و فضلوا يرقصوا كتير اوي لحد ما جا المأذون يزن مسك المايك و قال: يا ريت فرقة حسب الله اللي في الناحية تييجي عشان نكتب الكتاب
ضحكت البنات على كلاموا و جريوا لمكانهم
بعد شوية قال المأذون جملتوا الشهيرة: بارك الله لكما و بارك عليكما و جمع بينكما في خير
الستات زغرتت و الكل بارك لهم
فراس: مبروك عليكي انا
ميريام: ايه الغرور اللي انت فيه ده اديني ربعه بس و احتل العالم
فراس: شكلك حلو اوي النهاردة
ميريام بكسوف: شكرا و انت كمان شكلك حلو
فراس بغرور: عارف
ميريام: تصدق انك بارد و مستفز
ضحك و قال: ما تفكي بقى ده انا بهزر معاك
ادهم: مبروك يا حرمي المصون
غزل: الله يبارك فيك يا زوجي العزيز
ادهم: في عروسة مكشرة في يوم كتب كتابها
غزل: مش انا عملت يبقى في و متقوليش عروسة تاني
ادهم بعند: ايه يا عروسة مالك اضحكي ده حتى الناس بتبص علينا
بحركة سريعة منها عضته عضة جامدة جدا و هو قال بوجع: يا بنت العضاضة اصبري لما نبقى لوحدنا بس و انا هسفلت وشك
غزل: مش هتقدر و الله اصوت و الم عليك البيت كله
ادهم بخبث: ماهو مفيش انتي ناسية ان عندنا مهمة يا روحي و هنقعد في بيت واحد انا و انتي
غزل بخوف: ادهم انت مش هتعمل فيا حاجة مش كده
ادهم: معتقدش
غزل: طب و الله اعيط
ادهم: و الله لو نزلتي دم بدل الدموع ماهسيبك
ليث: يالا يا ولاد غيروا هدومكم عشان تسافرو
ميريام: عمو ليث انا عايزة قسيمة الجواز تقعد معايا
فراس: لأ هتقعد معايا انا
ميريام: ليه ان شاء الله على راسك ريشة
ليث: لا انت ولا هي قسيمة الجواز الاصلية هتفضل عندي و انا هديلكم وحدة تانية
ميريام: وحدة تانية ده ايه هي لعبة
فراس: اصل البعيدة غبية هو مش قال انهم هيدوروا ورانا
ميريام: ايوة
فراس: و انتي هتكوني عايزة تطلقي مني
ميريام: ايوة
فراس: و هو في وحدة تطلق من جوزها تاني يوم
ميريام: انا مش فاهمة حاجة
فراس: اصوت ولا اعمل ايه احنا هنغير تاريخ كتب الكتاب عشان ميشكوش
ميريام بتفكير: اااه عشان كده لا استنى انا مفهمتش
فراس: يا رب لا اسئلك رد القضاء بل اللطف فيه
تيم: غزل و ادهم هيسافروا على مطروح اما فراس و ميريام هيروحوا المنيا و انت يا امير كلم معتصم عشان ييجي و يجيب معاه سرين
امير: انا كلمتوا و هو جاي في الطريق
سوار: الياس انا جهزت نفسي مش هنروح
الياس: اركبي العربية و انا هجيب الشنط و هاجي
اديب مسك سوار و قال: خلي بالك عليها يا الياس انا لولا اني واثق فيك مكنتش خليتها تسافر معاك
الياس: دي هيا اللي تخلي بالها مني
تميم مسكها و قال: عارفة لو رنيت عليك مرة و لقيت تيلفونك مقفول هعمل فيكي ايه
سوار: حاضر يا ابيه مش هخليه مقفول خالص
لوجي: ابيه هههههههه
تميم: بتضحكي على ايه يا بت
لوجي: هو انتوا كمان حرمتوا الضحك
ادهم: احنا كمان رايحين
رعد مسك اخواته و حضنهم و قال: خلوا بالكم على نفسكم يا حبايبي و اي حاجة تحتاجوها اتصلوا عليا
فراس: على اساس انهم متجوزين سوسن مثلا
رعد: الاحتياط واجب برضو
ادهم بنظرة خبث: احتياط ايه دي مراتي اكيد مش هتحتاج حاجة في وجودي ولا ايه
غزل: و النبي يا جماعة لو مرة متصلتش عليكم تعالوا اتطمنوا عليا و هاتوا البوليس و الاسعاف و المطافي كمان
امير: طب البوليس و الاسعاف احنا عارفين هنجيبهم ليه و المطافي لازمتها ايه
غزل: مش المطافي و بس اي حاجة في خدمة الشعب هاتوها
الكل ضحك على كلامها و حضروا شنطهم و سافروا
قعدت الاف بتعب و قالت: ياااه اليوم كان متعب بشكل
لوجي: اه و الله الا صحيح يا روفان هي صحبتك دي مش هترجعلي روكي ده وحشني اوي
روفان بتوتر: ماشي هكلمها عشان ترجعوا
جوليا: مين روكي ده يا لوجي
لوجي: ده القط بتاعي بكرا ان شاء الله هروح لبيتنا عشان اجيبله حاجاته
زين بزعل عليها: مش هينفع يا لوجي
لوجي باستغراب: ليه هو حد هنا عنده حساسية ولا حاجة
قعد و قال: روكي مش عند صاحبة روفان ولا حاجة روكي مات
لوجي بعدم استيعاب: مات ازاي انا ساباه 3 شهور بس
امير: معلش يا حبيبتي ده قدر ربنا
لوجي بدموع: انتوا بتكدبوا عليا مش كده قولولي ان ده مقلب
يزن: اهدي يا لوجي هنجيبلك واحد تاني
لوجي: مش عايزة حاجة انا سيبته عندكم امانة حرام عليكم ده انا روحي كانت فيه
طلعت بسرعة و هي بتعيط
تميم: هي عاملة كل ده عشان قط
زاد: ده كان معاها من لما كان عندها 19 سنة
اماليا: هي اللي مربياه و كانت بتهتم بيه زي ابنها
رعد: و ده مات ازاي
يزن: صحيت الصبح فطرتوا و لعبت معاه شوية طلعت لبست هدومي لقيته واقع و هو قاطع النفس
ايسل: المهم محدش يكلمها او يدخل اوضتها حتى لوجي لما تكون زعلانة متعرفش هي بتقول ايه
ايتن: بس دي حتى متعشتش
زاد: سيبوها على راحتها
يزن: ايتن تعالي عايزك في كلمتين
مستناش انها ترد و مسك ايدها و خرجو للجنينة من تاني
يزن: انتي ازاي يا هانم تخرجي من الشركة من غير ما تقوليلي
ايتن: و اقولك ليه كنت الواصي عليا
يزن: ايتن اتكلمي معايا باسلوب احسن من كده
ايتن: لما تبقى دبلتك منورة في ايدي ساعتها ابقى اتحكم فيا و قولي اعملي و متعمليش غير كده انت ملكش حق تتدخل فيا عن اذنك
سابته و مشيت و هو فضل فاتح بقوه بصدمة من طريقة كلامها و تغيرها معاه: ماشي يا ايتن بقى بتصيعي عليا انا ان ما وريتك
و بالليل قلقت في نومها و نزلت تشرب مية عدت من قدام المكتب و شافت اتنين مسلحين كانت هتصرخ بس واحد منهم شافها و خبطها على دماغها بالمسدس و شالها و هربوا من المكان
و في العربية دخل و هو بيقول: اتحركي بسرعة يا سيرين
معتصم: احيه يا امير انت قتلت البنت
امير: هتموت من خبطة اسكت يا معتصم انا مش ناقص
معتصم باعجاب: بس شكلها حلو اوي يا ابني دي صاروخ
امير بغضب: اقسم بالله لو ماسكت لاسيبك هنا و اروح
بص على المكان اللي هما فيه كان شبه مهجور و قال بخوف: و على ايه الطيب احسن
امير: كلم الرجالة و خليهم ييجو على بيتي
معتصم: بيتك بيتك يعني
امير: لا بيت خالتي
معتصم: قصدي اللي اشتريته لوحدك
امير: ايوة و يالا خلصني
في بيت جميل جدا في اوضة اجمل حطها على السرير و هو بيقول: و دي طلعتلي من ايه و هعمل معاها ايه هو انا ناقص
بدات تفوق و قالت بصوت مقطع: ااااه ي ا د م ا غ ي (ااااه يا دماغي)
امير: اخيرا فوقتي
قالت و هي خايفة: انت مين و انا بعمل ايه هنا و جيت ازاي
امير: انتي في بيتي و انا جبتك هنا ع .........
قاطعتوا و قالت: بيتك؟؟؟ و انا بيتك بعمل ايه
امير: لو سيبتيني اتكلم هتعرفي انتي هنا بتعملي ايه
قالت بترجي: و النبي سيبني انا معملتش حاجة و الله
امير: انتي سحر مش كده
سحر: ايوة انا
امير: انا عارف انك ملكيش اي دعوة بشغل جوز امك انا جيبتك هنا عشان تكوني بأمان
سحر: بس انا عايزة ارجع بيتي
امير: بقولك ايه انا مش ناقص وجع دماغ انتي هتقعدي هنا و مسمعش حسك خالص
سحر: نعم يا اخويا عايز تحبسني و تزعق فيا كمان بص يالا انا محدش يمشيني بمزاجوا
امير: ده كان زمان دلوقتي انتي في بيتي و تمشي تحت كلمتي
سحر: انا بمشي بمزاجي انا اه قطة بس افتكر انها عندها ظوافر و بتخربش اللي جنبها
امير: طيب يا قطة اسمعي انتي هتقعدي هنا تحت قواعدي انا و على الله اشوفك خرجتي من اوضتك
سابها و خرج و في اللحظة دي اتصل عليه تيم و قال: ايه اللي عملتوا ده يا امير ملتزمتش بالخطة ليه
امير: اعمل ايه هي اللي ظهرتلي فجأة و مقدرتش اسيبها و امشي
تيم: خليها عندك لحد ما نشوف هنعمل معاها ايه
امير: ماشي يالا سلام
قفل معاه و بص على الحراس و قال مش عايز طيفها يخرج من البيت و لو ده حصل مش هيكفيني موتكم
الحرس: حاضر يا باشا
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
