تانيي يوم ...
اسمهان : غر كولي يابنتي افطري كويس
عائشة : ي ماما مستعجلة والله توا نفطر معا شيموو برا
اسمهان : باهي ديري بالك واستمتعي بوقتك باهي
عائشة : حاضر هي سلام
اسمهان : في حفظ الله يابنتي
وطلعت عائشة لقت شيماء تستنى فيها
شيماء: صباح الخيرات والليرات لي احلا عيوشة
عائشة بتوتر : وين الخير شفته هيا بسرعة تحركي
شيماء : نقصي منه التوتر خلاص احني عارفين شني بس نتأكدو
عائشة : تمام هيا تحركي
وطلعت شيماء لين وصلو لي مختبر
شيماء: السلام عليكم
الريسبشن : وعليكم سلام تفضلي
شيماء: ا ا نبي نبي ندير تحليل للحمل يعني نبو نتأكدو
الريسبشن : تمام تمام فهمت عليك ممكن الاسم الثلاثي
عائشة : عائشة الطاهر ال...
الريسبشن : تفضلي الواصل اول مامر علي يدك ليمين العيادة رقم 1
ومشو ودارت التحليل وقعمزت تستنى قالولها نص ساعة ويطلع
شيماء: هدي خيرك خلاص مفروض تقبلتي لانه انتي عارفة نفسك انه حامل
عائشة : ان شاء الله لا يارب يارب
شيماء: لاحول ولاقوة إلا بالله
وقعدو نص ساعة يستنو لين طلعت الممرضة
الممرضة : عائشة الطاهر
عائشة : اا اني اني
الممرضة : عندك تحليل...
عائشة : اي اي شن طلع
الممرضة كانت مستغربة من توترها : الف مبروك حامل
عائشة
كأنه من ضربني علي راسي قداش ما الكلمة كانت رزيينة علي مسمعي 💔
شيماء لاحظت عائشة حتفضحهم
شيماء بتصنع : الله ههه حامل فرحتينا والله ممكن نعرف مدة الحمل
الممرضة : ثلاثة اسابيع
شيماء نصدمت : مشكورة حبيبتي ... ورفعت عائشة
عائشة : سمعتها شن قالت كيف بندير يشيماء مصيبة نزلت عليا راه💔
شيماء : زي مقتلك بتكلميه وتوا خلينا نمشو نفطرو ع وانتي بدوخي خلاص ونقولك شن بديري
مهم فات الوقت وفطرو ودارو دورة وبعدين روحت بيها وقتلها بالخطوة شن ادير وشن تقوله لموسى ..
الحاج محمد : غيرتي جو المهم
عائشة حاطة راسها علي كتف بوها : اي اا بوي قتلك عادي تلفونك نبي نبعت لي مروة اني معنديش رصيد بس
الحاج محمد : علاش مقلتيش شريتلك ولا عندي في دار اهو توا..
عائشة : لالا جدي مش لازم بنتصل بيها ع سريع بس
الحاج محمد : تفضلي خودي
عائشة : صحيت ...
وناضت وقعدت ادور في الارقام لين لقاته رقمه مسجل موسى مصباح خداته عندها
عائشة : صحيت يابوي متردش شورها مشغولة توا نشوفها حتا غدوة
الحاج محمد : باهي براحتك بنتي
عائشة : اني طالعة بنقعمز في الجنان شويا قول لي امي مش متنشغلش
حاج محمد : حاضر
