الكاتبة solia
موسى : هيا بابوي كان بنروحو
عارف : تي خيركم حتا انتم غر خليكم
موسى بغضب : يلي ميقدرناش ميلزمناش ولا نقعدو عنده وبارك الله فيكم هيا يابوي
مصباح ميقدرش يكسر كلام ولده وناض وهوا ولاكلمة
احلام : عيب عليك ياولد لدير فيه شن هادا
موسى : يما وتي روحك انتي وبنتك وهيا نوضي
احلام : لاحول ولاقوة إلا بالله
وناضت لبست هيا وبنتها وروحوا عائلة مصباح وبعدها بي شويا روحوا كل واحد لحوشه
عائشة
من لما روحت واني ديما حابسة روحي في الدار معاش عندي نية في شي لاناكل ولا نشرب طبعا كانو يجو عمامي وعماتي واي حد يجي واني مستحيل ننزل معاش شفت حد من يوم البحر قعدت نطلع من الدار إلا لي ضرورة ولو مفيش حد وقعدت ع الحال هادا قريب شهر وفي يوم من الايام نضت الصبح
عائشة وهيا تلود في الدار وخايفة وتبكي : ياربي ياربي لا ياربي كون معاي ان شاء الله لا يارب حيي عليا
كانت دورتها متأخرة ليها 3 ايام وحاسة روحها مش طبيبعة مرات تنوض الصبح تستفرع
عائشة تتصل بي تلفون
شيماء : ايوا حبي
عائشة : نبيك تجيني تقدريي ضروري
شيماء مخلوعة : شن في خيرك
عائشة : وقت تجي نحكيلك نبيك تجيبلي حاجة من الصيدلية
شيماء: باهي شن تبي توا نقول لي معاد يحطني اهو طالع
قداش ما الكلمة حسيتها رزينة قداش ماكنت نشعر بي الخزى واني بنقولها كان الحروف كانها رزينة علي قلبي وعلي لساني
عائشة بتردد: ا ا ت س تست حمل
شيماء بصدمة لين شهقت : اهييي لمنيي شن تقولي انتي
عائشة وهيا تبكي : شيماء بسرعة ارجوك بدون اسئلة
وسكرت الخط
قداش ماقعدت دمعتي قريبة كانت دموعي متنشفش تغيرت هلبا قبل يلي عائشة دمعتها صعب تنزل يلي ديما هيا قوية قعدت علي ابسط شي نبكي انكسرت من كل الجهات الهم والحمل يلي كنت شايلاته كان اقوى مني كنت اول مرة نتأذى بي طريقة هادي 💔
وفاتت هكي نص ساعة يمكن ووصلت شيماء طقطقت ع الباب
فتحتلها الشغالة
اسمهان وهيا مقعمزة في الصالون : شكون ع الباب
خشتلها شيماء
شيماء : اني اني خالتي اسمهان كيفحالك شن اخبارك
اسمهان : اهلين كيف حالك انتي كيف حال امك وعويلتك
شيماء : الحمد الله في نعمة كلنا بخير كيف حال صحيحتك انتي
اسمهان : اهو الحمد الله بنيتي جاية لعويشة اكيدة
شيماء : اي قلت خلي نهدرز عليها
اسمهان : احسن مادرتي يابنيتي راهي ولت حالة مشعارف خيرها لاتبي تخلينا نعاينوها لاشي ديما حابسة روحها في الدار راهو قلبي واجعني عليها💔
شيماء :لالا توا نشوفها مفيها شي متشغليش بالك انتي
اسمهان بعيون مدمعة : ان شاء الله
