في يوم اليبان وكان الوقت الساعة 1:00 وكان في الصالة لانه حاج محمد كان يبي يدير لعائشة في احسن الاماكن رغم انها رفضت وكانت مكتفية انه يكون في الحوش ....
شيماء : اي كل شي واتي تمام تمام
مروة : راهو المزينة وصلت ندخلها
شيماء : اي اي دخليها طول خلي تبدا فيها
مروة : تمام هي ...
طبعا شيماء كانت يد بي اليد هيا وعائشة ومسيبتهاش ولا لحظة وقعدت تدعم فيها وتحاول تغيرلها جوها بقدر الامكان وتبيها تستمع بي اهم لحظات حياتها حتا ولو كانو مش نفس كانت تبي وفعلا عائشة تغيرت نفسيتها شويا
عند مصباح ...
احلام : هي مصباح معاش مزال وقت وتيت روحك
مصباح : اي واتي هي خلي نشوف خوك وين
احلام : اكرم قالي اهو كيف بنخش الفتحة ت
مصباح : تمام هي مالا اني طالع
طبعا الصبح كانت فضانية غدي ويلي كانت في الحوش اسمهان ومعاها اسماء وخالة عائشة اسمها صفاء المهم كيف قعدو يوصلو الرجالة
عند العارف ...
امنة : بوكم كيف مشي لي الفضانية
ريمة : اني مش ماشية بعدين صورولي كل شي
ريهام : تعرفي اني عندي فضول نشوفها كيف بتطلع
رزان : ريحينا ترا واسكتي
امنة : قالتلي اختك مفيش حد في الحوش شوره لبنات في الصالة معاها صاحبتها وبنت خديجة هديكا وقتلي احني في الحوش حناي وخالتها جاية لسماها صفاء
ريمة : دراه الكبد هديكا يلي زي بنت اختها جت سبحان الله نفس الاسلوب قلة ادب ومتكبرة مشفتيهاش ماما كيف مرة لما جت لحوش حناي كيف دارت وشن قعدت تقول
ريهام : هيا الحق قنينة هلبا خالتها اصلا اماليها عائشة وهيا الحق جمال ربي حطه فيهم
رزان : انتي حتا اطيحك بي طريحة تموتي فيها وتحبها
ريهام قلبت عيونها : شنهوا لقلته قلت الحق اني
ريمة : مقالتش كيف قفطانها اسماء ولا شن مدايرين التفاصيل وهكي
امنة : لالا مقتلي شي كله في الصالة شوره اما الفضانية مندريش الحق قتلي توا نبعتلك صور لاكن قتلي كل شي قنين
رزان : طبعا ي ماما فلوس حتا هما جدي اشبح كم دافع
ريمة : شورني بنمشي مصارليش
امنة : خوكم وجها مقلوب تقول عنده حالة وفاء
ريهام : الله غالب
امنة : المهم خلي نمشي نوتي روحي من توا ونشوف شن بنلبس اكيد كلهم علي سنقة عشرة غادي
عند سليمان ...
ندى : بلا هبال شن مش ماشية ومقعمزتيلي تبكي بلا عار حسستيني انه علاقة وسيبك ياسري بلا جو
نادين : هوا اصلا كنت عاجبته انتي مشفتيشي ياندى قصدي مفهمتش كيف هكي صار اني نبيه نبييه
ندى : باهي غر نوضي هيا توا مقعمزة ومش حتمشي اكيد حيقولو حاسدتها ومجتش تعرفيهم انتي
نادين مسحت دموعها : لاكن توا تشوف كانه تهنت اني معاش نبدا نادين
ندى كانت تشوف لي اختها وخايفة منها ومن ردة فعلها لانها كانت بركان علي عائشة ... علي خشة نجوى
نجوى : هيا وقت ع المزين وين اختك
ندى : اهي جاية في حمام البس بوي مشي
نجوى : صباح الخير من امبكري ماشي بالك حتا قريب يكملو
ندى : ومن مشي تاني
نجوى : من خوتك مامشي حد عساس جلال قاله بوه هيا كان بتمشي مشي طلع معاش روح الفرخ اهوا مش عاجبني قالب وجها من يوم ماعرفها نخطبت
ندى : اشبح
لين طلعت نادين ومشو للمزين التلاتة ....
