كانو العيلة ملتمين في حوش مصباح ويهدرزو
الباب كان يطقطق 🚪
موسى ناض بيفتح وعائشة كانت واقفة في نص بترفع السفرة
موسى فتح وانصدم 😨كانت جوليا ع الباب
موسى بصوت متقطع : تفضلي
جوليا : موسى عرفتني
موسى : اي خيرك
جوليا تبكي : امي ماتت معاش عرفت حد نوصل فيه قعدت بروحي
موسى تأثر : البقاء والدوام لله الله يرحمها وعظم الله اجرك
جوليا : شكر الله سعيك
طبعا عائشة كانت تشوف فيهم بس حست انه موسى طول قداش الباب مشتلهم كانت تحسابه حد من جيران
جوليا : موسى اني حامل
موسى نصدم يبس في مكانه
عائشة : السلام عليكم تفضلي اختي
جوليا قعدت تشوفلها وعرفتها مرته
عائشة : معليشي مني انتي مني موسى هادي
موسى كان مصدوم والصدمة واضحة عليه مشي وخلاهم
جوليا : ا اني موسى يلي قعد عندنا
عائشة عرفتها من كلامها انها يلي حكالها عليهم موسى مقدرتش تسالها انه علاش جاية او هكي نحرجت ومعرفتش علاش موسى كان مصدوم من شي
عائشة : به تفضلي خشي
جوليا خشت : ا انتي اكيد زوجته
عائشة : اي
جوليا : السلام عليكم
احلام باستغراب : وعليكم السلام
عائشة : الاي هادي البنية يلي ساعدت موسى
احلام : تفضلي مرحبتين
جوليا ابتسمت
ورحبو فيها وحكتلهم علي امها كيف كان يعز عليها هلبا موسى وانه توصي عليه وهكي
في المطبخ
مريم : توا هادي وين بتمشي
عائشة : منعرفش بالك تعرف حد اهنايا
مريم : لالا سمعتيها قتلك منعرفش حد هنايا غر قعدت حافظة عنوان موسى وقعدت نسال مش وصلت
عائشة : الله واعلم اكيد مش حتقعد هنايا
جوليا استأذنت وخشت للحمام وهيا طالعة شافت موسى في المربوعة مقعمز ويدخن مشتله
جوليا : موسى
موسى وقف طول : شن اديري اهني انتي توا يشوفك حد
جوليا : نبي ندوي معاك اني معنديش حد غيرك
موسى : شن المطلوب مني يعني شوفي اماليك وين لكلام يلي قلتيه امبكري اني مش مصدقه واطلعي توا خير ما يجي حد
جوليا : تقدر اديرلي تحليل وتعرف انه اني حامل ولالا
موسى كان مشعارف كيف يتصرف ووجها اسود
طبعا مريم كانت خاطمة جيهة المربوعة وسمعت لكلام😨
جوليا : اني منكدبش عليك واني مش حنقعد هنايا بس خلي في بالك انه مستطيل نجهضه
موسى : تطلعي من هني وتمشي لي .... وتستنى لين نجيك اني غادي
جوليا فرحت : تمام .. وطلعت
مريم خشت للدار وهيا قاعدة مصدومة من خوها كيف يدير هكي 💔
جوليا : اني بنمشي صحيتو
احلام : وين بتمشي معندك حد اهني بلاد غريبة عليك اهو خليك عندنا لين تسافري لي بلادك بنتي
جوليا : شكرا والله كفيتو ووفيتو لاكن عندي صديقة هنايا
احلام : جميلك سابق وتبي اي حاجة تفضلي
جوليا : صحيتي والله
عائشة مدتلها يدها بدون نية
جوليا : مع السلامة
ردو عليها وطلعت
احلام : وين موسى معاش بان
عائشة : منعرفش توا نشوفه .....وناضت ادور فيه لين لقاته في الجنان
