزان بقرف: مبروك يا سحر
سحر: شكرا يا ضرتي
عدت الايام و الشهور و في يوم كانت قاعدة بتستناه عشان عندها موعد مع الدكتور بعدما بقت حامل في الشهر السادس في بنوتة
رنت عليه و قالت: انت فين يا امير
امير: انا في الشغل يا حبيبتي ليه في حاجة؟؟
سحر: انت ناسي ان النهاردة هروح للدكتورة
امير: معلش يا حبيبتي نسيت ساعة وحدة و اكون عندك
سحر: ماشي يا حبيبي
قبل ما تقفل سمعت اللي بيقول: مش هتقولي انت ليه اتجوزت سحر
امير متنبهش للمكالمة اللي لسه شغالة و قال: اسمع يا معتصم انا كل اللي كان هاممني اني انتقم لصابر قبل ما انت تخلص مهمتك في الصعيد بعتناه كجاسوس وسط الحراس عشان ينقلنا اخباره بس زي ما انت عارف لقيناه ميت على الطريق الصحراوي بعد سنة من الحادث ده رتبت اموري و خلصت كل المهمات اللي ورايا عشان بس اتفرغ للمهمة دي و ارجع حق صابر
معتصم: و سحر فين في كل الحكاية دي
امير: اللي انت متعرفوش اني لما وصلت للمكان اللي كان مرمي فيه صابر كان لسه حي و قال كلمة وحدة بس "سحر" مكنتش في الاول قصده بس لما دورت عرفت انها بنت مرات سعد كنت بدور وراها و عرفت عنها كل صغيرة و كبيرة احنا لما دخلنا الفيلا و انا اخدتها معايا كنت مخطط لده
معتصم: و انت كنت عايز منها ايه و اخدتها ليه من اصله
امير: كنت فاكر انها هي ورا اللي بيحصله و كنت عارف انها مش راضية على اللي بيعملوا جوز امها افكار كتير كانت في دماغي كنت شاكك فيها و بدور على اي خيط امسكه عليها لحد ما زاهر خطفها و عمل فيها اللي عمله ساعتها بس اتأكدت انها مش معاه
معتصم: مراتك بنت ناس و مستحيل تعمل كده
امير: عارف بس كل اللي كان شغلني اني انتقم لصابر انا عملت كل ده عشانه ده انا اتجوزت بنت زاهر عشانه
معتصم بصدمة: هي سوزان بنت زاهر؟؟؟
امير: ايوة بنته هو كان باعتها عشان يوقعني بس انا كنت عارف و استعملتها ضده انا قربت احدد مكانه و مش هرتاح غير لما حبل المشنقة يتلف حولين رقبته هو و اللي معاها
معتصم: انت مش ناوي تصارح سحر
امير: مش عارف خايف تزعل مني او تفتكر اني كنت معاها بس عشان اوصل لمصلحتي
معتصم: مهما كان بس لازم تعرف
امير: اخلص بس و اعرفها كل حاجة
معتصم: ماشي ربنا يسعدك يا صاحبي
كل الحوار ده كانت سحر سامعاه قفلت التيلفون و دموعها بتنزل على خدها بصمت
بعد نص ساعة من العياط استجمعت قوتها و غيرت هدومها و ركبت عربيتها من غير ما حد يشوفها
وصل امير البيت و كانوا كلهم متجمعين ما عدا سحر طبعا
امير: في فين سحر
روفان: في اوضتها تقريبا نايمة عشان ملهاش اي حس
شاور امير لوحدة من الخدم عشان تناديلها بس نزلت و هي بتقول: الهانم مش موجودة في اوضتها
امير: اومال هتكون راحت فين
اماليا: ممكن تكون راحت للدكتورة لوحدها
رن امير عليها اكتر من مرة و في كل مرة التلفون يكون مغلق
زاد بقلق: يعني هتكون راحت لفين
طلع امير لاوضته هو و سحر و كام في ورقة على السرير مكتوب فيها " مكنش لازم كل اللي عملته ده انا عرفت الحقيقة حقيقة جوازك مني و شكك ليا انا عملت كل حاجة عشان ارضيك بس انت متستاهلش انت كنت كل عيلتي كنت بثق فيك لدرجة مش ممكن تتخيلها انا استحملت كل حاجة عشانك حتى بعد ما اتجوزت عليا وقفت معاك لاخر لحظة و انت كنت تجرح فيا و انا كنت بحطلك مية عذر و عذر بس عشان افضل احبك مع انك كل مرة بتجرحني اكتر من المرة اللي قبلها و انا كنت زي الهبلة اصدق كلامك اللي كان كله اوهام مدام انت مش بتحبني و شاكك فيا خليتني احبك ليه بس انا هريحك مني انا خدت قراري و مش هرجع و لو حصل ايه سواء تطلقني او لأ المهم اني ابعد عنك و اهو انت ترتاح و انا كمان متحاولش تدور عني عشان مش هتلاقيني كنت بتمنى لو عرفنا بعض في ظروف احسن من كده بس القدر كان اكبر مني و منك و مع كل اللي حصل انا بتمنالك حياة سعيدة"
خلص قراءة الرسالة و معالم الصدمة باينة على وشه و عرف انه كان لازم يعرفها على كل حاجة
اسبوع كامل كان امير بدور على سحر و سخر طوب الارض عشان بس يلاقيها بس من غير اي فايدة كإنها فص ملح و داب خصوصا انها قفلت تيلفونها خالص و حتى عربيتها عجزوا انهم يتبعوا خط سيرها مع انهم عارفين و متأكدين ان سحر لسه في القاهرة
كانت قاعدة في بيت جميل جدا في مكان اجمل و هي بترتب في هدوها الجديدة و هي بتفتكر كل لحظاتها الجميلة معاه بس كرامتها و كبريائها مسمحولهاش بالرغم من انها لسه بتحبه بس البعد كان احسن حل للطرفين
VOUS LISEZ
خيوط القدر (لقاء شخصياتي)
Açãoفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
