تاني يوم
موسى فتحت عيوني لقيتها قدامي وكنا قراب من بعض قعدت نشوفلها قداش ماربي حط فيها جمال وزين حسيت بروحي انه نقرب منها بدون وعي خلاص نفسي ضعفت فلاخير اني راجل يعني وبنضغف قربت منها وبستها علي فمها كنت ناوي بنوقف لاكن خلاص كانه البركان يلي كان فيا خامد خلاص بينوض وقعدت نبوس فيها
عائشة
كنت راقدة في نوم عميق لين نحس في حاجة فوقي وموسى كان يبوس فيا اني من صدمتي معاش عرفت نتصرف ولا شن ندير فتحت عيوني وهوا قاعد مسمىتمر نحس في نفس انقطع عليا
عائشة حط يديها علي صدرة وقعدت تحاول تبعده : موسى مش هكي حول
موسى : صدقيني انتي يلي بتجبريني انه نخلي لحلال ونتجه للحرام ... وناض خش لحمام
عائشة قعدت تفكر في كلامه لقاله لاكن خلت روحها عادية ودارت فطور لاكن موسى مفطرش خدي قهوة ودارها بروحه وطلع
عائشة قعمزت ع الطاولة وقعدت تبكي تبكي حست نفسها انه موقف صعب هيا حاسة روحها انه تبيه لاكن مش هاين عليها لداره فيها وانه بتسلمله نفسها بساهل واجعتها قاعدة كيف ضربها وكيف اغتصبها وكيف يعامل فيها وكل مرة تتفكر حاجة وتبكي علي روحها
عائشة اتصلت بي شيماء وقتلها تعاليلي
عند اسمهان اتصلو بيها العارف وسليمان قالولها انه بيجو اجلت مشية عائشة وقتلهم تعالو المهم عاد جوها
امنة : ممشيتش لي عائشة مالا
اسمهان : كنت بنمشيلها اليوم اهو مصارش
نجوى : اها وامته بتعزم هيا
اسمهان : منعرفش ... وناضت
اسماء شافت مريم منزلة الصور كيف ماشين لعائشة والتقديم وهكي وكاتبة كلام بمعنى انه في حوش خوي وهكي وعلي مرت الاخ يلي زي الاخت وكلام هكي
اسماء : شوره عويشة عازمة شيابينها
نادين : كيف عرفتي ترا
اسماء : مريم منزلة مشفتوشي
ريمة : لالا ترا نشوف
ندى : غر اشبحي شن معلقتلهم انستوني حبايبي
رزان : تزمزيك تي هيا قبل قريب تضربها هيا وامها
ريمة : حوشها باين حلو هلبا
ريهام : اي قنين واضح حتا تقديم راقي
نادين بغل : تي ماهو هوا لبانيه شن هيادوبعدين تقديم عادي جدا
ريمة : لالا قنين بلا كدب صراحة يعني ترا خشي ع حساب عائشة
ريهام : غريبة مش صديقتك عائشة
اسماء : لالا مفكرتش نبعتلها الحق ... طبعا عائشة كانت مش ضايفة حد من العيلة
ندى بعتتلها طلب من تلفون اسماء : ابعتيلها انتي تقبلك خلي نشوفو شن تنزل
اسماء : مفهمتش اني علاش تقيد لحوال
رزان : اشيه مدايرة متزوجة
ريهام : مالا شن بدير
وقعدو ع الحال هادا 💁🏻♀️... وكلنا عندنا منها النماذج هادي للاسف مش عائشة بس تلقيهم غر يقيدو في احوالك وشن درتي وشن لا وهوا مفيش شي غر الحسد والكره ربي يكفينا شرهم
نجوى : مالا امته فضانيتك مريوة
مروة : نهاية الاسبوع الجاي
امنة : علي خير ياربي ربي يتمملك علي خير
خديجة : سلمك الفالدعن بنياتك واحمد ياربي نفرحو بيه
امنة تنهدت : سلمك ان شاء الله
