وصلوا للمنطقة اللي البنات مخطوفة فيها و بدأوا يمشطوها عشان يحددوا مكانهم بالظبط رؤوف عرف ان البوليس عرف لمكانه دخل للاوضة اللي فيها البنات و قال و هو مصوب المسدس ناحيتهم: يالا تعالوا معايا
لوجي: نيجي معاك فين احنا مش هنتحرك من هنا
رؤوف: متختبروش صبري قدامي يالا
غزل: احنا مش هنتحرك من هنا انت مين عشان نروح معاك
اطلق طلقة في الهوا و قال: المرة الجاية الطلقة دي هتكون في دماغ وحدة فيكم
و هوب مرة وحدة ميريام خبطتوا على دماغوا و وقع مغمى عليه
ميريام ضربتوا برجلها و قالت: يخرب بيتك راجل رغاي جابلي صداع
سوار: يالا نهرب بسرعة يا بنات
سحر فاقت و قالت: هو ايه اللي حصل
جوليا: مش وقت كلام تعالوا نخرج
وقفت زاد بخوف و قالت: في صوت ضرب نار برا
ايلاف: اكيد البوليس و معاه الباقي
خرجت البنات و كان في شد بين حراس رؤوف و البوليس
سحر بفرحة: امييير
اتنهد بارتياح لما سمع صوتها و بص عليهم و قال: اوعى وحدة فيكم تتحرك من مكانها
سحر: يا خواتي عليه بصوا بيضرب نار ازاي
ايتن: و ده وقته يا سحر
كانت الكفة لصالح البوليس و قدروا يمسكوا على كافة الرجالة
ادهم: اخرجوا يا بنات
خرجت البنات من مكانها بس رؤوف شد زاد و حط المسدس على دماغها و قال: ايه يا رعد فاكر انها هتخلص كده بكل سهولة
رعد: سيبها يا رؤوف هي ملهاش ذنب انا عندك اهو
رؤوف: اسيبها ده بعينك انا هعيشك طول عمرك بذنبها
رعد: انت مش هتستفاد حاجة و مش هتقدر تهرب البوليس محاوط المكان كله
رؤوف: و لو هاخد اعدام لازم اقتلها
شد الزناد و القلق كان مالي المكان و اطلق الرصاص
زاد غمضت عينيها بخوف: اعععععع
حضنها و قال: اهدي يا زاد انا معاكي
فتحت عينيها بحذر و قالت: هو انا عايشة ولا ميتة
ظهرت ابتسامة خفيفة على وشه و قال: هههه لأ لسه عايشة
غزل سقفت و قالت: الله عليك يا حبيب والديك تسلم ايدك يا ادهم في القلب على طول
ادهم بغرور: جوزك مش قليل برضو
غزل: احلى جوز في الدنيا
باس راسها و قال: و احلى غزال في العالم
مسكها من ايديها و قال: انتي كويسة يا حبيبتي حصلك حاجة
جوليا: الحمد لله انا كويسة
زين: حد عملك حاجة
جوليا: لأ خالص متقلقش عليا
الياس: انا كنت خايف عليكي اوي
سوار: بجد خايف عليا ولا خايف لما كتب الكتاب يتفركش منظرك يبقى زفت قدام الناس
الياس: هو في كتب كتاب من غير عروسة؟؟
سوار: عندك حق
حضنها و قال: انتي قلبي مقدرش استغنى عنك
تميم: انتي بتعيطي ليه دلوقتي
لوجي: الفستان دفعت فيه دم قلبي و مش عارفة ودوه فين
تميم: اااه يا دماغي هتشششل هجيبلك فستان تاني
لوجي: بجد يا تميم
تميم: بجد يا روح و عقل تميم
زاد بخوف: هو هو دلوقتي مات
يزن: لأ ده بيمثل انتي عبيطة يا بت
رعد: ولا اتكلم معاها كويس بدل ما اعلقك
يزن: اسف يا كبير حقك عليا
اديب: يالا اركبوا العربيات امهاتكم هيتجننوا عليكم
و كل وحدة ركبت العربية مع حبيبها
يزن: هتفضلي تبصيلي كده كتير
ايتن: اعملك ايه يعني
يزن: اركبي العربية خلينا نخلص
ايتن: مفيش اي علاقة بيني و بينك تخليني اركب معاك افرض يعني حد شافني معاك هيقول عليا ايه
يزن كور ايده و قال: شايفة البونية دي هديكي وحدة قدر اخلي سنانك تلصق في عينيكي اطلعي خلصيني
ايتن: ايه رأيك بقى انا مش راكبة معاك
ركب العربية و قال: براحتك اقعدي لوحدك هنا
و اتحرك بالعربية و هي قالت بخوف: ده سابني وحدي هنا اعمل ايه انا دلوقتي هي حبكت يعني اتقل عليه دلوقتي اهو سابني
بقت تمشي لوحدها في الشارع و هي بتعيط و بتلوم في نفسها
ركن العربية قدامها و قال: اركبي يالا
كانت لسه هتتكلم بس هو سابقها و قال: و حياة امي لو فتحتي بقوك بكلمة هيسبك و امشي و المرة دي بجد
خافت من كلامه و ركبت قدامه بعد شوية حس بتقل على صدره بص عليها لقاها نايمة ابتسم و اخدنا في حضنه لحد ما وصلوا للبيت
يزن في سره: كان نفسي الطريق يطول عشان تفضلي في حضني اكتر
حط ايده على وشها و قال: يالا يا ايتن احنا وصلنا
ايتن بنوم: سيبيني يا ماما انام و متقوليليش وراكي شغل انا مش عايزة اشتغل تاني عند يزن و مش عايزة اشوف وشه ولا وش العرسة اللي معاه
يزن: عرسة ايه الله يخرب بيتك قومي
فاقت من نومها على صوته و قالت: هو احنا وصلنا؟؟؟
بصت و لقت نفسها في حضنه و قالت باحراج: انا اسفة اكيد وجعتك
يزن: لا ولا يهمك المهم راحتك بكرا انتي اجازة متشتغليش
ايتن: و الله احسن انا اصلا تعبانة هروح ارتاح شوية عن اذنك
نزلت و هو قال في سره: يخرب بيت حلاوتها قمر يا نااس قمممر
و في الاوضة قال باستغراب: مالك مدايقة ليه
سحر: بص بصراحة يا امير انتوا عيلة نحس و فقر كمان و انا من ساعة معرفتكم اتخطفت و دخلت مستشفى و اخر مرة دماغي اتفتحت
كتم ضحكتوا و قال: عايزة ايه اجيب عيلة جديدة؟؟
سحر: لأ انا عايزة اطلق
اتغيرت ملامح وشه و قال بعصبية: انا كام مرة نبهت عليكي و قولتلك متجيبيش سيرة الطلاق دي تاني
عيطت و قالت: متزعقليش
خدها في حضنه و قال: اسف يا قلبي بس انتي بتعصبيني عارف ان اعصابك تعبانة بس و حياتي عندك متجيبيش سيرة الطلاق التاني
سحر: حاضر
قرصها من خدودها و قال: حبيبي المطيع
سحر: هو رؤوف اتكل على الله خلاص
امير: ايوة بتسألي ليه
سحر: حرام كل الجمال ده يروح كده
امير بغضب: نعم يا اختي
سحر: نعم الله عليك يا حبيبي هو في حد اجمل منك
شدها لحضنه و قال: انا كنت قلقان عليكي اوي
سحر بوجع: اااه امير دماغي
باس مكان الجرح و قال: حقك عليا يا قلبي مكانش لازم اسيبك تخرجي
سحر: ليه هو انا هفضل محبوسة
امير: انا هخرج معاكي بعد كده او اخلي الحرس ييجو معاكي و متعترضيش
سحر: بعد كل اللي حصل فيا و اعترض حد الله
امير: طب انا خارج عايزة حاجة
سحر: رايح فين
امير: طالع عند سوزان
سحر: قول كده بقى حبيبة القلب وحشاك
امير: مفيش حبيبة بعدك انتي
سحر: سبتني يا اخويا يالا روحلها انا داخلة اخد دش
غمزلها و قال: اجي اساعدك؟؟
ضربتوا في كتفه و قالت: بطل قلة ادب و روح لست شوزان بتاعتك
كانت قاعدة على سريرها بعدما غيرت هدومها سمعت خبط خفيف على الباب و قامت تفتح
ايلاف: اديب؟؟ ايه اللي جابك هنا
اديب: جيت اطمن عليكي انتي كويسة؟؟
ابتسمت و قالت: انا كويسة متقلقش نفسك يا حبيبي
فرح اوي لما سمع كلمة حبيبي منها و قال: تعرفي اني اول مرة اسمعها منك
اتكسفت و قالت: بطل تكسفني بقى يا اديب
اديب: اسمي طالع منك زي العسل عايزة حاجة مني
ايلاف: عايزة سلامتك تصبح بخير يا حبيبي
باس ايدها و قال: و انتي بألف خير يا روح قلبي
فراس: تعالي يا ميريام يا حبيبتي انا عايزك
ميريام قعدت قدامه و قالت: ايه يا حبيبي
مسك ايدها و قال: انا هتكلم معاكي في موضوع و عايزك تتقبلي رأيي
ميريام: ماشي ايه هو الموضوع
فراس: انا عايزك تسيبي الشغل
قالت بهدوء: ليه هو انا عملت حاجة غلط
فراس: لا يا حبيبتي معملتيش حاجة انتي عارفة ان شغلنا كله خطر و انا خايف عليكي
ميريام: ماشي انا هسيب الشغل بس بشرط
فراس: اللي انتي عايزاه اتشرطي زي ما انتي عايزة
ابتسمت و قالت: لو ان شاء الله ربنا اراد و بقى عندنا بيبي اوعدك اني هقعد في البيت و مش هشتغل تاني
فراس: و لو مخلفناش هنعمل ايه ساعتها
ميريام: بعد الشر متقولش كده هو ده اللي عندي موافق ولا ...........
فراس قاطعها و قال: ولا ايه موافق طبعا
ميريام: ماشي انا هروح انام
فراس: تنامي من غيري من امتى ده
ضحكت و قالت: و انا اقدر برضوا بس قولي الاول انا لما اتخطفت كان احساسك ايه
حضنها بقوة و قال: زي ما روحي كانت بتتسحب مني انتي روحي و قلبي مقدرش استغنى عنك انا كنت هموت من خوفي عليكي
ميريام: يعني انا لو حصلي حاجة كان .............
قاطعها بسرعة و قال: بعد الشر عليكي يا حبيبتي متتكلميش في الموضوع ده تاني
ميريام: حاضر يا حبيبي تصبح على خير
فراس: و انتي من اهل الخير
VOUS LISEZ
خيوط القدر (لقاء شخصياتي)
Actionفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
