في الطريق ....
كانو طول الطريق ساكتين لين عائشة حست مش طريق الحوش ماشي
عائشة : وين ماشي بيا ان شاء الله اني سكتلك وطلعت منبيش نزيد نكبر المشكلة بس
موسى مردش وكمل الطريق
عائشة : الطلاق بطلقني معندك وين تتهرب
موسى عيط عليها وضرب علي الدومان : سكريي فمكك خيرك انتيي اسكتيي منبيش نسمع صوتك
عائشة سكتت
لين وصلو لي حوش كان علي دورين وكان مش كبير هلبا تعتبر فيلا هيا بس مش كبيرة حلوة هلبا موسى دخل السيارة
موسى : انزلي
عائشة نزلت وقعدت تشوف في موسى ماشي وفتح الباب وخش مشي لحقاته
موسى : حوش الجديد الاول بعته .. وخش وخلاها
عائشة لحقاته تجري
عائشة بصوت عالي: انت ممكن تفهمني وين كنت بزبط تبيع وتشري وتخطط وادير وتكدب علينا مخطوف كنت اهو مفيك شي اني لما قتلك بنطلق عندي كاامل الحق اني منقبلش نكمل حياتي معاك ابدا اصلا تزوجتكك غصب عليا كنت مجبورة
موسى : انتي يعني توا نسيتي لصار بينا يعني انتي متح
عائشة : اي اييي منحبكش ولصار بيناا اني نسيتهه ياموسى يوم اسودد نفس لقبله
موسى بعياط وهوا كان محروق من كلامها : الطلاققق مش مطلق وتقعدي اهني تحلمي تطلقيي
عائشة : تحساب يعني مفيش خد وراي ولا كيف ولا تحسابها سايبة
موسى كان خلاص يبي يضربها : اسكتتي خلاص وخشيي
عائشة : تاكلل في روحككك تبي تضربني اصلا هادي حياتي معاك كلها هكي حتقعد اني مش حنقعدلك فاهممم مش حنقعدد معاك كرهتككك
موسى كان مش طايق كلامها ضرب يده في البوفي كله طاح المرش والدم بدي يصب
موسى خش للدار خدي تلفونها وطلع وسكر الباب بالمفتاح
عائشة
كنت منهارة جتني هستيريا خلاص تعبت الشهور لفاتو كلها حسيت روحي تغاضيت علي هلبا كلام كنت مش طايقة روحي كانو كلهم يضغطو عليا بلكلام راجلك راجلك ميصلحش دار ودار مفروض تطلقي منه الكل كان حديثهم موسى الكل كرهوه وكرهوني فيه كانو يحكولي شن يدير وكانه بلعاني فيا كان المتشمت اكثر من يلي واجعه الحال كنت نبكي عليه وكنت مش متحمله فراقه بس هما جمدولي مشعاري قعدت حتا البكي منقدرش نبكي قدامهم وكانه حاجة غلط كنت نفس الانتقادات نسمع فيها علاش تبكي عليه واحد زي هكي !
قعدت في مكاني نبكي وخلاص لين خداني النوم نسمع في دوشة فتحت اليوم وكان راسي صداع من البكي الدنيا لقيتها مغرب نسمع في حد يلم في المرش عرفته موسى روح قلبي وجعني عليه كان منضره واضح مضروب الجروح كان باريات بس واضحات 💔
نضت واني نحس في جسمي بيتكسر فتحت الدار وطلعت لقيته يلم في المرش ويده الدم عليها جاف والجرح نفس ماهو دموعي نزلو مشيتله وهوا كان ميبيش يشوفلي نزلت لوطة ع الارض لنفس مستواه
عائشة : خلاص خليه توا نديره اني 💔
موسى بدون ميشوفلها : لامش مشكلة
عائشة شديتله يديه : اسفة
موسى قام راسه وكانو عيونه حمر وكان باين عليه الارهاق والتعب وكانه حامل الدنيا كلها علي كتافه
موسى : علي شني انتي مقلتيش شي غلط وانتي الصح
عائشة ببكاء : موسى انت مش عارف الثلاثة شهور يلي انت غبت فيهم اني قداش ماتعبت مريت بضغط غير طبيعي تحملت فوق طاقتي تغاضيت هلبا قعدت حاملة في قلبي عليك هلباا انت مش عارف كم مرة رقدت في العيادة وانت مهناش تعبت هلبا ياموسى تعبت ... وقعدت تبكي وحضناته بقوة
موسى متحملش دموعها : اسف اني اسف وصلتك للحالة هادي
عائشة زادت تبكي
موسى يبي يسكتها : خلاص عاد منتحملش نشوف دموعك اني معاش تبكي
عائشة هدت شويا
موسى حولها من حضنه وشد وجها بيديه : معاش تبكي دموعك غالية راهو توا نوضي واغسلي وجهك خلي نضم الحوسة هادي وبعدين تعالي نهدرزو عندي هلبا دوة بنقولهالك ومستاحشك هلبااا
عائشة ابتسمت وسط دموعها : حاضر ❤️
