موسى
وقت خشيت شفتها كانت واقفة انصدمت بعض الشي قصدي كانت متغيرة هلبا كانت حلوة هلبا اني بروحي اعترفت بيني وبين نفسي بالشي هادا قصدي كانت جداابة هلبا والقفطان وجسمها قصدي كلها كانت حلوة اني خلاص حسيت روحي سخنت 🔥
موسى خش وقعمز طول علي الكرسي وكان يبي يستفزها
عائشة كانت واقفة وهيا مش قادرة تشوفله من التوتر والخوف
موسى بهزوة : مصدقة روحك استاذة عائشة قفطان وملبزة روحك وهاداك هو
عائشة تسمع وساكتة وترعش وخلاص عيونها دمعو كانت عارفة ردة فعله هكي هادا علاش كانت تحاول تطلب من المزينة مديرلهاش مكياج اوفر لانها كانت خايفة من الهزوة وردة الفعل يلي من موسى ولأول مرة في حياتها تخاف من حد هكي يمكن لانه تحس في نفسها انها هيا ليها الذنب ومرات تحس مش هيا يلي مفروض تخاف وتقعد راسها لوطها مفروض هوا قعدت ديما في تناقض كبير
عائشة بصوت يرعش : اني منبيش قتلها منبيش هكي هلبا ديري شويا
موسى شافلها وقال : تعرفي اني الجو اهوا نكره دين .. لاكن علي خااطر امي بس تعرفي اميي عليي خاطرهاا بس الباقيي خليقتك منبيش نشوفها بكلل
عائشة
فجأة صوته تغير وقعد يشوفلي ويتكلم بنبرة تهديد كانت طريقة كلامه تخوف وقعد يقولي في كلام زي السم واني نسمع وساكتة وخلاص اهني معاش قدرت دموعي قعدت تنزل زي لمطر بدون صوت 💔
موسى حس انه زودها او بالاحدى مش وقته انه يتفكرس توا كل شي وتوا تنهار ولا تصيرلها حاجة : امسحي دموعك توا يخش حد
عائشة : بب به
المنشطة بي المايك : ايوا ايوا لمتحجبة تلبس وعاودتها مرتين
وكل يلي في القاعة وجهو نظراتهم ع الباب يلي بتخش منه عائشة وموسى والفضول كلهم ضاربهم في يلي ميعرفش موسى كيف وكان فضولهم كيف حيكون شكله خطيب عائشة
في الحجرة خشت احلام وصفاء طبعا صفاء كانت متحجبة لما خشت
صفاء مدت يدها لي موسى : اهلين موسى كيف الحال
موسى مد يده وبدون نية : الحمد الله بخير
صفاء: مبرك عليكم ياربي ان شاء الله ربي يكمل علي الخير
موسى: بارك الله فيك
احلام جت قدام عائشة وعيونها دموع : الله يبارك علي كنتي ان شاء الله ربي يكمل عليكم بالخير ياربي
عائشة ببتسامة وهيا خايفة ادير لقطة قدام موسى متعجباش معا امه : ان شاء الله عمتي
احلام قعدت تقرا عليهم
موسى : يما سقدينا بس محد واخدنا بالعين ياودي
صفاء : ههه لا قول علي روحك بنت اختي غزالة مشاء الله عليها زين الله وحد وعاد يلي يكره اكثر من يلي يحب مايقولو كلمة خير
عائشة كانه صبيتي عليها اميه سخونة في لحظتها تمنت خالتها متكلمتش وقعدت ساكتة وقعدت عائشة تشوف لي موسى تبي تشوف ردة فعله
موسى
لما تكلمت خالتها عرفتهم عيلة زي بعض نفس الطبع.. مرديتش عليها
احلام : هيا هي المعازيم يستنو فيكم
صفاء: هي وطلعت
طبعا احلام وصفاء طلعو هما قبل وفتحت المنشطة لحن هكي حلو هلبا
