صحيت تاني يوم على صوت عياطها للمرة المليون شالتها و هي بتقول: قلب مامي مالها نبطل عياط عشان بابي تعبان و عايز ينام
قامت و هي شايلاها على ايدها و الايد التانية بدات تكوي هدوم امير اللي صحي بعدما خلصت و قال: تعبتي نفسك ليه كنتي نديتي على حد من الخدم
سحر: انت عارف يا حبيبي ان بعد اعملك كل حاجة بنفسي
باس ايديها الاتنين و قال: ربنا يخليكي ليا يا حبيبتي
سحر: و يخليك ليا يا حبيبي
بص على بنته النايمة و قال: شيلتيها ليه كنتي خليها نايمة
سحر: ما انا كل ما احطها تعيط دي طول الليل بتعيط
امير: انا نمت بعمق مكنتش سامعها بقالي كتير منمتش
سحر: ليه انت كنت تعبان؟؟؟؟
امير: ايوة تعبان بفراقك يا سحر انا مكنتش اذوق طعم النوم و انتي بعيدة عني
سحر بندم: انا اسفة
امير: الوحيد اللي لازم يتأسف هو انا المفروض اعرفك على كل حاجة غلطة و اخدت ثمنها ببعدك
سحر: عارف انا كنت بتقطع من جوايا كل ما افتكر انك كدبت عليا بس في حاجة كانت بتقولي ان وراك سبب و كنت دايما بكدب نفسي
امير: حقك عليا
سحر قالت و هي بتبص على بنتها: حتى و انا بولد كنت خايفة اموت و مشوفكش و اسيب بنتي
امير حضنها و قال: بعد الشر عليكي يا قلبي خلاص انتي معايا و مش هسيبك تاني انا بحبك و مش هقدر على فراقك تاني
قاطع لحظتهم الرومانسية عياط آنيا و هو قال: دي رخمة اوي
سحر حضنتها و قالت: امييير متقولش على بنتي كده
امير قال و هو بيدخل الحمام: ماشي متشتكيش تاني
خرجت من الحمام و هو قابلها و قال بغضب: ايه ده
ايتن باستغراب: انت بتتكلم على ايه
طلع شريط دوا و قال: ممكن تفهميني ده ايه
سكتت و هو كمل: انت بتاخدي حبوب منع الحمل من ورايا ليه؟؟؟
ايتن: انا م ............
قاطعها و قال: مش عايزة تحملي مني مش كده؟؟؟ طب قبلتي تتجوزيني ليه
ايتن: يزن اسمعني بس
يزن: مش عايز اسمع حاجة ورقتك هتجيلك
كان هيخرج و هي قالت بدموع: انا عملت كل حاجة عشانك انت
يزن: عشاني؟؟؟ تمنعيني من الخلفة و تقوليلي عشانك
ايتن: انا سمعتك و انت بتقول انك مش عايز اطفال
يزن بصدمة: انا !!!!!!!!
ايتن بعياط: انت كنت بتتكلم مع صاحبك في التيلفون و سمعتك و انت بتقول كده و انا خوفت تطلقني
يزن قعد بهدوء و قال: تعالي يا ايتن اقعدي جنبي
قعدت و دموعها على خدها مسح دموعها و قال: انا كنت بتكلم مع صاحبي و من باب الهزار قالي تعالى و خد ابني و انا عارف ان ابنه مبيطلش عياط و زن فقولتلوا مش عايز عيال فهمتيني
هزت راسها بنعم و قالت بتوتر: انا انا اسفة
يزن: هو انا اطول اجيب منك عيال و بعدين اطلقك ازاي ده انتي روحي مش عايز اشوفك الحبوب دي تاني
ايتن: حاضر انا و الله هرميها
حضنها بحب و قال: انا بعشقك يا ايتن و ياريت لو دايقتك في حاجة او عملت حاجة معجبتكيش تعالي و قوليلي
دفنت راسها في حضنه و قالت: حاضر يا حبيبي
يزن: بقالك كتير مقولتليش الكلمة دي
ايتن: هبقى اقولهالك كل يوم
يزن: من غير ما تقوليهالي انا بشوفها كل يوم في عينيكي
ايتن: بس انا عايزة اسمعها منك كل يوم
يزن: بس كده من عينيا الاتنين
صحي من نومه و ملقهاش قدامها سمع صوتها و هي بتتوجع من داخل الحمام دخلها بسرعة و شافها و هي بترجع و وشها اصفر جدا قالها بقلق: زاد مالك
مسكت ايده و قالت: مفيش يا حبيبي شكلي لخبطت في الاكل شوية
غسلها وشها و شالها و حطها على السرير و قال: غيري هدومك نروح للدكتور
زاد بتعب: ملوش لزوم انا هاخد حبة مسكن و هبقى كويسة
رعد قعد قدامها و قال: بس انتي تعبانة اوي
زاد: انا كويسة مخص و هيروح لحاله يالا جهز نفسك عشان تروح لشغلك و انا هنام شوية
بصلها بقلق من ملامحها التعبانة و قام عشان يغير هدومه بعدما جهز نفسه بص عليها و لقاها نايمة مسح على وشها بس لقاها سخنة شوية جاب كمادات و فضل معاها لحد ما نزلت حرارتها تدريجيا
فاقت من نومها على حركة ايده اللي على وشها ابتسمت و قالت: صباح الخير
زين: صباح النور يا قلبي نمتي كويس
جوليا: لأ انا بطني بدات تكبر و مش مخلياني انام
ضحك و قال: بكرا هتتعودي
جوليا: كل يوم تقولي هتتعودي و مش بتعود انت لازم تشوفلي حل
زين: اعمل ايه يعني احمل بدالك؟؟؟
جوليا: و ليه لأ
زين: جوليا حبيبتي انتي سخنة صح ازاي؟؟ دي مستحيل تحصل
جوليا: مش ده ابنك اتحملوا بقى
زين: ما انا متحمل امه كفاية عليا
جوليا: تقصد اننا تعباك مش كده
زين: هو انتي زعلتي انا بهزر معاكي
جوليا قالت و هي بتدخل الحمام: على فكرة هزارك رخم
اتنهد بتعب من تقلب مزاجها خصوصا بعد الحمل و فضل مستنيها لحد ما خرجت من الحمام كانت رايحة لاوضة اللبس بس هو شدها ليه و قال: متزعليش مني
نزلت راسها و قالت: ابعد عني
رفع راسها و شاف دموعها و قال: هي وصلت للعياط للدرجة دي زعلتي
جوليا: انا مزعلتش منك انا بس .......
سكتت و هو قال: كملي سكتي ليه
جوليا: مش عارفة انا عايزة ايه ساعات بكون بعيط و اضحك فجأة انا هتجنن يا زين
ابتسم و هو بيمسح دموعها: مش هتتجنيني ولا حاجة يا قلب زين انتي بس اعصابك تعبانة شوية اليومين دول و هتتحسني
جوليا: ان شاء الله
زين: مش عايز اشوف دموعك دي تاني مفهوم؟؟؟
جوليا: حاضر يا حبيبي و انا اسفة على اللي بعمله
زين: انتي تعملي اللي انتي عايزاه في الوقت اللي عايزاه انا لو مستحملتكيش هستحمل مين يعني
شدت على حضنه اكتر و قالت: انا بحب اوي يا زين اوي
زين: و انا بعشقك يا روح زين
دخل عليها بعدما نام في الشغل و مسك ضحكته بالعافية من منظرها كانت نايمة بعرض السرير و لفة نفسها في الغطا قرب منها و هو بيتأمل في ملامحها و هي حست بحد جنبها و قامت و هي بتصرح: الحقوووني حرامي يا ناس حرامي يا خلق
ادهم: يخرب بيت جنانك انا جوزك يا متخلقة
هرشت شعرها و قالت بغباء: هو انا اتجوزت امتى؟؟
حط ايده على بطنها و قال: سامحوني يا ولادي جيبتلكم ام هبلة
غزل: هو انت كنت فين يا بيه من امتى بتبات برا البيت
ادهم: كان عندي قضايا كتير و كان لازم اخلصها
غزل: ربنا يعينك يا حبيبي انا كنت بسألك بس
ادهم: اسألي زي ما انتي عايزة بس احنا مش اتفاهمنا اننا منامش على بطننا تاني؟؟؟
غزل: اعمل ايه ما انا بتقلب و انا نايمة و مش بحس بنفسي و انت كنت بتعدلني
ادهم بضحكة: ايوة بتبقي تقيلة اوي
كشرت و قالت: دول ولادك يا اخويا مش انا
ادهم قرص خدودها و قال: عارف بهزر معاك بس
غزل حطت ايدها على وشه و قالت: شكلك منمتش كويس
ادهم: انا منمتش خالص
غزل: نام و انا هبقى اصحيك
ادهم: و انتي رايحة على فين
غزل: هجيبلك اكل و اجيلك انت مأكلتش حاجة
حضنها و هو بيقول: انا جيعان نوم
غزل: عارف بتفكرني بإيه
ادهم بصلها بحب و قال: بإيه يا قلبي
غزل: بالعيل الصغير اللي كل لما ييجي ينام يحضن لعبته المفضلة
شوحت بايدها و قالت: بس انا مش لعبة ها واخد بالك انت
ادهم: و من قال انك لعبة عارفة انا كل يوم بتأكد اني مش بحبك
بصتلها باستغراب و كانت لسه هتتكلم سبقها و قال: انا بعشقك بقيت مجنون بيكي خلاص
غزل: الحمد لله انك لحقت نفسك كنت كمان هتبات النهاردة برا
ادهم: و اهون عليكي منمش يومين
غزل: لا يا حبيبي انا بهزر معاكي بس
باس ايدها و حضنها و قال: عارف يا حبيبتي يالا طفي النور قدامك عشان ننام
طفت النور و حضنته اكتر و ناموا
سوار: الياس يا الياس انت يا ابني
الياس: عايزة من خلقتي ايه
سوار: قوم اتفرج معايا الفيلم
الياس: فيلم ايه يا بنت الهبلة الساعة 7 الصبح سيبيني انام ابوس ايدك
سوار: يعني مش هتتفرج معايا
الياس: ايوة و اسكتي خليني اتخمد
سوار: ماشي يا الياس ماشي
قامت من مكانها و هي بتتسحب و جابت حاجة من بين هدومها و بعد شوية قام الياس مفزوع على صوت فرقعة جامد
الياس بخضة: في ايه هما احتلونا ولا ايه
وقعت سوار من كتر الضحك و قالت: هههه الحقوني مش قادرة هموووت يخرب بيتك
بصلها بغضب اتحول تدريجيا لابتسامة من ضحكتها
شالها و هو بيقول: ينفع اللي عملتيه ده
مسحت دموعها اللي نزلت من ضحكها الجامد و قالت: متبقاش قفوش بقى انا بلعب معاك
انفجرت في الضحك تاني و قالت: بس كان شكلك مسخرة
الياس بحب: لو ضحكتك على حساب خضتي فأنا موافق
سكتت بكسوف و هو حاوطها بإيده و قال: ها يا ستي فين الفيلم اللي قولتي هنشوفو
سوار: هو انت مش قولت انك عايز تنام
الياس: هو انتي خليتي فيها نوم
سوار: اسفة انا مقصدتش
الياس: من امتى الاحترام ده
سوار: تقصد اني مش محترمة صح
الياس: هو انتي بتفهمي من ايه مخك فيه ايه
سوار: انا مش غبية و متزعقليش
الياس: هو انا اتكلمت انتي بقيتي غريبة اوي
سوار: انت اللي بقيت متغير معايا
الياس باستهزاء: متغير معاكي ازاي يا سوار هانم
سوار قامت من على السرير و قالت بحزن: مفيش
مسكها بقوة من ايدهاو قال بنبرة تحذير: اخر مرة تمشي و انا بتكلم معاكي اقسم بأيمنات المسلمين لو كررتيها تاني انتي عارفة انا ممكن اعمل ايه لما بتعصب فمتستفزنيش
نزلت راسها و قالت بدموع: حاضر ممكن تسيبني ايدي بتوجعني
ساب ايدها و هي جريت على الحمام قفلت الباب وراها و بدأت تعيط في صمت اما هو فندم على تصرفه معاها و عرف قد ايه كان قاسي معاها
و على الناحية التانية صحيت على صوت الباب و هو بيتقفل قامت بفزع و خرجت مسدسها و قالت: مين
فراس: سيبي مسدسك يا هبلة ده انا
ميريام: معرفش حد بالاسم ده
شغل النور و قال: انا جوزك هو مين اللي هيدخل عليكي الاوضة غيري
قامت و حضنته بحب و قالت: انت وحشتني اوي يا فراس اسبوع كامل مشوفتكش
شدها لحضنه اكتر و قال: غصب عني يا حبيبتي انا خلصت المهمة و جيتلك على طول
ميريام: المهم انك رجعت و خلاص
فراس: ها عملتي ايه في غيابي
قعدت و قالت: مفيش باكل و بنام بس الاجازة دي هتيجي عليا بالعكس
فراس رمى نفسه على السرير و قال: لسه مش راضية تسيبي الشغل
ميريام: هو انا فكرت و الله اعلم
فراس قال و هو مغمض عينيه: فكرتي في ايه
ميريام: انا بفكر اسيب الشغل
فراس: ما انتي سيبتيه و رجعتي تاني
ميريام: لا المرة دي مش زي اللي فاتو
فراس: و ايه الاختلاف ما بينهم
خرجت ملف من الكومودينو اللي جنبها و قالت: بص كده
فراس خرج الاوراق من الملف باستغراب و قال: ايه دول
ميريام: افتح و هتعرف ايه
بدأ يقرأ الورقة اللي في ايده و ملامح الصدمة و الفرحة بتترسم على وشه و قال: ان ........ انتي حامل !!!!!!!!
ميريام بابتسامة: ايوة
شالها و لف بيها و هو بيقول: دي احلى حاجة حصلتلي في حياتي
ميريام: كنت مفكرة ان جوازنا احلى حاجة حصلتلك
فراس: سيبك من كل ده سيبيني افرح شوية
ميريام: متخيلتش انك تنبسط للدرجة دي
فراس: ده انا هاين عليا اروح لكل حد في الشارع و اقوله
ضحكت و قالت: مجنون و تعملها
فراس: بصي انتي من هنا و رايح مش هتقومي من مكانك خالص اللي تعوزيه هيجيلك
ميريام: لو كنت مفكرة انك هتعمل كده كنت حملت من زمان بس ده قدر ربنا
فراس: و نعمة بالله ممكن البرنسيسة تتكرم عليا و تنمني جنبها ولا هتقرفي مني
ميريام: و انا هقرف منك ليه؟؟؟
فراس: هو انتي مشوفتيش لوجي بتعمل ايه في تميم دي بتنيموا على الكنبة
ميريام: اه و الله ده صعبان عليا
فراس: و انا مش صعبان عليكي انا هنام و انا واقف
ميريام: طبعا يا حبيبي تعالى
VOUS LISEZ
خيوط القدر (لقاء شخصياتي)
Acciónفي عالم الخيال، يتصارع النور والظلام، تتجسد شخصياتي المحبوبة من رواياتي السابقة في قصةٍ جديدة تشق طريقها بقوة وإثارة. هنا، تتلاقى أقدارهم وتتشابك مصائرهم في خضم الأحداث الغامضة والمثيرة التي أنسجها ببراعة قلمي.تتحد شخصياتي السابقة في محور واحد، يتلا...
