في صباح يوم جديد دخلوا الاتنين الحارة و هما متنكرين فراس كان متنكر في زي بياع فول و طعمية اما ادهم كان متنكر في زي ميكانيكي
فراس: بص بص هناك
ادهم بص على شماله و شاف ميريام و غزل و هما بيبيعوا الخضار
غزل: الخضار الخضار قربي يا مدام قرب يا استاذ الخضار الطازة
ميريام: اشتري حزمة جرجير و احصل على التانية مجانا
ادهم: ايه مجانا دي هي عاملة عرض ايه بالضبط
فراس: متركزش معاها دي هبلة و بعدين هما ازاي يخرجوا هو احنا مش نبهنا عليهم
ادهم: طب قولي انا اعمل ايه اروح اعلقهم
فراس: لا و حياة خالتك سيبنا نخلص المهمة دي و بعديها علقهم زي ما انت عايز
ميريام شافتهم و شاورت لهم
ادهم: الغبية بتشاورلنا
فراس مسك دماغه بقلة حيلة و قال: يا رب لا اسألك رد القضاء بل اسألك اللطف فيه
سابت البنات فرشت الخضار و طلعوا لشقتهم و بعد ما اتأكد فراس و ادهم ان مفيش اي حد يراقبهم طلعوا وراهم
كان ادهم ماسك فراس اللي بيقول: سيبني يا ادهم سيبني دي كانت هتكشفنا
ادهم: اهدى بس يا ابني
ميريام: و انا عملت ايه لكل ده
فراس: عملتي ايه بقى احنا بنقولك اننا منعرفش بعض تقومي تشاوريلنا ايه مخك راح فين
ميريام: يووه خلاص نسيت مش حوار يعني
غزل: خلاص يا جماعة اهدوا حصل خير
ادهم ساب فراس و قال: هو انتوا ازاي تطلعوا من غير ما تقولولنا هو احنا مش اتكلمنا معاكم امبارح و قولنالكم مفيش خروج كلامنا ميتسمعش ليه
غزل: و الله مش انا دي ميريام اللي قالتلي
فراس مسكها من قفاها و قال: تعاليلي يا وش المصايب
ميريام: عيب على فكرة لما تمسك وحدة بالشكل ده ده انا حتى في مقام مراتك
و هما بيتكلموا سمعوا صوت خبط على الباب قالت غزل بلطم: احييه احنا اتكشفنا ولا ايه
ادهم شد فراس و نطوا من البلكونة اما غزل فراحت تفتح و قالت: هو انتي يا ام سامي وقعتي قلوبنا
ام سامي: ليه هو انتوا في حد معاكم؟؟
ميريام: حد مين يا خالتشي انتي عارفة ان احنا ملناش حد
ام سامي: طب انا كنت جايالكم عشان اقولكم ان عمار ابن اختشي عايزكم بكرا
غزل بتوتر: عايزنا في ايه؟؟؟
ام سامي: عشان يتعرف عليكم ما انا قولتلكم انه معلم الحارة هنا و اي حد جديد لازم يستقبلوا
ميريام: و الله احنا مستغنيين عن الاستقبال بتاعه
ام سامي: عمار مش بيحب اي حد يعصي كلامه و بعدين هما كلمتين بس
غزل: ماشي يا خالتي هنبقى نقابلوا بكرا
ام سامي: سلام بقى عشان انا سايبة الحلة على النار
قفلت البنات و ميريام قالت: هو انا ليه مبسمعش كلام فراس قالي يا ميريام يا حبيبتي اقعدي في البيت و بلاش شغل و انا اللي صممت ده انا مني لله على اللي بعمله في نفسي
غزل: تفتكري عايزنا في ايه
ميريام: و انا ايش عرفني بس بيني و بينك انا خايفة
غزل: و مين سمعك يا اختي ده انا هموت من الخوف
بالليل كانت قاعدة في الجنينة لوحدها و حاطة السماعات قعد قدامها و هي محستش بيه حط ايدوا عليها و هي بصتله من غير ما تتكلم و كانت هتقوم بس هو وقفها و قال: لوجي استني انا عايز اتكلم معاكي
لوجي: و انا مش عايزة اتكلم معاك بعد اذنك سيب ايدي
تميم: لأ مش هسيبك غير لما تسمعيني انا اسف
لوجي: اسف على ايه على ضربك ليا ولا على شكك ولا على كلامك السم اللي انت قولتهولي
تميم: انا مكنتش في وعيي صدقيني غيرتي عمتني
لوجي: معدش يفرق الكلام خلاص
تميم: يعني ايه
لوجي: انا هفسخ خطوبتنا يا تميم انا مش عارفة لما نتجوز هتعمل فيا ايه
تميم بغضب: ما خلاص قولتلك كنت زفت غيران عليكي
كانت هتمشي و تسيبه و هو مسكها بقوة و هوب اتزحلقوا و وقعوا في البيسين
لوجي: اععع المية بارردة انا اتلجتت
تميم: عجبك كده ده انتي هتاخدي دور برد مش هتقومي من السرير
لوجي عطست و قالت: كده احنا بدأنا
تميم خرجها اما هو ففضل يعوم و هي قالت: انت يا ابني هو انت غاوي تعب
تميم: استني انا دبلتي وقعت مني
غطس و فضل كتير تحت المية و هي قالت في نفسها: راح فين ده يا لهوي ليكون غرق
نزلت المية من تاني و هو طلع و قال: ايه اللي نزلك تاني
لوجي: انت روحت فين فكرتك غرقت
قرب منها و قال: خايفة عليا مش كده
لوجي بتوتر: ها لأ و انا هخاف عليك ليه
باس راسها و قال: انا اسف حقك عليا
عيطت و قالت: انت جرحتني اوي يا تميم
تميم: و الله مكنش قصدي
سكتت و هو قال: سامحيني و النبي انا مش هقدر اشوفك زعلانة مني
لوجي: ماشي بس دي اخر مرة
تميم: و حياتك عندي اخر مرة يالا نطلع عشان انتي كده هتمرضي
عطست مرة تانية و قالت: هو انا لسه همرض ما خلاص
شالها و طلعها لاوضتها و استناها لحد ما غيرت هدومها و قال: ها انتي كويسة
لوجي: تقريبا
بص على الشنط اللي مرمية في كل حتة و قال: ايه كل الشنط دي
لوجي بتوتر: انا كنت ناوية ارجع لايطاليا
تميم: و تسيبيني لوحدي
لوجي: و اعمل ايه ما انت اللي ..........
حط ايده على بقوها و قال: خلاص مش عايز افتكر
سند راسه على راسها و قال: انا مش هقدر اعيش من غيرك اوعي تفكري تسيبيني تاني
لوجي بصتله بحب و قالت: اوعدك
باس راسها و قال: و انا اوعدك ان مهما حصل مش همد ايدي عليكي تاني
لوجي: تميم يالا روح غير هدومك انت كمان هتتعب كده
تميم: ماشي هروح لو حسيتي نفسك تعبانة نادي عليا
لوجي: ماشي تصبح على خير
تميم: و انتي من اهل الخير يا حبيبتي
و في نفس اللحظة كانت خارجة من الاوضة بس هو وقفها: على فين العزم يا ست سحر
سحر: الخاتم بتاعي وقع مني في الجنينة هروح اجيبه
امير: باللبس ده و بعدين انا بعمل ايه
سحر: سيبتك ترتاح
امير: اقعدي انتي و انا هروح ادور عليها
سحر: ماشي
نزل الجنينة و فضل يدور عليها و هي جات من وراه و قالت: ها انت لقيتها
امير: لأ لسه انا بدور هو وقع منك فين بالضبط
سحر: انا كنت بلعب بيه في ايدي و مرة وحدة وقع مني
امير بغضب: في وحدة عاقلة تلعب بخاتم جوازها
سحر: انت بتزعقلي ليه
بصت على جنبها و لقتها على الارض و قالت: اهي انا لقيتها
لبستها في ايدها و اتزحلقت هي كمان و وقعت في البيسين
سحر: احيييه يا احيييه انا مبعرفش اعوم الحقني يا امير
امير: هو انتي ازاي تنزلي في السقعة دي
سحر: انزل ايه انا بغرق الحقني
نط و مسكها و هي كانت شربت مية كتير خرجها و قعدها و قال: سحر يا سحر
مسكت فيه و قالت: طلعني بسرعة بردانة مش قادرة
و بعد ربع ساعة كانوا نايمين جنب بعض و هما متكسرين
سحر: اااه يا انا يا غلبانة يا اللي مليش حظ ابدا
امير: ده احنا مش هنقوم من السرير بس تعرفي انا مبسوط
سحر: مبسوط عشان هنمرض؟؟
امير: لأ عشان هفضل معاكي و مش هتحرك
سحر: و هو ده وقت حب انت في ايه ولا في ايه و بعدين متتكلمش معايا انا مخصماك
امير: ليه هو انا عملتلك حاجة؟؟
سحر: ايوة زعقتلي و انا معملتش حاجة
امير: مش هزعقلك تاني حلو كده يا ستي
سحر: لأ مش حلو انت كل مرة تقول كده و ترجع تزعقلي تاني انا خايفة ييجي اليوم اللي تضربني فيه
امير بعصبية: اضربك هو انتي للدرجة دي مش واثقة فيا
سحر بتوتر: انا مكنش قصدي بس ..........
امير لف الناحية التانية و قال: نامي يا سحر الوقت اتأخر
سحر سكتت و لفت هي كمان الناحية التانية و دموعها كانت تنزل في صمت شدها ليه و قال: خلاص متعيطيش
عيطت اكتر و قالت: دي اول مرة تنام فيها من غير ما تخدني في حضنك
امير: و انتي بتعملي ايه دلوقتي ما انتي في حضني
عقدت حواجبها و قالت: متتكلمش معايا
امير: ده انتي قفوشة اوي
سحر: عارفة نفسي مش محتاج تقولي
امير: خلاص بقى قلبك ابيض
سحر: على فكرة انت مبقيتش مهتم بيا و الاهتمام مبيطلبش
امير قال في نفسه: اهدى يا امير دي هرمونات الحمل متتعصبش عليها
امير: من امتى و انا مش بهتم بيكي ده بفكر في اكلك و شربك و صحتك و نفسيتك و دراستك ده انا مهتم بيكي اكتر من نفسي
سحر: انا اسفة بس ساعات بحب اتخانق معاك
امير: اتخانقي معايا براحتك يا روحي
سحر: يعني انت مش زعلان مني
امير: تؤ تؤ مقدرش ازعل منك انا تعبان و عايز انام
سحر: نوم الهنا يا حبيبي
امير: هو انتي مش هتنامي؟؟
سحر: لأ مش جاييلي نوم
شدها لحضنه و قال: كده هتنامي
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
